Josua 1:6 - Intas Etipup

⁶ Namu emda aiek um jim auatialidi inliinmopom: napu idim ahaig imi atimi iji igki aiek inpece iyehki, kis upyi asaig ehele ilpu retpora ainyak mika ki alupai ra, mika eri ohuun ara.

Josua 1:6 Iomraidhean Croise

Jenesis 12:7

Is ehcohos a Ihova ehele Ebram, um ika, Ekpu alupai ilpu mapom inpece inigki ainyak: is actaig natau eahki aien imi Ihova, is ehcohos ehelen aien.

Jenesis 26:3

amen an pece inigki aiek, ekpu lep amen ehelum ainyak, um acis yi alwai euc; ekpu alupai euc ira ilpu mapom inpece iji igki asega ainyak; ekpu lep ehneijid intas aktit unyak ainyak ehele Ebraham etmam;

2 Samuel 10:12

Etmu emda inliinmopom aiek; intumu ago nedo emda akaija va atimi uja, im lep vai iji maliyum u Atua uja: etmu ago nitai inig et upene iran a Ihova.

1 Ilpu Atimarid 2:2

Ekpu ahced nefalaig u nup uran nobohtan asega ainyak: namu emda aiek um ago nedo o natimi meto;

1 Iji Tas Eled 22:13

Napu amen upene aiek, el et aktaktai aiek um imiaiji intas alep im nedo atoh is asaig a Ihova ehele Moses vai nup Isreel: namu emda aiek, um jim auatialidi; namu jim imtitaig aiek, um jim ehioehio inliinmopom:

1 Iji Tas Eled 28:10

Namu aktaktai aiek an nopan inig; is ehtai euc a Ihova mika an ago neom aiek va niji itai itap: namu emda aiek um ago.

1 Iji Tas Eled 28:20

Is ika a Tevit ehele Solomon inhal o un, Namu emda aiek, um ago, um jim auatialidi: namu jim imtitaig aiek, um jim ehioehio inliinmopom: etpu lep amen ehelum a Ihova Atua, Atua unyak marom; inyi eti atidjin iram aien, um eti udei euc, um imihum pan an nopan iyehki napu ago ehni nauritai asega aien par auanaheca an neom u Ihova.

2 Niji Tas Eled 15:7

Akumu emda aijaua, etmu jim auatialidi nikmamia: uhpu aru imi caua va niji auritai unyimia.

2 Niji Tas Eled 20:11

ja neruvaig ura nigki, era ham ara par ahlo cama an pece unyum, as alupai cama aiek mika ecri ohuun aijama.

2 Niji Tas Eled 20:7

Na idim Atua unyima aiek, as ahlo nup uran pece inigki aiek an nuhup u nup Isreel unyum, um atcijaig imi ilpu mapoi Ebraham natimi is aiyu inliinmopom aiek vai yin irai iji mesese.

Saam 27:14

Namu aitgai Ihova aiek: etmu jim auatialidi inliinmopom aiek; etmu ago emda inliinmopom aien: namu aitgai Ihova aiek.

Taniel 10:19

um ika, Ak natimi inigki eh merit alupas vai euc, namu jim imtitaig aiek: etmu amen ehelum nigpa, namu emda aiek, maiya, namu idim emda aiek. Is wat tas ehelek aien kis emda ainyak, um ika, Namu tas aiek, ak natimarid unyak; na mun idim ago emda nyak aiek.

Haceai 2:4

Jai inig, et ika a Ihova, namu emda aiek, ak Serubabel, namu lep emda aiek, ak Josua inhal u Josetek, natimi esjilid an nahlap; et lep ika a Ihova, Akumu emda aijaua, ak nup uran pece asega, um auritai; et ika a Ihova esjilid acen, Ek idim amen ehelemia ainyak:

Sekaraia 8:9

Et ika a Ihova esjilid acen; Etmu emda nikmamia aijaua, eka atahaijeg aijaua an nopan inig intas iji igki irai ipjieucse ilpu profeta, eris asaig intas ara an nopan ati nededuon neom u Ihova esjilid acen, mika eri actaig neom ahlap iran.

Numera 26:53

Uhmu ahaig inpece irai ra sji igki mika eri ohuun ara, et idivaig nesvi vaig nidara.

Numera 33:53

akumu ahlo nup uran pece aijaua, um amen iran: kis alupai caua inpece ainyak, mika aki ohuun aijaua.

1 Nupu Korindus 16:13

Akumu aminjinai caua aijaua, um amen aktit an nimyiisjis ninivaijec unyimia, um ago nedo o ilpu atimi metto, um emda:

Nupu Efesus 6:10

IM lep ineig, ak ilpu etoak, akumu emda aijaua vai Natimarid, im lep va nemda esjilid o un.

Tyuteronome 1:21

Is ati inpece an nuhup unyimia a Ihova Atua unyimia: apan um ohuun, et idivaig is asaig ehelemia a Ihova Atua u ilpu retpomia; jim imtitaig, um jim auatialidi.

Tyuteronome 1:8

Ek mun idim ati inpece an nuhup unyimia ainyak: akumu apan aijaua um ohuun inpece inig is asan tas aktit vaig a Ihova ehele retpomia, nan, Ebraham, im Aisak, im Jekob, mika etpu alupai ehtaij aien, im lep ilpu mapoi ehtaij.

Tyuteronome 11:8

Va nitai inigki akumu apos intas alep asega iji igki aijaua ek asaig ehelemia ainyak an nadiat inigki, va akupu emda aijaua, um apan um ohuun inpece iyehki, akupu apan iran aijaua um ohuun;

Tyuteronome 31:23

Is tas ehele Josua inhal u Nun aien, um ika, Namu emda aiek, um jim auatialidi: napu idim imiapan nup Isreel aiek an pece iyehki kis asaig ehele ra ainyak: ekpu ahced euc ainyak.

2 Timodeus 2:1

VA nitai ineigki etmu emda inliinmopom aiek, ak inhal unyak, an naiheuc ineig et amen ehele Iesu Kristo:

Josua 1:18

El et imipalea intas alep unyum tah, um eti atahaijeg intas asega unyum napu asaig ehelen aiek, uhmu atgei yin: ja namu emda aiek um jim auatialidi inliinmopom.

Josua 1:7

Namu emda aiek um jim auatialidi inliinmopom, par imiaiji intas alep asega, is asaig ehelum a Moses naheca unyak: jim atidjim iran aiek, um apan an matam ka an mauum, va apu ago nedo upene aiek irai iji uarin napu apan iran aiek.

Josua 1:9

Ek mun idim asaig ehelum ainyak. Namu emda aiek um jim auatialidi inliinmopom: jim imtitaig, um jim eucjeucjeucaij: etpu amen ehelum a Ihova Atua unyum irai iji uarin asega an apan iran aiek.

Josua 10:25

Is ika ehele ra a Josua, Akumu jim imtitaig aijaua, um jim eucjeucjeucaij, etmu emda inliinmopomia aijaua um jim aua-tialidi: etpu uce nedo o Ihova vai ilpu atimi tak atimi iramia asega eka ago nedoa vai ra aijaua.

Josua 13:6

Ekpu ahlo atimi asega irai lola edoon ainyak an nuhup u nup Isreel, ahes Lebanon um yetpam Misrifod-meem, nup u Saiton asega: namu lep ahaig aiek irai up Isreel irai itai asjaaicnaig, mika eri ohuun ara, et idivaig kis asaig ehelum ainyak.

Josua 18:3

Is ika a Josua ehele nup Isreel, Eka a uri aijaua par eti fi auroauro um apan um ohuun inpece inig is alupai caua a Ihova Atua u ilpu retpomia?

Josua 21:43

Is alupai nup Isreel a Ihova inpece asega is asaig ehele ilpu retpora aien, mika etpu alupai ra aien; eris ohuun ara um amen iran.

Josua 5:6

Eris atga an namasacen irai mesese is forte a nup Isreel, um imihum pan an nopan iyehki eris emesmas a ilpu atimi ago nedoa asega eris ahes Ijipt ara, va nedo ura, nikavaig, eris eti imiaiji intas o Ihova ara: is asaig intas aktit ehele ra aien mika eri eti ecetai inpece iyehki ara, is upyi asaig ehele ilpu retpora a Ihova mika, etpu alupai ra aien inpece et alupas nidenided im hune iran.

1 Samuel 4:9

Akumu emda aijaua, ak nup u Filistia, um ago nedo o atimi, va aki jim aheca u ilpu Hibru aijaua, et idivaig era mun aheca unyimia ara: ago nedo o atimi aijaua, um ati nedoa.