Josua 10:5 - Intas Etipup

⁵ Eris asjapicnaig a ilpu atimarid is faiv u nup Emor, nan, natimarid u nup u Jerusalem, im natimarid u nup u Hibron, im natimarid u nup u Jarmud, im natimarid u nup u Lekis, im natimarid u nup Eclon, um aridjai, im lep ilpu eucsupo asega ura, um atumop ubutpotet pan Cibeon, um ago nedoa.

Josua 10:5 Iomraidhean Croise

Jenesis 15:16

Ja etu wit ti pan itac inmesese inyi for huntret, erupu lep ham igcaki a ilpu mapom: era pam eti ago ehni nedo has ura a nup Emor an nopan inig.

Jeremaia 34:7

an nopan iyehki eris wat aat irai Jerusalem a ilpu eucsupo u natimarid an pece Babelon, im lep niji maliyum asega an pece Juta iji ig eris eti fi auahas, nikavaig, eris lep aat irai Lekis, im lep Asika ara: vaig inig nikavaig, is amen inmaliyum emda eraigki irai maliyum an pece Juta.

Numera 13:29

Era amen a nup Amalek an pece inig et ahes nuritoga iran: era lep amen a nup u Hed, im nup u Jibus, im nup Emor irai lola edoon: era lep amen a nup u Kenan ubutpotet pan u injap, im lep an nahaijin Jortan.

Josua 10:16

Ja eris aha a ilpu atimarid is faiv iji ehki, um atpuh an mun nij Makita.

Josua 10:6

Eris abraig pan atimi ehele Josua a nup u Cibeon an nuarin amen o un Cilcal, um ika, Namu jim udei ilpu aheca unyum aiek, jam auroauro um aridjipam ehelema, um imiatamaig cama, um atau imi cama: era mun asjapicnaig a ilpu atimarid asega u nup Emor era amen irai lola edoon, par ago nedoa vai cama.

1 Samuel 7:14

Eris lep ohuun niji maliyum iji ehki a nup Isreel eris atoraliak a nup u Filistia ehele nup Isreel, ahes Ekron um yetpan Cad; eris lep iknipagki niji pece iran a nup Isreel vai nikmai nup u Filistia, Eris asa nigpa a nup Isreel im nup Emor.