Josua 11:4 - Intas Etipup

⁴ Eris apan ara im ilpu eucsupo asega ura, natimi is ahinag, eris ahinag ara et idivaig nauanavig an nohmunjap, im lep hors im jariot is ahinag.

Josua 11:4 Iomraidhean Croise

Jenesis 22:17

ekpu idim acis yi alwai euc ainyak, ekpu ika ainyak erupu ahinag acen a ilpu mapom, um idivai moijeuv an nohatag, um lep idivaig nauanavig; erupu ohuun niji pece u ilpu atimi tak atimi ira ra a ilpu mapom;

Jenesis 32:12

As ika aiek, Ekpu idim ago nedo upene vai euc ainyak, um ika eri ahinag a ilpu mapom et idivaig nauanavig, et ehka nesvi vaig va nahinag iran.

2 Samuel 17:11

Va nitai inigki, ek ika ainyak, eri asjapicnaig pam ehelum a nup Isreel asega, ahes Tan um yetpan Bier-siba, era ahinag ara, um idivaig nauanavig an nomunjap; namu lep apan aiek u nedoa.

1 Ilpu Atimarid 4:20

Eris ahinag a nup u Juta im nup Isreel, et idivaig nauanavig u injap va nahinag ira ra, um hag, um umwig, um imiacitak.

Saam 20:8

Era mun apakapak ara um eropropse; ja ecra mun atidai aijama um aiji aktit.

Josua 11:5

Eris wat asjapicnaig a ilpu atimarid iji igki asega, eris apan ara um amen ui wai Mirom, par ago nedoa vai nup Isreel.

Ilpu Atimi Tas Alep 7:12

Eris asjeuc pan an niskanse a nup u Mitian, im nup Amalek, im nup an ridjai o un asega, eris ahinag acen ara, eris tup idivaig niji heled ara; is ehka par esvi niji kamela ura, eris ahinag acen um idivaig nauanavig an nohmunjap.

1 Samuel 13:5

Eris asjapicnaig a nup u Filistia mika eri ati nedoa vai nup Isreel ara; is dirte dausant (30,000) niji jariot ura, um siks dausant (6,000) atimi ateuc irai hors, um ahinag acen intup atimi, is idivaig nauanavig an nomunjap: eris aridjipan ara um amen Mikmas, an nahaijin Bed-even an ridjai o un.