Josua 15:8 - Intas Etipup

⁸ et lep apan an nahaijin pece an niskanse u inhal u Hinnom, um yetpan an nahaijin Jibus inig et ahes nuritoga iran; Jerusalem nigki: et lep aridjipan nahaijin pece an lolan nedoon inig et eteuc ubutpotet pan u niskanse Hinnom an nete o un, an nilpun niskanse u ilpu atimi actalactal an nuarin inig et ahes narutu iran:

Josua 15:8 Iomraidhean Croise

2 Samuel 5:18

Eris idim apam a nup u Filistia, um esyei ra an niskanse Rifeem.

2 Samuel 5:22

Eris aketo a nup u Filistia, um aridjipam, um esyei ra an niskanse Rifeem.

2 Ilpu Atimarid 23:10

Is auahas Tofet aien an niskanse u ilpu hal u Hinnom, va yi jim imiatga pan inhalav atamaig o un ka inhalav atahig o un tah natimi an cap ehele Molek.

1 Iji Tas Eled 11:4

Is apan Jerusalem a Tevit im lep nup Isreel asega, eris aniv nidan Jibus nigki; eris amen iran a nup u Jibus, nup uran pece.

2 Niji Tas Eled 28:3

Im lep inig, is atnamud nitai auanipin upene an niskanse Ben-hinnom, um atnamud ilpu hal o un d an cap, is idivaig nedo apat u nup urai pece iji ehki is ahlo ra a Ihova, an nuhup u nup Isreel.

Nihemaia 11:30

im Sanoa, im Atullam, im lep irai iji maliyum haklin iran, im Lekis, im lep irai iji uari obohtan iran, im Asika, im lep irai iji maliyum haklin iran. Eris amen Biersiba ara um yetpan an niskanse Hinnom.

Aiseya 17:5

Etpu lep idivaig tah et asjapicnaig nohwai itai aien im korn meto, et lep ucsei negai korn aien an nikman; etpu idivaig tah et asjapicnaig negai korn aien an niskanse Rifeem.

Jeremaia 19:14

Ja is ahes Tofet a Jeremaia, inuarin inig is abraig yiu a Ihova, mika yi apan iran um asuptecnaig intas, um apam, um aiji an noko… u neom u Ihova, um ika ehele atimi asega,

Jeremaia 19:2

um apan itac an niskanse u inhal u Hinnom, et ubutpotet u neucse nathatahau iyehki er imiapan itac nohok iran, um efehtas eahki intas iji ig ekpu asuptecnaig ehelum ainyak.

Jeremaia 19:6

Et ika a Ihova, Va nitai inigki etpu idim yetpam nopan iyehki, uhpu eti anvi nidan nuarin inigki par ika Tofet, ka Niskanse u inhal u Hinnom, ja Niskanse atgei atimi iran.

Josua 15:63

Is ehka vai ilpu mapoi Juta nahlo vaig nup u Jibus, eris amen Jerusalem ara: ja era amen Jerusalem a nup u Jibus ehele ilpu mapoi Juta um imihum pam an nopan inig.

Josua 18:16

is lep asuol pan nahaijin u nilpun nedoon iyehki, et eteuc ubutpotet pan niskanse Hinnom, an nahaijin niskanse u ilpu atimi actalactal an nuarin inig et ahes narutu iran, um asuol pan an niskanse Hinnom, um apan an nahaijin Jibus an nuarin inig et ahes nuritoga iran, um yetpan En-rocel,

Josua 18:28

im Sila, im Ilef, im Jibus, tak idan Jerusalem, im Cibead, im Kir-jad; niji maliyum alupas et fortiin im niji maliyum haklin iran. Nahaijin pece u ilpu mapoi Benjamin nigki, et idivaig ilpu eteuc ira ra.

Ilpu Atimi Tas Alep 1:21

Eris eti ahlo pan nup u Jibus iji ig eris amen Jerusalem ara a ilpu mapoi Benjamin; era amen Jerusalem a nup u Jibus ehele ilpu mapoi Benjamin um imihum pam au nopan inig.

Ilpu Atimi Tas Alep 1:8

Eris aat an maliyum Jerusalem a ilpu mapoi Juta, um atoraliak um atgei atimi iran an nedoa, um atnamud inmaliyum.

Ilpu Atimi Tas Alep 19:10

Ja is esjum a natimi par amen an nepig iyehki, va nitai inigki is atidai aien um atga o un, um yetpan an nuarin inig is ehnain pan Jibus, Jerusalem marom; is eteuc ehelen togke is ero eris atijai satel iran, is lep ahced yin a ehgan.