Josua 1:1 - Intas Etipup

¹ IS mas a Moses naheca u Ihova, ja is par tas a Ihova ehele Josua inhal u Nun, natimi atau imi Moses, um ika,

Josua 1:1 Iomraidhean Croise

1 Ilpu Atimarid 19:16

um lep aspi Jihu mapoi Nimsai mika yi atimarid Isreel aien: im lep aspi Elaisa inhal u Sefat nup Ebel-mihola, mika yi aprofeta aien um isjeupigmoig euc.

2 Ilpu Atimarid 3:11

Ja is ika a Jehosafat, Et amen igcaki tah naprofeta o Ihova, mika ti ahodai Ihova akaija iran, ka oʼo? Is tas a naheca is ethi u natimarid u nup Isreel, um ika, Elaisa mun igki inhal a Sefat, is atladwi inwai aien irai ikmai Elaija.

Nihemaia 8:17

Eris ago neom araho natimi asega eris lucsei pan ra ja eris lep adumoij ara, um ateuc irai eom araho ura: eris eti ago nitai inigki a nup Isreel an nopan umoh u Josua inhal u Nun um uhum pam. Is esjilid acen nimiacitak u atimi.

Eksotus 24:13

Is atidai a Moses, im lep Josua natimi atau imi yin: is aridjai a Moses an lolan nedoon u Atua.

Numera 11:28

Is tas a Josua inhal u Nun, naheca u Moses, im intakuras o un, um ika, Ak Moses natimi alupas unyak, namu acaiji rau aiek.

Numera 12:7

Et eti uce a Moses naheca unyak, et inveijec aien au neom asega unyak.

Numera 13:16

Nidai natimi iji ehki ji igki is abraig pan ra a Moses par aijidjid inpece. Is anvi nidai Osia inhal u Nun a Moses par ika Josua.

Numera 13:8

Im Osia inhal u Nun irai ilpu mapoi Ifreem.

Lukas 16:10

Aien et ago nedo inivaijec aien irai itai tintin, etpu ago nedo inivaijec aien irai itai esjilid: aien et ago nedo efaifa aien irai itai tintin, etpu lep ago nedo efaifa aien irai itai esjilid.

Niji auritai o ilpu Apostolo 7:45

Eris lep imyiapam neom iyehki a ilpu retpoija eris epitpitac ara im Josua, an pece ineig eris ohuun a nup urai taka pece iji ehki, is ahlo ra a Atua an nuhup o ilpu retpoija, um yetpan an naopan iyehki an numoh o Tevit;

Nupu Roma 1:1

AK nupu Roma asega iji eig, et aiyu inliinmopoi Atua vai caua, eka atimi eris ahlaig vai ra aijaua, um atimi upene, ek aiheuc vai caua ainyak Paulo, naheca o Iesu Kristo, ek atimi eris ahlaig vai yin ainyak, um apostolo, eris ati nyak vai intas-upene o Atua,

Tyuteronome 1:38

Ja etpu apan eahki a Josua inhal u Nun, et aiji aien an nuhup unyum, etpu apan iran aien: etmu emda inliinmopon aien; etpu ika aien ehele nup Isreel eri ohuun ara.

Tyuteronome 31:23

Is tas ehele Josua inhal u Nun aien, um ika, Namu emda aiek, um jim auatialidi: napu idim imiapan nup Isreel aiek an pece iyehki kis asaig ehele ra ainyak: ekpu ahced euc ainyak.

Tyuteronome 31:3

Etpu atga um uhup iramia a Ihova Atua unyimia, etpu auahas nup urai pece iji igki aien an nuhup unyimia, akupu lep ohuun niji pece ura aijaua: etpu uhup iramia a Josua, et idivaig is asaig a Ihova.

Tyuteronome 33:1

INTAS upene ji igki, is asaig a Moses naheca u Atua ehele nup Isreel ja par mas.

Tyuteronome 34:12

im lep an nemda esjilid asega, im niji itai er imtitaig alupas vaig asega, is ehvaig a Moses an nuhup u nup Isreel asega.

Tyuteronome 34:5

Is mas eahki a Moses naheca u Ihova an pece Moab, is idivaig intas o Ihova.

Tyuteronome 34:9

Is lep esjilid narapakau u Josua inhal u Nun; is idim atijai iran nikman ero a Moses: eris atahaijeg intas o un a nup Isreel, um ago nedo inig is asaig a Ihova ehele Moses.

Taitus 1:1

AK Taitus, inhal inivaijec unyak an nimyiisjis ninivaijec uja asega, ek aiheuc vai euc ainyak Paulo, naheca u Atua, im napostolo o Iesu Kristo, par asuptecnaig nimyiisjis ninivaijec ehele ra sji ehki is ehtai ra a Atua, mika eri ato upene intas inivaijec ara par ago nedo eccen vai Atua,

Jakobus 1:1

AK ilpu mapoi ilpu hal o Isreel is twelv, eka terimterim jipe aijaua, ek aiheuc vai caua ainyak Jakobus, naheca u Atua im Iesu Kristo Natimarid.

Josua 1:15

um imihum pan an nopan iyehki etpu alupai ilpu etwamia nitai atumop a Ihova, et idivaig is alupai caua aien, eru wit ohuun inpece iyehki ara etpu alupai ra a Ihova Atua unyimia: ja akupu lep adumoij pam aijaua, um ohuun inpece is alupai caua a Moses naheca u Ihova, an nahaijin Jortan inigki an ridjai o un.

Josua 1:2

Is mas a Moses naheca unyak; namu atidai aiek, um algaunyi Jortan inigki, im lep natimi asega iji igki, um apan an pece iyehki ek alupai ra ainyak, nup Isreel marom.

Josua 12:6

Is auud rau a Moses naheca u Ihova im nup Isreel: is atcijaig inpece urau a Moses naheca u Ihova imi ilpu mapoi Ruben, im ilpu! mapoi Cat, im nahaiji ilpu mapoi Manasi, mika eri ohuun ara.

Nitai ehvaig 1:18

ek atimi umoh ainyak; kis mas ainyak; ja ekpu idim umoh ainyak irai iji mesese. Emen. Et lep amen ehelek kii urin umatmas im inmas.