Josua 1:8 - Intas Etipup

⁸ Etmu amen an nipjineucsem intas alep an nitaasviitai inigki; namu aktaktai vaig aiek irai iji adiat im niji epig, um imiaiji niji itai asega eris aged iran: va apu arapakau aiek, um amen upene.

Josua 1:8 Iomraidhean Croise

Jenesis 24:63

Is alau ijo a Aisak an jupura parago nalaigaheni: is easpan aien, um alum kamela napam vaig.

2 Niji Tas Eled 26:5

Is ahilek Atua aien an numoh u Sekaraia, is ato niji itai ehvaig u Atua a Sekaraia: an nopan iyehki is wat ahilek Ihova aien, is ika a Atua yi amen upene aien.

Saam 119:11

Ekmun adenaig intas unyum an liinmopok ainyak, vai ki jim ago nedo has ainyak vai euc.

Saam 119:15

Ekpu aktaktai intas alep unyum ainyak, um almuktit nefalaig unyum.

Saam 119:97

Et aiyu alupas inliinmopok ainyak vai intas alep unyum! ek aktaktai ainyak ira adiat asega.

Saam 119:99

Et esjilid nedo arapakau unyak irai nedo arapakau u ilpu atimi esege imtak asega: ek idim aktaktai intas alep unyum ainyak.

Saam 19:14

Ja etpu upene intas an nipjineucsek im naktaktai u inliinmopok, an nuhup unyum, ak Ihova, nemda unyak, im natimi auanimtan nyak.

Saam 40:10

Ek mun eti adenaig nedo atoh unyum ainyak an liinmopok; ek mun asuptecnaig nedo inveijec unyum ainyak, im nimiatamaig atimi unyum: ek mun eti ateri naiheuc esjilid unyum ainyak, im nedo inveijec unyum, an nasjapicnaig u ilpu atimi et ahinag.

Niji tas Arapakau 3:1

AK inhal unyak, namu jim ahnag irai tas alep unvak aiek; ja etmu aminjinaig niji tas unyak inliinmopom aiek:

Aiseya 59:21

Et ika a Ihova, Ek ika ainyak, Intas etipup unyak ehele ra nigki; Et amen alupas ehelum a Nesgak, ek mun ikni an nipjineucsem niji tas unyak ainyak, etpu lep amen aktit an nipjineucsem im lep an nipjineucse ilpu hal unyum, im lep an nipjineucse ilpu mapom, ahes an nopan inig um yetpan irai iji mesese; et idim uce intas o Ihova.

Madius 12:35

Era leh niji itai upene a ilpu atimi upene ira aga upene anliinmopura: ja era leh niji itai has a ilpu atimi auatatimi ira aga has anliinmopura.

Madius 28:20

um esege imi ra mika eri imyiaiji niji itai asega ara kis tas alep vaig ehelemia ainyak: ekpu idim amen ehelemia ainyak irai iji adiat, um yetpan an nehni u naopan. Emen.

Madius 7:21

¶ Eri ti apan an nelcau an nohatag natimi asega erupu ika ehelek ara, Ak Natimarid, ak Natimarid; ja aien ache et imyiaiji intas o Etmak an nohatag aien.

Madius 7:24

¶ Aien et atahaijeg intas iji eigki unyak aien, um imyiaiji, ek ika ainyak et idivaig natimi arapakau is ethi aien, is actaigse neom o un aien an mala:

Lukas 11:28

Is ika aien, Maiya, ja era mun idim ahesmoij ara era atahaijeg intas o Atua ara, um imyiaiji.

Joanes 13:17

El eka ato nitai iji eigki aijaua, eka mun ahesmoij aijaua el eka ago.

Joanes 14:21

Aien et leh niji tas alep unvak aien, um apos upene, et aiyu inliinmopon aien vai nyak: aien et aiyu inliinmopon aien vai nyak, et lep aiyu inliinmopoi Etmak vai yin, etpu lep aiyu inliinmopok ainyak vai yin, ekpu lep ehvai nyak ainyak ehelen.

Nupu Efesus 4:29

Etmu jim ahes an nipjineucsemia intas has, jai intas ineig ache et upene nahidaig emda vaig atimi, mika yi ago upene ilpu atimi atahaijeg vaig:

Tyuteronome 29:8

intis atoraliak inpece urau akaija, um alupai ilpu mapoi Ruben mika eri ohuun ara, im ilpu mapoi Cat, im nahaiji ilpu mapoi Manasi.

Tyuteronome 29:9

Akumu apos intas etipup inigki aijaua, um imiaiji, va akupu amen upene aijaua.

Tyuteronome 30:14

Ja et amen ubutpotet ehelemia intas, an nipjineucsemia, im lep an liinmopomia, va akupu imiaiji aijaua.

Tyuteronome 31:11

eru wit apam a nup Isreel asega, um ehcohos an nuhup u Ihova Atua unyimia, an nuarin inig etpu anvai aien, akumu esvi intas alep inigki aijaua mika eri atahaijeg a nup Isreel asega.

Tyuteronome 31:24

Is aged ehni intas alep asega iji igki an nitaasviitai a Moses,

Tyuteronome 5:1

IS asjapicnaig nup Isreel asega a Moses, um ika ehele ra, Ak nup Isreel, akumu atahaijeg intas alep im nedo ek asaig ehelemia ainyak an nadiat inigki, mika aki ato aijaua, um apos, um ago.

Tyuteronome 5:29

Ek merit ainyak mika yi amen ehele ra inliinmopora imtitaig nyak, im inliinmopora apos intas alep asega unyak irai iji adiat, va erupu amen upene ara, im ilpu hal ura, im ilpu mapora, irai iji mesese!

Tyuteronome 5:32

Akumu aktaktai aijaua um ago et idivaig is asaig ehelemia a Ihova Atua unyimia: um jim ahidaig pan caua an matamia ka inmauumia.

Nupu Kolose 3:16

Etmu amen alupas ehelemia intas o Kristo an narapakau asega; um esege jipe imi caua, um ated jipe caua irai ohraiitai im niji tas ahces im niji tas auaramai an Nesgan Upene, um acesaces nohraiitai vai Natimarid anliinmopomia an naiheuc o Atua.

Josua 1:7

Namu emda aiek um jim auatialidi inliinmopom, par imiaiji intas alep asega, is asaig ehelum a Moses naheca unyak: jim atidjim iran aiek, um apan an matam ka an mauum, va apu ago nedo upene aiek irai iji uarin napu apan iran aiek.

Josua 8:34

Is par apitac aien um esvi intas asega an tas alep, intas upene im intas has, et idivaig intas asega eris aged an tas alep.

Nitai ehvaig 22:14

Era mun ahesmoij ara era imyiaiji tas alep o un ara, va erupu leh incai umumoh vaig ara, um atga irai eucse athatahau, um apan an nuarin-pece iyehki.