Josua 13:6 - Intas Etipup

⁶ Ekpu ahlo atimi asega irai lola edoon ainyak an nuhup u nup Isreel, ahes Lebanon um yetpam Misrifod-meem, nup u Saiton asega: namu lep ahaig aiek irai up Isreel irai itai asjaaicnaig, mika eri ohuun ara, et idivaig kis asaig ehelum ainyak.

Josua 13:6 Iomraidhean Croise

Saam 80:8

As atipagki vaine an pece Ijipt aiek: as ahlo nup urai iji pece aiek, um ahwaig.

Numera 33:54

Akumu ahaig sjipe inpece iramia aijaua irai itai asjaaicnaig: akumu atcijaig nuarin alupas aijaua imi atimi et ahinag, im lep nuarin tintin imi atimi et eti elpat: erumu ohuun natimi asega an nuarin inig et tau ira ra va nitai asjaaicnaig; akumu ohuun aijaua pan irai ilpu eteuc iramia.

Josua 1:6

Namu emda aiek um jim auatialidi inliinmopom: napu idim ahaig imi atimi iji igki aiek inpece iyehki, kis upyi asaig ehele ilpu retpora ainyak mika ki alupai ra, mika eri ohuun ara.

Josua 11:12

Is atoraliak niji maliyum asega u ilpu atimarid iji ehki a Josua, um atgei ilpu atimarid iran an nedoa, um auahas ehni ra, is idivaig is asaig a Moses naheca u Ihova.

Josua 11:8

Is ikni ra an nikmai nup Isreel a Ihova; eris auud ra ara, um ahau ra um yetpan Saiton alupas, im Misrifod-meem, im niskanse Mispi an ridjai o un; eris atgei ra ara, um eti imialep tah is ethi ira ra.

Josua 13:7

Namu ahaig inpece inigki aiek irai up urai elcau et nain, im nup an nahaijin nelcau u Manasi,

Josua 23:13

akumu ato aijaua mika inyi idim eti ahlo tah natimi irai uari pece iji igki an nuhup unyimia a Ihova Atua unyimia; ja erupu opoig vai caua ara, um itai epihtau, um itai aredei ira ahaijimia, um itai upunupun irai esgaiimtamia, um imihum pan an nopan iyehki akupu emesmas aijaua an pece upene inigki is alupai caua a Ihova Atua unyimia.

Josua 23:4

Kis ahaig iramia ainyak inpece iji igki et amen irai itai asjaaicnaig, mika aki ohuun aijaua et idivaig ilpu eteuc iramia; im lep niji pece asega kis auahas atimi iran ainyak, nahes vaig Jortan um yet pan an jap alupas an nete o un.

Josua 23:5

Etpu atcijai ra an nuhup unyimia a Ihova Atua unyimia, um ahlo ra an nuhup unyimia; akupu ohuun inpece ura aijaua, et idivaig is asaig ehelemia a Ihova Atua unyimia.