Josua 12:1 - Intas Etipup

¹ ERUS ohwat atimarid erahki arau eraigki, is auud rau a nup Isreel, um ohuun inpece urau, an nahaijin Jortan igcapan an ridjai o un, ahes an nofowai Amon um yetpan u nedoon Hermon, im nuarin marara asega an ridjai o un:

Josua 12:1 Iomraidhean Croise

1 Ilpu Atimarid 4:19

is amen a Ciber inhal u Urai an pece Cileat, an pece u Saihon natimarid u nup Emor, im lep Oc natimarid Besan; is atimi alupas aien ache an pece iyehki.

Saam 133:3

et idivaig nopoigmul irai Hermon nitai upene inig et asuol irai lola edoon Saion: is idim asaig a Ihova mika etpu yetpam eahki intas acis yi alwai o un, nitai umoh iran marom irai iji mesese.

Saam 136:21

um ahtai inpece ura imi nup Isreel par ohuun: et idim amen naiheuc o un irai iji mesese:

Saam 89:12

As ago narutu im nuritoga aiek: erau imiacitak nidam nedoon Tebor im nedoon Hermon.

Aiseya 16:2

Erupu idivaig inman melga, im niji hakli man eris ethaigse pan itac ra an nasiom ura, a ilpu takata an pece Moab irai uarin algauwaig nofowai Amon.

Numera 21:13

Eris ahes eahki ara um atga, um atumop an nahaijin Amon itac, an namasacen an nehni vai inpece u nup Emor: et atga nofowai Amon an niblan pece Moab im Emor.

Numera 21:21

Eris abraig pan atimi ehele Saihon natimarid u nup Emor a nup Isreel, um ika,

Numera 21:24

Eris auud yin a nup Isreel an nedoa, um ohuun inpece o un nahes vaig Amon um yetpan Jabok, um lep uhum pan inpece u nup Amon: ja is ehka nehni vai inpece u nup Amon.

Numera 32:19

Ecrupu eti ohuun inpece pan ira ra an nahaijin Jortan igcapan, ka an tah anuarin; el ecra leh nahaijin pece unyima aijama an nahaijin Jortan igcapam an ridjai o un.

Numera 32:32

Ecrupu yecrei cama aijama va nedoa, um algauwaig an nuhup u Ihova um yetpan an pece Kenan, vai ecrupu ohuun inpece unyima aijama an nahaijin Jortan igcapam.

Numera 32:33

Is atcijaig imi ilpu mapoi Cat, im ilpu mapoi Ruben, im nahaiji ilpu mapoi Manasi inhal u Josef a Moses, inpece u Saihon natimarid u nup Emor, im inpece u Oc natimarid an pece Besan, im niji maliyum iran, niji maliyum an pece um arehed mihtag marom.

Tyuteronome 2:24

Akumu atidai aijaua, um atga unyimia, um algaunyi inwai yah Amon: ek mun ati an nikmamia ainyak Saihon nup Emor, et atimarid Hesbon aien, im lep inpece o un: akumu ohuun aijaua, um ago nedoa vai yin.

Tyuteronome 2:32

Ja is apam eheleija a Saihon, im nup uran pece o un asega, par ago nedoa Jehas.

Tyuteronome 3:1

INTIS lep ahidaig caija akaija um atga an nefalaig et yetpan Besan: eris ahtag pam eheleija a Oc natimarid an pece Besan, im nup uran pece o un asega, par ati nedoa vai caija Etreai.

Tyuteronome 4:44

Intas alep nigki is alupai nup Isreel a Moses:

Tyuteronome 4:46

an nahaijin Jortan igcapam an niskanse Bed-pior an pece u Saihon natimarid u nup Emor, is amen Hesbon aien, is auud yin a Moses im nup Isreel, eris wat ahes Ijipt ara um atga ura:

Tyuteronome 4:48

um ahes Aroer, an nahaijin nofowai Amon, um yetpan an lolan nedoon Saion, tak idan Hermon,

Josua 1:15

um imihum pan an nopan iyehki etpu alupai ilpu etwamia nitai atumop a Ihova, et idivaig is alupai caua aien, eru wit ohuun inpece iyehki ara etpu alupai ra a Ihova Atua unyimia: ja akupu lep adumoij pam aijaua, um ohuun inpece is alupai caua a Moses naheca u Ihova, an nahaijin Jortan inigki an ridjai o un.

Josua 11:17

nahes vaig an nedoon Helak, et uhum pan Sier, um yetpan Beal-cat an niskanse Lebanon ithan nedoon Hermon: is arop irai ilpu atimarid asega ura aien, um auud ra, um atgei ra.

Josua 11:3

im nup u Kenan an ridjai o un im lep an nete o un, im nup Emor, im nup u Hed, im nup u Piris, im nup u Jibus irai lola edoon, im nup u Haivai ithan Hermon an pece Mispi.

Josua 13:8

eris leh nahaijin imi ra a ilpu mapoi Ruben im ilpu mapoi Cat, im nup an nahaijin nelcau u Manasi, is alupai ra a Moses, an nahaijin Jortan igcapan an ridjai o un, et idivaig is alupai ra a Moses naheca u Ihova;

Josua 22:4

Ja era amen upene a ilpu etwamia an nopan inig vai Ihova Atua unyimia, et idivaig is upyi asaig ehele ra aien: va nitai inigki akumu adumoij aijaua, um apan iraili eom unyimia an pece unyimia iyehki, is alupai caua a Moses naheca u Ihova an nahaijin Jortan igcapan.

Ilpu Atimi Tas Alep 11:18

Ja eris par alaig apan ara an namasacen, um ahparehed an pece Itom, im inpece Moab, um apam an nahaijin pece Moab an ridjai o un, um atumop an nahaijin Amon igcapan, jam eti apan anliin pece Moab: is idim ehni inpece Moab nofowai Amon.