Josua 10:3 - Intas Etipup

³ Is abraig pan atimi a Atoni-sitek natimarid Jerusalem ehele Hoham natimarid Hibron, im Pairam natimarid Jarmud, im Jafaia natimarid Lekis, im Tibir natimarid Eclon, um ika,

Josua 10:3 Iomraidhean Croise

Jenesis 23:2

Is mas a Sera Kirjad-arba, tak idan Hibron, an pece Kenan: is apan a Ebraham mika yi taig afakatotau, um imitaig Sera ehgan.

Jenesis 37:14

Is ika ehelen aien, Apan aiek, um almoi, kit era amen upene a ilpu etwam, im lep niji itai eklim edo irai pece, ka oʼo; um adumoij pam um asuptecnaig ehelek. Is ahes an niskanse Hibron aien, um apan Sikem.

2 Samuel 2:11

Is atimarid u nup u Juta a Tevit Hibron irai mesese is seven im inmohoc is siks.

2 Ilpu Atimarid 18:14

Is abraig pan hal Lekis a Hesekaia natimarid u nup u Juta ehele natimarid u nup Asiria, um ika, Kis auahas inliinmopom ainyak; udei nyak: ekpu apos nitai inig ainyak napu atijai irak aiek. Is aniv talent irai silver is dri huntret, im talent irai colt is dirte, a natimarid u nup Asiria ehele Hesekaia natimarid u nup u Juta.

2 Ilpu Atimarid 18:17

Is abrai Tartan im Rabsaris im Rabsake a natimarid u nup Asiria mika ehtijis ahes Lekis ahtaij um apan ehele Hesekaia natimarid, im lep ilpu eucsupo is ahinag, um ati nedoa an maliyum Jerusalem. Ehtijis atga ahtaij um yetpan Jerusalem. Ehtijis apam ahtaij, um aiji an neucsen wai et ahes an netehvan jipagko, an nefalaig alupas et yetpan an nuarin nobohtan u natimi ohpoi apelumai.

2 Niji Tas Eled 11:9

im Atoreem, im Lekis, im Asika,

Jeremaia 34:7

an nopan iyehki eris wat aat irai Jerusalem a ilpu eucsupo u natimarid an pece Babelon, im lep niji maliyum asega an pece Juta iji ig eris eti fi auahas, nikavaig, eris lep aat irai Lekis, im lep Asika ara: vaig inig nikavaig, is amen inmaliyum emda eraigki irai maliyum an pece Juta.

Maika 1:13

Ak nup u Lekis, akumu athai niji hors emda irai jariot aijaua: is ahes ehelemia nedo has u nup u Saion: eris idim ecetai ehelemia nedo imipalea u nup Isreel.

Numera 13:22

Eris aridjai an nuarin inig et ahes nuritoga iran ara, um yetpan Hibron; ehtijis amen eahki a Ahaiman im Seseai, im Talmeai ehtaij mapoi Enak. (Eris uhup um actaig inmaliyum Hibron, ja is wat ti pan itac inmesese is seven eris actaig inmaliyum Soan an pece Ijipt.)

Josua 10:1

IS wat atahaijeg a Atoni-sitek natimarid an maliyum Jerusalem mika is atoraliak inmaliyum Eai a Josua, um auahas ehni; is ago nedo iyehki aien vai Eai im lep vai natimarid iran, is upyi ago aien vai Jeriko im lep vai natimarid iran; um ato mika eris asa nigpa a nup u Cibeon ehele nup Isreel, um amen ehele ra;

Josua 10:23

Eris ago ara, um imialau ijo ehelen ilpu atimarid is faiv iji ehki an mun nij, nan, natimarid u nup u Jerusalem, im natimarid u nup u Hibron, im natimarid u nup u Jarmud, im natimarid u nup u Lekis, im natimarid u nup Eclon.

Josua 10:34

Is ahes Lekis a Josua um yetpan Eclon, im lep nup Isreel asega ehelen; eris amen ubutpotet o un ara, um ago nedoa vaig:

Josua 10:5

Eris asjapicnaig a ilpu atimarid is faiv u nup Emor, nan, natimarid u nup u Jerusalem, im natimarid u nup u Hibron, im natimarid u nup u Jarmud, im natimarid u nup u Lekis, im natimarid u nup Eclon, um aridjai, im lep ilpu eucsupo asega ura, um atumop ubutpotet pan Cibeon, um ago nedoa.

Josua 14:15

Nidai Hibron itu acen Kirjad-arba; is atimi emda a Arba irai up Enak. Is atumop inpece va nedoa.

Josua 15:54

im Humta, im Kirjad-arba, Hibron nigki, im Saior; niji maliyum alupas et nain im niji maliyum haklin iran:

Josua 15:63

Is ehka vai ilpu mapoi Juta nahlo vaig nup u Jibus, eris amen Jerusalem ara: ja era amen Jerusalem a nup u Jibus ehele ilpu mapoi Juta um imihum pam an nopan inig.

Josua 18:28

im Sila, im Ilef, im Jibus, tak idan Jerusalem, im Cibead, im Kir-jad; niji maliyum alupas et fortiin im niji maliyum haklin iran. Nahaijin pece u ilpu mapoi Benjamin nigki, et idivaig ilpu eteuc ira ra.