Josua 10:1 - Intas Etipup

¹ IS wat atahaijeg a Atoni-sitek natimarid an maliyum Jerusalem mika is atoraliak inmaliyum Eai a Josua, um auahas ehni; is ago nedo iyehki aien vai Eai im lep vai natimarid iran, is upyi ago aien vai Jeriko im lep vai natimarid iran; um ato mika eris asa nigpa a nup u Cibeon ehele nup Isreel, um amen ehele ra;

Josua 10:1 Iomraidhean Croise

Jenesis 14:18

Is imiapan nareto im nide vaine a Melkisetek natimarid an pece Selem: is atimi ahlap aien vai Atua esjilid acen.

Ilpu Hibru 7:1

IS atimarid Selem a Melkisetek ineigki, um atimi ahlap vai Atua esjilid acen; is aubillid Ebraham aien an nahes u natgei ilpu atimarid iji ehki o un, um asan tas upene vai yin;

Josua 10:3

Is abraig pan atimi a Atoni-sitek natimarid Jerusalem ehele Hoham natimarid Hibron, im Pairam natimarid Jarmud, im Jafaia natimarid Lekis, im Tibir natimarid Eclon, um ika,

Josua 6:21

Eris ati nedoa ara um auahas ehni niji itai asega an maliyum iyehki, ilpu atamaig, im ilpu takata, im ilpu takuras, im ilpu fatimi, im kurimatau, im siip, im togke.

Josua 8:2

namu ago nedo iyehki aiek vai Eai im natimarid iran as ago aiek vai Jeriko im natimarid iran: ja akumu lucsei naga iran aijaua, im niji itai eklim edo irai pece vai caua: namu ikni ilpu eucsupo aiek mika eri atpuh ara an nahaijin maliyum itac.

Josua 8:21

Is wat almoi a Josua im lep nup Isreel asega mika, eris atoraliak inmaliyum ara sji ehki eris atpuh ara, im lep nadran cap u inmaliyum naridjai vaig, eris ahidai ra ara, um auud nup Eai.

Josua 9:3

Eris wat atahaijeg a nup u Cibeon va nedo o Josua vai Jeriko im Eai,