Josua 15:4 - Intas Etipup

⁴ et lep ahes eahki um yetpan Asmon, um yetpan an nofowai Ijipt; um yetpan u injap: nahaijin pece unyimia nigki, an nuarin inig et ahes nuritoga iran.

Josua 15:4 Iomraidhean Croise

Jenesis 15:18

Is lep asan tas etipup a Ihova ehele Ebram, um ika, Ek mun alupai ilpu mapom ainyak inpece inigki, et ahes u nofowai Ijipt, um yetpan u nofowai alupas Yufretes:

1 Ilpu Atimarid 8:65

An nopan iyehki eris ehrauaretha alupas a Solomon im nup Isreel asega, natimi is ahinag, ahes an nilpun pece Hemad um yetpan an nofowai Ijipt, an nuhup u Ihova Atua uja, ira adiat is seven im lep is seven, nadiat fortiin marom.

Eksotus 23:31

Ekpu anvai nahaijin pece unyum ainyak, inyi ahes an Jap cap um yetpan an jap u nup u Filistia, etpu lep ahes an namasacen, um yetpan an nofowai: ekpu ikni nup uran pece an nikmam ainyak; namu ahlo ra aiek an nuhup unyum.

Aiseya 27:12

Im lep inig, an nopan iyehki etpu asjapicnaig nohwai itai o un a Ihova ahes an nofowai Yufretes um yetpan an wai Ijipt, uhpu lep asjapicnaig caua, ak nup Isreel, athi um athi ehni.

Numera 34:5

etpu lep ahes Asmon um arehed, um yetpan u nofowai Ijipt, inyi yetpan nehni iran u injap.

Josua 13:3

et ahes Saihor ubutpotet pan Ijipt, um yetpan an maliyum Ekron, an nuarin inig et ahes narutu iran, eris upyi ohuun a nup u Kenan: nelcau is faiv u nup u Filistia; nikavaig, nup u Cesa, im nup Astot, im nup Askelon, im nup u Cad, im nup Ekron, im lep nup Evai:

Josua 15:3

um apan an nahaijin iyehki um yetpan Meali-akrabim, um yetpan Sin, um aridjipan Ketes-barnea an nahaijin iyehki, um yetpan Hesron, um aridjipan Etar, um ahparehed pan Karkaa:

Josua 15:47

im Astot, im niji maliyum alupas im niji maliyum haklin iran, im Cesa, im niji maliyum alupas im niji maliyum haklin iran, um yetpan an nofowai Ijipt, is eteuc injap alupas an nahaijin.