Josua 11:1 - Intas Etipup

¹ IS wat atahaijeg intas va nitai iji igki a Jebin natimarid u nup u Hesor, is abraig pan atimi aien ehele Jobab natimarid u nup u Meton, im lep ehele natimarid u nup u Simron, im lep ehele natimarid u nup Aksaf,

Josua 11:1 Iomraidhean Croise

2 Samuel 10:15

Eris wat almoi a nupu Siria, mika eris auud ra an nuhup u nup Isreel, eris asjapicnaig ara.

1 Ilpu Atimarid 4:11

im Ben-abinadab an pece Tor asega; is ehgan a Tefad inhalav atahig u Solomon:

1 Ilpu Atimarid 9:15

Va nitai inigki is aniv atimi par auaraheca a Solomon; mika eri ago neom u Ihova, im neom o un, im Millo, im nathatahau Jerusalem, im Hesor, im Micitto, im Ciser.

2 Ilpu Atimarid 15:29

Is ham a Ticlad-peliiser natimarid an pece Asiria an nopan u Pika natimarid u nup Isreel, um atoraliak Aijon,im Ebel-bed-meaka, im Janoa, im Kites, im Hesor, im Cileat, im Calili, inpece Naftalai asega marom, um lucsei pan natimi an pece Asiria.

Aiseya 26:11

Ak Ihova, na adan nikmam aiek, erupu esjum ara par almoi: ja erupu almoi nemda unyum vai ilpu atimi unyum ara, um ehcamai vaig; maiya, etpu auahas ra incap u ilpu atimi tak atimi iram.

Aiseya 43:2

Aku wit algaunyi inwai alupas aijaua, ekpu ahced caua ainyak; aku wit algaunyi niji ofowai aijaua, etpu eti ahgarero vai caua: aku wit atga anliin cap aijaua, uhpu eti atnamud caua; akupu eti cas aijaua va nalaume u incap.

Josua 10:43

Is lep adumoij pan Cilcal a Josua, im nup Isreel asega ehelen, an nuarin amen ura.

Josua 11:10

Is adumoij a Josua an nopan iyehki, um atoraliak inmaliyum Hesor, um atgei natimarid iran an nedoa; is esjilid Hesor irai elcau iji ehki asega itu acen.

Josua 12:19

im natimarid Meton is ethi; im natimarid Hesor is ethi;

Josua 12:20

im natimarid Simron-miron is ethi; im natimarid Aksaf is ethi;

Josua 19:36

im Atama, im Rema, im Hesor,

Josua 9:2

eris ehras asjapicnaig ara, par ago nedoa vai Josua im nup Isreel, is tup ethi ache inliinmopora ara.

Ilpu Atimi Tas Alep 4:17

Ja is ahapan ubos a Sisera um yetpan an neom atga u Jeel ehgai Hiber nup u Kinai: eris idim asa nigpa ehele Jebin natimarid u nup u Hesor im Hiber nup u Kinai im ilpu dualep o un.

Ilpu Atimi Tas Alep 4:2

Is atcijai ra a Ihova an nikmai Jebin natimarid u nup u Kenan, is atimarid aien an maliyum Hesor; is atimi alupas u ilpu eucsupo o un a Sisera, is amen aien Harosed-coem.

Ilpu Atimi Tas Alep 5:19

Eris apam a ilpu atimarid, eris ati nedoa ara, eris ati nedoa a ilpu atimarid u nup u Kenan, eris ati nedoa ara Teanak ui wai Mecitto; ja eris eti atoraliak tah naga ara.