Josua 10:8 - Intas Etipup

⁸ Is tas a Ihova ehele Josua, um ika, Namu jim imtitai ra aiek: ek mun ikni ra an nikmam ainyak; inyi eti aiji tah natimi ira ra an nuhup unyum.

Josua 10:8 Iomraidhean Croise

1 Ilpu Atimarid 20:13

Is ham a naprofeta is ethi ehele Ehab natimarid Isreel, um ika, Et ika a Ihova, Na mun almoi natimi iji igki asega aiek, ka oʼo? ekpu idim ikni ra an nikmam ainyak an nadiat inigki; napu lep ato aiek mika ek Ihova ainyak.

Nupu Roma 8:31

¶ Intupu asan he akaija va nitai iji eigki? el et leh imi caija a Atua, di neigki et tak atimi iraija?

Tyuteronome 3:2

Ja is ika ehelek a Ihova, Jim imtitai yin aiek: ekpu ati yin an nikmam ainyak, im lep ilpu atimi o un asega, im inpece o un; namu ago nedo inigki vai yin aiek, as ago aiek vai Saihon natimarid u nup Emor is amen Hesbon aien.

Tyuteronome 7:24

Etpu atcijaig ilpu atimarid ura irai ikmamia aien, akumu lep iknipagki nidara aijaua an noboh-tan: inyi eti emda tah natimi natidai vaig an nuhup unyimia, um imihum pan an nopan iyehki akupu auahas ehni ra aijaua.

Josua 10:25

Is ika ehele ra a Josua, Akumu jim imtitaig aijaua, um jim eucjeucjeucaij, etmu emda inliinmopomia aijaua um jim aua-tialidi: etpu uce nedo o Ihova vai ilpu atimi tak atimi iramia asega eka ago nedoa vai ra aijaua.

Josua 10:9

Is auroauro a Josua um apan ehele ra, is ahes Cilcal aien um aridjipan an nepig asega.

Josua 11:6

Is ika a Ihova ehele Josua, Jim imtitai ra aiek: ekpu ikni ra ainyak an nuhup u nup Isreel an nopan inig imraig, ja eri emesmas ara asega: namu lep ahtamud inwau irai eduei hors ura, um atnamud niji jariot ura.

Josua 8:1

IS tas a Ihova ehele Josua, um ika, Namu jim imtitaig aiek, um jim auatialidi: namu lucsei ilpu eucsupo asega aiek, um atidai, um aridjipan Eai: ek mun ati natimarid Eai an nikmam ainyak, im ilpu atimi o un, im inmaliyum o un, im uman:

Ilpu Atimi Tas Alep 6:16

Is ika ehelen a Ihova, Et idim inveijec, ekpu atau iram ainyak, napu lep auud nup u Mitian aiek et idivaig natimi et ethi ache.

Ilpu Atimi Tas Alep 7:9

Is amen inpak an nedoa u nup u Mitian ithan sepagko an niskanse. Is lep ika ehelen a Ihova an nepig iyehki, Namu atidai aiek, um asuol an nuarin amen iran u atimi, ekpu idim atcijai ra an nikmam ainyak.

1 Samuel 17:47

Erupu ato natimi asjapicnaig iji igki asega, mika et eti imiatamaig atimi a Ihova va nauitoga im inmopul: tup Ihova marom, mika etpu esjilid a di an nedoa inig, etpu atcijaig pam caua aien irai ikmama.