Josua 1:5 - Intas Etipup

⁵ Inyi eti emda tah natimi natidai vaig an nuhup unyum ira adiat asega an numoh vaig unyum: ekpu amen ehelum ainyak, et idivaig kis amen ehele Moses ainyak: inki eti amen itac acen vai euc ainyak, um eti udei euc.

Josua 1:5 Iomraidhean Croise

Jenesis 39:2

Is amen ehele Josef a Ihova, is lep upene namen o un; is amen aien an nimnim u nup Ijipt, natimi alupas o un.

1 Ilpu Atimarid 1:37

Etmu amen a Ihova ehele Solomon, et idivaig et mun amen ehele natimarid unyak aien, um ika vai dorona o un, mika yi esjilid irai dorona u Tevit natimarid unyak.

1 Ilpu Atimarid 11:38

El et atahaijeg intas asega aiek ekpu asaig ehelum ainyak, um ahced nefalaig unyak, um ago nedo inigki et upene an nuhup unyak, um imiaiji intas asuptecnaig unyak im intas alep unyak, et idivaig nedo o Tevit naheca unyak; ekpu amen ehelum ainyak, um ikni aktit, ilpu mapom, et idivaig kis ago vai Tevit ainyak, um alupai euc nup Isreel.

1 Ilpu Atimarid 6:13

ekpu amen ehele nup Isreel ainyak, um eti udei nup Isreel unyak.

1 Ilpu Atimarid 8:57

Etmu amen eheleija a Ihova Atua uja, et idivaig is amen aien ehele ilpu retpoija: etmu jim atidjin iraija aien, um udei caija:

1 Iji Tas Eled 28:20

Is ika a Tevit ehele Solomon inhal o un, Namu emda aiek, um ago, um jim auatialidi: namu jim imtitaig aiek, um jim ehioehio inliinmopom: etpu lep amen ehelum a Ihova Atua, Atua unyak marom; inyi eti atidjin iram aien, um eti udei euc, um imihum pan an nopan iyehki napu ago ehni nauritai asega aien par auanaheca an neom u Ihova.

Saam 46:11

Et amen eheleija a Ihova esjilid acen; et uarin adenaig uja a Atua u Jekob. Sila.

Eksotus 3:12

Is ika aien, Ekpu idim amen ehelum ainyak; nitai asjaaicnaig imi euc nigki mika, ek mun abraig pan euc ainyak: Nau wit iknipagki ilpu atimi unyak an pece Ijipt aiek, akupu ahlap vai Atua aijaua an nedoon inigki.

Aiseya 42:16

Ekpu atau irai ilpu atimi apat nesganimtara ainyak an nefalaig inig eris eti ato ara; ekpu lep ika ainyak eri atga irai efalaig iji ig ara eris eti ato ara: ekpu lep ika ainyak yi isjeupigmoig napat inlah an nuhup ura, um lep ika yi marara niji uarin tipetipe. Intas upyi asaig unyak ji igki kis asaig ainyak jam eti ahnag iran.

Jeremaia 1:8

Is lep ika a Ihova, Namu jim imtitai ra aiek: ekpu idim amen ehelum ainyak par imicoho euc.

Taniel 11:16

Etpu ago nitai merit o un a natimi iyehki etpu yetpam aien par aat iran, inyi ti tah par aiji an nuhup o un: etpu aiji aien an pece esjilid iyehki, etpu ohuun inpece iyehki asega aien.

Madius 28:20

um esege imi ra mika eri imyiaiji niji itai asega ara kis tas alep vaig ehelemia ainyak: ekpu idim amen ehelemia ainyak irai iji adiat, um yetpan an nehni u naopan. Emen.

Nupu Roma 8:31

¶ Intupu asan he akaija va nitai iji eigki? el et leh imi caija a Atua, di neigki et tak atimi iraija?

Nupu Roma 8:37

Jai inta idim esjilid akaija an nitai iji eigki asega vai yin is aiheuc vai caija aien.

Tyuteronome 20:1

AKU wit apan aijaua par ago nedoa vai ilpu atimi tak atimi iramia, um alum niji hors, im niji jariot, im natimi inyi ahinag ira-mia, akumu jim imtitai ra aijaua: et amen ehelemia a Ihova Atua unyimia, is iknipagki caua aien an pece Ijipt.

Tyuteronome 20:4

et idim ahced caua a Ihova Atua unyimia, par ago nedoa vai ilpu atimi tak atimi iramia, um imiatamaig caua.

Tyuteronome 31:23

Is tas ehele Josua inhal u Nun aien, um ika, Namu emda aiek, um jim auatialidi: napu idim imiapan nup Isreel aiek an pece iyehki kis asaig ehele ra ainyak: ekpu ahced euc ainyak.

Tyuteronome 4:31

(et Atua aiheuc va atimi a Ihova Atua unyimia;) inyi eti udei caua aien, um eti auahas caua, ja etpu imiehva intas upyi asaig ehele ilpu retpomia is asaig ehele ra aien.

Tyuteronome 7:24

Etpu atcijaig ilpu atimarid ura irai ikmamia aien, akumu lep iknipagki nidara aijaua an noboh-tan: inyi eti emda tah natimi natidai vaig an nuhup unyimia, um imihum pan an nopan iyehki akupu auahas ehni ra aijaua.

2 Timodeus 4:17

Ja is amen ehelek a Natimarid, um ago emda nyak; mika ki asuptecnaig ehni intas-upene ainyak; eri lep atahaijeg a nup urai iji pece asega: eris lep imyiatamaig nyak u nipjineucse laion.

Ilpu Hibru 13:5

Etmu jim has iramia aijaua itai: jam eklim amen upene va niji itai unyimia: is idim ika aien, “Ekpu idim amen ehelemia ainyak, um eti lep ude caua:”

Josua 1:17

Ecrupu atahaijeg intas asega unyum aijama, et idivaig ecris atahaijeg intas o Moses aijama va niji itai asega: ja etmu amen ehelum a Ihova Atua unyum, et idivaig is amen ehele Moses aien.

Josua 1:9

Ek mun idim asaig ehelum ainyak. Namu emda aiek um jim auatialidi inliinmopom: jim imtitaig, um jim eucjeucjeucaij: etpu amen ehelum a Ihova Atua unyum irai iji uarin asega an apan iran aiek.

Josua 10:8

Is tas a Ihova ehele Josua, um ika, Namu jim imtitai ra aiek: ek mun ikni ra an nikmam ainyak; inyi eti aiji tah natimi ira ra an nuhup unyum.

Josua 21:44

Eris amen upene ara, is idivaig intas asega u Ihova ehele ilpu retpora: is eti atidai an nuhup ura tah natimi irai ilpu atimi tak atimi ira ra; is ikni ilpu atimi tak atimi ira ra asega irai ikmara a Ihova.

Josua 3:7

Is tas a Ihova ehele Josua, um ika, Ekpu atupun ainyak an nadiat inigki, um atijai natimi alupas unyum an nuhup u nup Isreel asega, mika eri ato ara mika ek amen ehelum ainyak, et idivaig kis amen ehele. Moses ainyak.

Josua 6:27

Is amen ehele Josua a Ihova; is lep apaahni intas vai yin an pece asega.

Ilpu Atimi Tas Alep 2:18

Is wat ikni ilpu atimi tas alep vai ra a Ihova, is atau irai natimi tas alep a Ihova, um imiatamai ra vai ikmai ilpu atimi tak atimi ira ra an nopan umoh asega u natimi tas alep: vaig inig nikavaig, is adumoij an liinmopon a Ihova vai nehtigtaig ura, va nedo o atimi iji ig eris ehcerucai ra ara um ehtipidai ra.

Ilpu Atimi Tas Alep 6:16

Is ika ehelen a Ihova, Et idim inveijec, ekpu atau iram ainyak, napu lep auud nup u Mitian aiek et idivaig natimi et ethi ache.

1 Samuel 10:7

Etu wit yetpam vai euc niji itai asjaaicnaig iji ig, namu ago nedo inig aiek etpu upene iram; etpu idim amen ehelum a Ihova.