Josua 11:16 - Intas Etipup

¹⁶ Is atoraliak inpece asega a Josua, inpece asega an nuarin inig et ahes nuritoga iran, is eteuc lola edoon iran, im inpece Cosen asega, im niskanse, im nuarin marara, im niji edoon Isreel, im niskanse iran;

Josua 11:16 Iomraidhean Croise

Saam 105:44

is alupai ra niji pece u ilpu atimi tak atimi ira ra aien: eris ohuun nauritai u nup urai iji pece ara;

Saam 78:55

Is ahlo nup urai iji pece aien an nuhup ura; is asjaaicnaig irai urai obohtan ura aien, mika eri ohuun ara; um ika eri amen a ilpu mapoi Isreel irai imnim u ra sji ehki.

Esikiel 17:23

Ekpu ahwaig ainyak an nau ijinies an pece Isreel: etpu atgeig jipe niji ran, um oho, etpu sitar esjilid: etpu amen ithan niji obotpot inan asega, erupu amen ara an naiyu irai ran.

Esikiel 36:8

Ja, ak niji au an pece Isreel, etpu edel inramia, etpu eteuc nasau iramia vai ilpu atimi unyak, nup Isreel marom; et idim ubutpotet u nadumoij pam ura.

Tyuteronome 1:7

akumu ahidai caua aijaua, um atga unyimia, um apan an nedoon u nup Emor, im lep irai iji uarin ubutpotet, an nuarin marara, im lep irai edoon, im lep an niskanse, im lep an nuarin inig et ahes nuritoga iran, im lep an nohmunjap, um yetpan an pece u nup u Kenan, im Lebanon, im nofowai alupas, nofowai Yufretes marom.

Josua 10:40

Is idim auud nup urai iji uari pece asega irai lola edoon a Josua, im niji uari pece an nuarin inig et ahes nuritoga iran, im niji uari pece an niskanse, im niji uari pece ui wai, im lep ilpu atimarid asega iran: is eti imialep tah aien, jam auahas niji itai umumoh asega, is idivaig is asaig a Ihova Atua u nup Isreel.

Josua 10:41

Is auud ra Ketes-barnea a Josua um yetpan Cesa, im lep nup uran pece Cosen asega, um yetpan Cibeon.

Josua 11:15

Is asaig a Moses ehele Josua, is lep ago a Josua, is idivaig is asaig a Ihova ehele Moses naheca o un; is eti udei tah nitai a Josua is asaig a Ihova ehele Moses.

Josua 11:2

im ilpu atimarid eris amen irai lola edoon ara an nuarin inig et ahes narutu iran, im lep irai uarin marara an nahaijin Kinerod, an nuarin inig et ahes narutu iran, im lep an niskanse, im lep an na-haijin Tor an nete o un,

Josua 11:21

Is apan a Josua an nopan iyehki um auahas nup Enak irai lola edoon, im Hibron, im Tibir, im Enab, im niji edoon asega Juta, im niji edoon asega Isreel: is auahas ehni ra a Josua im niji maliyum ura.

Josua 12:8

irai lola edoon, im niskanse, im nuarin marara, im nuarin et amen wai iran, im namasacen, im inpece inig et ahes nuritoga iran; ilpu atimarid u nup u Hed, im nup Emor, im nup u Kenan, im nup u Piris, im nup u Haivai, im nup u Jibus: nikavaig,

Josua 9:1

ERIS wat ato nitai iji igki a ilpu atimarid asega u nup u Hed, im nup Emor, im nup u Kenan, im nup u Piris, im nup u Haivai, im nup u Jibus, an nahaijin Jortan igcapam, irai lola edoon, im lep irai iskanse, im lep irai iji uari pece u injap alupas ehnain pan irai Lebanon;