Josua 1:9 - Intas Etipup

⁹ Ek mun idim asaig ehelum ainyak. Namu emda aiek um jim auatialidi inliinmopom: jim imtitaig, um jim eucjeucjeucaij: etpu amen ehelum a Ihova Atua unyum irai iji uarin asega an apan iran aiek.

Josua 1:9 Iomraidhean Croise

Jenesis 28:15

Ek idim amen ehelum ainyak par aminjinai euc irai iji uarin asega an apan iran aiek, ekpu lep imiapam euc an pece inigki ainyak; inki idim eti udei euc ainyak, um imihum pan an nopan iyehki ekpu ehneijid ainyak intas inig ek mun asaig ehelum ainyak.

Jenesis 39:2

Is amen ehele Josef a Ihova, is lep upene namen o un; is amen aien an nimnim u nup Ijipt, natimi alupas o un.

Jenesis 39:3

Is almoi a natimi alupas o un, mika is amen ehelen a Ihova, is lep acis yi alwai yin a Ihova irai iji auritai asega o un.

2 Samuel 13:28

Is mun asaig a Absalom ehele ilpu takuras o un, um ika, Aminjinaig upene aijaua, etu wit imiacitak inliinmopoi Amnon vai waina; etu wit ika ainyak ehelemia, Auud Amnon; akumu atgei yin aijaua, um jim imtitaig: ek mun idim abrai caua ainyak; akumu emda aijaua, um idivaig ilpu eucsupo.

1 Iji Tas Eled 28:20

Is ika a Tevit ehele Solomon inhal o un, Namu emda aiek, um ago, um jim auatialidi: namu jim imtitaig aiek, um jim ehioehio inliinmopom: etpu lep amen ehelum a Ihova Atua, Atua unyak marom; inyi eti atidjin iram aien, um eti udei euc, um imihum pan an nopan iyehki napu ago ehni nauritai asega aien par auanaheca an neom u Ihova.

2 Niji Tas Eled 15:7

Akumu emda aijaua, etmu jim auatialidi nikmamia: uhpu aru imi caua va niji auritai unyimia.

Saam 46:7

Et amen eheleija a Ihova esjilid acen; et uarin adenaig uja a Atua u Jekob. Sila.

Aiseya 41:10

Akumu jim imtitaig aijaua, ek idim amen ehelemia ainyak: akumu jim etehto aijaua, ek idim Atua unyimia ainyak: kis ahidaig emda caua ainyak; maiya, kis atau imi caua ainyak; maiya, kis asjiraig caua ainyak an matak inveijec.

Aiseya 43:1

VA nitai inigki et ika a Ihova, aien aigki is ago caua aien, ak ilpu mapoi Jekob, aien aigki is ikni caua aien, ak nup Isreel, Akumu jim imtitaig aijaua: kis imiatamaig caua ainyak, kis anvi nidamia ainyak; eka ilpu atimi unyak aijaua.

Aiseya 43:5

Akumu jim imtitaig aijaua: ek idim amen ehelemia ainyak: ekpu ika ainyak eri ahes an ridjai o un a ilpu mapomia um apam, ekpu asjapicnaig caua ainyak an nete o un;

Aiseya 8:12

Akumu jim ika aijaua ehele atimi asega, Intas alwai nigki, era ika ehele ra a nup igcaki, Intas alwai nigki; um jim imtitaig nitai iji ig era imtitaig ara, um jim etehto.

Taniel 10:19

um ika, Ak natimi inigki eh merit alupas vai euc, namu jim imtitaig aiek: etmu amen ehelum nigpa, namu emda aiek, maiya, namu idim emda aiek. Is wat tas ehelek aien kis emda ainyak, um ika, Namu tas aiek, ak natimarid unyak; na mun idim ago emda nyak aiek.

Haceai 2:4

Jai inig, et ika a Ihova, namu emda aiek, ak Serubabel, namu lep emda aiek, ak Josua inhal u Josetek, natimi esjilid an nahlap; et lep ika a Ihova, Akumu emda aijaua, ak nup uran pece asega, um auritai; et ika a Ihova esjilid acen, Ek idim amen ehelemia ainyak:

Haceai 2:5

et amen ehelemia a Nesgak, im lep intas etipup unyak kis asaig ainyak ehelemia, akis wat ahes Ijipt aijaua um apam igcaki; akumu jim imtitaig aijaua.

Niji auritai o ilpu Apostolo 4:19

Ja erus tas a Pitrus im Joanes, um ika ehele ra, Eka ikha aijaua, et upene an nuhup o Atua nimyiaijivaig intas unyimia, ka nimyiaijivaig intas o Atua?

Tyuteronome 1:21

Is ati inpece an nuhup unyimia a Ihova Atua unyimia: apan um ohuun, et idivaig is asaig ehelemia a Ihova Atua u ilpu retpomia; jim imtitaig, um jim auatialidi.

Tyuteronome 20:1

AKU wit apan aijaua par ago nedoa vai ilpu atimi tak atimi iramia, um alum niji hors, im niji jariot, im natimi inyi ahinag ira-mia, akumu jim imtitai ra aijaua: et amen ehelemia a Ihova Atua unyimia, is iknipagki caua aien an pece Ijipt.

Tyuteronome 31:23

Is tas ehele Josua inhal u Nun aien, um ika, Namu emda aiek, um jim auatialidi: napu idim imiapan nup Isreel aiek an pece iyehki kis asaig ehele ra ainyak: ekpu ahced euc ainyak.

Tyuteronome 31:28

Erumu ahtag pam ehelek a ilpu atimi alupas asega irai iji elcau unyimia, im ilpu atimi atauai unyimia, mika ki asaig intas iji igki ehele ra ainyak, um ahlaig vai nohatag im nobohtan par asuptecnaig vai ra.

Josua 1:10

Is tas a Josua ehele ilpu atimi alupas u atimi, um ika,

Josua 1:17

Ecrupu atahaijeg intas asega unyum aijama, et idivaig ecris atahaijeg intas o Moses aijama va niji itai asega: ja etmu amen ehelum a Ihova Atua unyum, et idivaig is amen ehele Moses aien.

Josua 1:18

El et imipalea intas alep unyum tah, um eti atahaijeg intas asega unyum napu asaig ehelen aiek, uhmu atgei yin: ja namu emda aiek um jim auatialidi inliinmopom.

Josua 10:25

Is ika ehele ra a Josua, Akumu jim imtitaig aijaua, um jim eucjeucjeucaij, etmu emda inliinmopomia aijaua um jim aua-tialidi: etpu uce nedo o Ihova vai ilpu atimi tak atimi iramia asega eka ago nedoa vai ra aijaua.

Josua 10:8

Is tas a Ihova ehele Josua, um ika, Namu jim imtitai ra aiek: ek mun ikni ra an nikmam ainyak; inyi eti aiji tah natimi ira ra an nuhup unyum.

Josua 3:7

Is tas a Ihova ehele Josua, um ika, Ekpu atupun ainyak an nadiat inigki, um atijai natimi alupas unyum an nuhup u nup Isreel asega, mika eri ato ara mika ek amen ehelum ainyak, et idivaig kis amen ehele. Moses ainyak.

Josua 6:27

Is amen ehele Josua a Ihova; is lep apaahni intas vai yin an pece asega.

Josua 8:1

IS tas a Ihova ehele Josua, um ika, Namu jim imtitaig aiek, um jim auatialidi: namu lucsei ilpu eucsupo asega aiek, um atidai, um aridjipan Eai: ek mun ati natimarid Eai an nikmam ainyak, im ilpu atimi o un, im inmaliyum o un, im uman:

Ilpu Atimi Tas Alep 6:14

Is adumoij pan ehelen a Ihova, um ika, Namu apau aiek an nemda unyum inigki, napu lep imiatamaig nup Isreel aiek vai ikmai nup u Mitian: ek mun idim abrai euc ainyak.

1 Samuel 10:7

Etu wit yetpam vai euc niji itai asjaaicnaig iji ig, namu ago nedo inig aiek etpu upene iram; etpu idim amen ehelum a Ihova.