Josua 15:2 - Intas Etipup

² Et lep ahes nahaijin pece ura an nohmunjap u injap acen, an nafaiava inig et ahes nuritoga iran:

Josua 15:2 Iomraidhean Croise

Jenesis 14:3

Eris asjapicnaig ara sji igki asega an nuarin marara Sitim, injap acen nigki.

Aiseya 11:15

Etpu ika a Ihova yi ame nafaiava an jap Ijipt; etpu auhaig nikman aien an nofowai Yufretes an nimtinjap emda o un, um auud nofowai iyehki um atiakoai, mika yi eteuc inrai wai inyi seven iran, um ika eri algauwaig a ilpu atimi o un irai cedpoi eduora.

Esikiel 47:18

Akumu asjaaicnaig natcai van pece an ridjai o un aijaua an niblai Haran im Tamaskus, im lep an niblan pece Cileat im inpece Isreel, nofowai Jortan marom, ahes an nilpun pece um yetpan an jap an ridjai o un. Nahaijin pece an ridjai o un nigki.

Esikiel 47:8

Is lep ika ehelek aien, Et yah pan inwai inigki an pece an ridjai o un, um apok an namasacen, um yetpan an jap: etu wit yetpan an jap, etpu aiyu injap mas iyehki.

Numera 34:3

etpu atupun nilpun pece an nuarin inig et ahes nuritoga iran an namasacen Sin, an nahaijin pece Itom; etpu lep yetpan nilpun pece unyimia an nuarin inig et ahes nuritoga iran, u nahaijin jap acen igcapan an nahaijin an ridjai o un:

Josua 15:1

NAHAIJIN pece u ilpu mapoi Juta nigki, et idivaig ilpu eteuc ira ra; et yetpan nahaijin pece ura an nuarin inig et ahes nuritoga iran an nahaijin pece Itom im namasacen Sin.

Josua 15:3

um apan an nahaijin iyehki um yetpan Meali-akrabim, um yetpan Sin, um aridjipan Ketes-barnea an nahaijin iyehki, um yetpan Hesron, um aridjipan Etar, um ahparehed pan Karkaa:

Josua 3:16

is amen inwai is ahes itaho, um ahga, um ahlaujai ijinies, is itac acen pan u inmaliyum Atam, ubutpotet pan Saretan: is lep ame um tiih inwai um yetse pok an jap an nuarin marara, injap acen marom: eris wat algaunyi natimi um yiaspan Jeriko.