Josua 10:11 - Intas Etipup

¹¹ Eris wat aha ara an nuhup u nup Isreel, um asuol pan Bed-horon, is ethaigse hat alupas a Ihova an nohatag ira ra um yetpan Asika, eris emesmas ara: eris emesmas natimi is ahinag va incopda hat irai ra sji ehki eris atgei ra a nup Isreel an nedoa.

Josua 10:11 Iomraidhean Croise

Jenesis 19:24

Ja is par ahes ehele Ihova an nohatag incap, im narekwas, um asuol irai Sotom im Comora;

2 Samuel 18:8

Is apaahni nedoa irai iji pece asega eahki: is esjilid nesei irai ij va atimi an nadiat iyehki par auahas atimi.

Nitaasviitai u Job 38:22

As apan aiek irai uarin er ikni sno iran, ka oʼo? as ecetai niji uarin er ikni copda hat iran, ka oʼo?

Nitaasviitai u Job 38:23

ek mun aminjinaig nitai iji igki ainyak va nopan u nohocred, im nadiat par ati nedoa im natgei atmas iran.

Saam 11:6

Etpu imiasuol nohocred alupas aien, im incap, im narekwas, im lep nehio esjilid, irai ilpu atimi auatatimi; nimtan imi ra ji igki.

Saam 147:17

Et atcijaig incopda hat aien et idivaig nahri itai hegaig: et emda a di par atidai an nuhup u neiweiyu o un?

Aiseya 28:2

Akumu almoi aijaua, et eteuc ehele Natimarid tah et emda aien um alupas, et mun ethaigse an nobohtan incat adgaig iyehki aien an nikman, et idivaig incopda hat alupas, im nehio inig et auahas itai, et lep idivaig inwai yah alupas et yiat et ehka par atapnes.

Aiseya 28:21

Etpu idim atidai a Ihova is idivaig an nedoon Perasim, etpu edemda aien is idivaig an niskanse Cibeon, mika yi ago nauritai o un aien, nauritai o un inig eri imiali vaig; mika yi ati neruvaig o un aien, neruvaig o un inig eri imiali vaig.

Aiseya 30:30

Etpu ika a Ihova eri ahgei nohran esjilid, etpu ika aien eri ecetai nauud ra u nikman, im lep intavaitap alupas o un, im nalaume u uncap et atnamud itai, im nimtinjap, im nehio, im incopda hat.

Esikiel 13:11

Namu asaig aiek ehele ra sji ig era aspi ara an nuprei inig eris eti ago pelaig an nauanavig, mika etpu echedeliek: etpu yetpam incopda alupas um ahgarero; etpu ehe incopda hat alupas; etpu lep ucjum pam nimtinjap emda.

Tyuteronome 20:4

et idim ahced caua a Ihova Atua unyimia, par ago nedoa vai ilpu atimi tak atimi iramia, um imiatamaig caua.

Nitai ehvaig 11:19

ERIS asalgei neom ahlap u Atua an nohatag, eris ecetai anliin neom ahlap o un nelcau an tas-etipup o un: is eteuc nawainapit, im nohrai itai, im inmunuka, im nomoi, im incaupda hat alupas.

Nitai ehvaig 16:21

is ahes an nohatag incaupda hat alupas um asuol ira atimi, is apapa pan a paunt wun huntret niji hat asega: eris asan tas has esjilid vai Atua natimi, va nohocred ura vai incaupda hat; is alupas acen nohocred vaig.

Ilpu Atimi Tas Alep 5:20

Eris ati nedoa niji moijeuv, um aat ira ra; eris ati nedoa niji itai an nauanohatag, um ahau ra.