Josua 11:12 - Intas Etipup

¹² Is atoraliak niji maliyum asega u ilpu atimarid iji ehki a Josua, um atgei ilpu atimarid iran an nedoa, um auahas ehni ra, is idivaig is asaig a Moses naheca u Ihova.

Josua 11:12 Iomraidhean Croise

Tyuteronome 7:2

etu wit atcijai ra a Ihova Atua unyimia an nuhup unyimia; akumu auud ra aijaua, um auahas ehni ra; um jim asa nigpa ehele ra, um jim aiheuc vai ra:

Tyuteronome 9:3

Akumu ato aijaua an nopan inig mika, et atga um uhup iramia a Ihova Atua unyimia; etpu auahas ra aien et idivaig incap et atnamud itai, etpu lep imiasuol ra aien an nuhup unyimia: akupu lep ahlo ra aijaua, um auroauro um auahas ra, et idivaig is asaig ehelemia a Ihova.

Josua 10:20

Is wat auud ehni atimi a Josua im nup Isreel, um atgei atimi is ahinag, um imihum pan an nopan iyehki eris atiih ara, ja eris apan irai iji maliyum is amen nathatahau iran nahaiji ra eris umumoh ara.

Josua 10:28

An nadiat iyehki is atoraliak Makita a Josua, um atgei atimi iran an nedoa, is auahas ehni natimarid iran aien, im lep natimi asega; is eti imialep tah aien: is ago nedo iyehki aien vai natimarid u nup u Makita, is upyi ago aien vai natimarid u nup u Jeriko.

Josua 10:30

is lep ati inmaliyum iyehki a Ihova im natimarid iran an nikmai nup Isreel; eris auahas inmaliyum ara, im lep atimi iran an nedoa; is eti imialep tah aien; is ago nedo iyehki vai natimarid iran, is upyi ago aien vai natimarid u nup u Jeriko.

Josua 10:32

Is ati Lekis an nikmai nup Isreel a Ihova, is wat ti pan itac nadiat is ethi um lep lahlah an tak apnyin, eris atoraliak inmaliyum ara, um auahas an nedoa, im lep natimi asega iran, is idivaig nedo aesga o un vai Libna.

Josua 10:35

eris atoraliak inmaliyum ara an nadiat iyehki, um auahas an nedoa, is auahas ehni natimi asega iran aien an nadiat iyehki, is idivaig nedo asega o un vai Lekis.

Josua 10:37

um atoraliak inmaliyum, um auahas an nedoa, im natimarid iran, im niji maliyum haklin iran, im lep natimi asega iran; is eti imialep tah aien, is idivaig nedo asega o un vai Eclon; is auahas ehni inmaliyum aien, im lep natimi asega iran.

Josua 11:13

Ja eris eti atnamud niji maliyum irai lola edoon a nup Isreel, Hesor ache; is atnamud a Josua.

Josua 11:15

Is asaig a Moses ehele Josua, is lep ago a Josua, is idivaig is asaig a Ihova ehele Moses naheca o un; is eti udei tah nitai a Josua is asaig a Ihova ehele Moses.

Josua 13:6

Ekpu ahlo atimi asega irai lola edoon ainyak an nuhup u nup Isreel, ahes Lebanon um yetpam Misrifod-meem, nup u Saiton asega: namu lep ahaig aiek irai up Isreel irai itai asjaaicnaig, mika eri ohuun ara, et idivaig kis asaig ehelum ainyak.

Josua 21:44

Eris amen upene ara, is idivaig intas asega u Ihova ehele ilpu retpora: is eti atidai an nuhup ura tah natimi irai ilpu atimi tak atimi ira ra; is ikni ilpu atimi tak atimi ira ra asega irai ikmara a Ihova.

Josua 8:31

is idivaig is asaig a Moses naheca u Ihova ehele nup Isreel, is idivaig eris aged an nitaasviitai an tas alep u Moses, natau irai hat asega, eris eti alcacsei tah nitai aiurn iran; eris ikni iran niji itai ahlap atnamud vai Ihova, im niji itai ahlap naaurinig.

Josua 8:8

Aku wit atoraliak inmaliyum aijaua, akumu atnamud aijaua: ago aijaua yi idivaig intas alep u Ihova ehelemia. Ek mun idim asaig ehelemia ainyak.

Josua 9:24

Eris asuptecnaig ehele Josua ara, um ika, Eris idim asaig ehele ilpu aheca unyum mika, is tas alep ehele Moses a Ihova Atua unyum mika yi alupai caua inpece asega, um auahas nup uran pece asega an nuhup unyimia, va nitai inigki ecris imtitaig aijama vai caua, um ago nedo inigki.