Josua 16:4 - Intas Etipup

⁴ Eris leh nahaijin pece ura a ilpu mapoi Manasi im Ifreem, ohwat halav atamaig u Josef.

Josua 16:4 Iomraidhean Croise

Jenesis 41:52

Is anvi nidai inharei aien par ika Ifreem, (Nasvalav vaig): ika aien, Is aiheuc vai nyak a Atua, um ika ki asvalav ainyak an pece inigki kis ohocred iran ainyak.

Esikiel 47:13

Et ika a Natimarid Ihova; Etmu eteuc niji atcai van pece, akumu ohuun inpece inigki vaig aijaua et idivaig ilpu eteuc et twelv u nup Isreel: erumu ohuun nahaijin et ero a ilpu mapoi Josef.

Josua 14:4

Eris up urai elcau is ero a ilpu mapoi Josef, Manasi im Ifreem: eris lep eti alupai ilpu mapoi Livai tah nuarin eri ohuun ara an pece, niji maliyum ache par amen iran, im lep nobohtan arehed iran va niji itai eklim edo irai pece ura im niji itai ura.

Josua 16:5

Nahaijin pece u ilpu mapoi Ifreem nigki, et idivaig ilpu eteuc ira ra: is eteuc Atarod-atar an nahaijin an ridjai o un, um aridjipan Bed-horon ijinies;

Josua 17:14

Eris tas ehele Josua a ilpu mapoi Josef, um ika, As a uri aiek par alupai cama nahaijin pece et ethi ache im nuarin et ethi ache, ecra ahinag acen aijama, is aiheuc vai cama a Ihova um imihum pam an nopan inig?

Josua 18:5

Erumu ahaig ara inyi lep seven inuarin iran: erumu amen a ilpu mapoi Juta an nahaijin pece ura an nuarin inig et ahes nuritoga iran, erumu lep amen a ilpu mapoi Josef an nahaijin pece ura an nuarin inig et ahes narutu iran.