Josua 11:6 - Intas Etipup

⁶ Is ika a Ihova ehele Josua, Jim imtitai ra aiek: ekpu ikni ra ainyak an nuhup u nup Isreel an nopan inig imraig, ja eri emesmas ara asega: namu lep ahtamud inwau irai eduei hors ura, um atnamud niji jariot ura.

Josua 11:6 Iomraidhean Croise

2 Samuel 8:4

Is iknipagki ehelen a Tevit jariot is wun dausant (1,000), im seven dausant (7,000) ilpu atimi atga irai hors, im twente dausant (20,000) ilpu eucsupo: is ucsamud nalkan neduei hors asega u jariot a Tevit, ja is imicoho hors ache aien uri jariot is wun huntret.

2 Ilpu Atimarid 6:16

Is ika aien, Jim imtitaig: era ahinag ara sji igki eheleijau nai ra sji ehki ehele ra.

2 Niji Tas Eled 20:16

Akumu asuol ajaua ehele ra imraig: erupu aridjipam ara an nisas Sis; akupu ecet ra aijaua an nilpun niskanse, ubutpotet pan an namasacen Jeruel.

Saam 46:10

Akumu udei aijaua, um ato, mika ek Atua ainyak; ekpu esjilid ainyak an nuhup u nup urai iji pece; ekpu lep esjilid ainyak an nobohtan.

Saam 46:11

Et amen eheleija a Ihova esjilid acen; et uarin adenaig uja a Atua u Jekob. Sila.

Saam 46:9

Et ika aien, eri asan nigpa an nobohtan asega; etpu asvi inceen efana aien, um ahtaldei mopul; etpu atnamud niji jariot an cap aien.

Niji tas Arapakau 20:7

Aien et atga an nefalaig atoh o un aien, et atimi inveijec aien: era isjeupigmoig yin a ilpu hal o un, um amen upene.

Aiseya 30:16

Akis ika aijaua, Oʼo; ecrupu aha irai hors aijama; va nitai inigki akupu aha aijaua: akis lep ika aijaua. Ecrupu ateuc irai hors athut aiheucaiheuc aijama; va nitai inigki erupu athut aiheucaiheuc a ilpu atimi ahau caua.

Aiseya 31:1

KAIHEUC vai ra sji igki era asuol pan Ijipt ara par ahilek atimi atau imi ra; era asgeig irai hors ara, era asgeig irai pak irai hors ara, nikavaig, era ahinag ara; im lep irai ilpu atimi ateuc irai hors, nikavaig, era emda acen ara; ja era eti aespan Atua Upene u nup Isreel ara, era lep eti ahilek Ihova ara!

Esikiel 39:9

Erupu apan itac a nup urai iji maliyum an pece Isreel, um adgan cap, um atnamud niji ij va atimi ura, nikavaig, niji itai ahtaipup, im niji itai atapnes, im niji ceen nefana, im niji idjan nefana, im niji elop, im niji mopul, erupu amen ara um atnamud ra an cap irai mesese inyi seven.

Hosia 14:3

Erupu eti imiatamaig cama a nup Asiria; ecrupu eti ateuc irai hors aijama: ecrupu eti lep ika ehele auritai u ikmama aijama, Eka Atua unyima aijaua: na idim aiheuc vai ilpu umnij aiek.

Nehum 2:13

Et ika a Ihova esjilid acen; Ak nup u Ninevi, ekpu atapnes caua ainyak, ekpu atnamud niji jariot unyimia ainyak, mika yi adnan cap, ekpu atgei ilpu eucsupo unyimia ainyak an nedoa: ekpu iknipa gki naga unyimia ainyak an pece akis atoraliak aijaua, eri eti lep ahgei nohrai ilpu aheca unyimia era imiatga intas unyimia ara par asaig ehele atimi.

Tyuteronome 7:16

Akumu auahas natimi asega iji ehki aijaua etpu atcijai ra imi caua a Ihova Atua unyimia; akumu jim aiheuc vai ra aijaua: um jim aheca u ilpu atmas ura; nitai oop caua nigki.

Josua 10:8

Is tas a Ihova ehele Josua, um ika, Namu jim imtitai ra aiek: ek mun ikni ra an nikmam ainyak; inyi eti aiji tah natimi ira ra an nuhup unyum.

Josua 11:5

Eris wat asjapicnaig a ilpu atimarid iji igki asega, eris apan ara um amen ui wai Mirom, par ago nedoa vai nup Isreel.

Josua 11:7

Is apan a Josua, im ilpu eucsupo asega ehelen, um auroauro um ago nedoa vai ra ui wai Mirom; eris ehtelotelo pan ira ra ara.

Josua 11:9

Is ago nedo iyehki vai ra a Josua is asaig ehelen a Ihova: is ahtamud inwau irai eduei hors ura aien, um atnamud niji jariot ura.

Josua 3:5

Is tas a Josua ehele atimi, um ika, Akumu imiyecrei caua aijaua: etpu ago niji itai imiali a Ihova an nuhup unyimia imraig.

Ilpu Atimi Tas Alep 20:28

is lep aiji an nuhup iran an nopan iyehki a Finehas, inhal u Eliesar, inhal u Eron,) um ika, Ecrumu lep aketo aijama um apan um ati nedoa vai ilpu etwama ilpu mapoi Benjamin, ka ecrumu udei ra aijama? Is ika a Ihova, Akumu apan aijaua; vaig inig nikavaig, ekpu atcijai ra imraig ainyak irai ikmamia.

Ilpu Atimi Tas Alep 7:9

Is amen inpak an nedoa u nup u Mitian ithan sepagko an niskanse. Is lep ika ehelen a Ihova an nepig iyehki, Namu atidai aiek, um asuol an nuarin amen iran u atimi, ekpu idim atcijai ra an nikmam ainyak.

1 Samuel 11:9

Eris ika ara ehele ilpu atimi eris abrai ra mika eri apam, Etmu uce intas unyimia ehele nup u Jebes-cileat, Etu wit adiatadiat imraig uhmu imiatamaig caua. Eris apan a ilpu atimi iji ehki, um asuptecnaig intas iji ig ehele nupu Jebes; eris imiacitak ara.