Joel 3:9 - Intas Etipup

⁹ Akumu asuptecnaig nitai inigki ehele nup urai iji pece aijaua, um ika, Akumu amatata va nedoa aijaua, akumu imiatidai ilpu eucsupo aijaua, erumu apam ubutpotet um aridjipam a ilpu eucsupo asega:

Joel 3:9 Iomraidhean Croise

Saam 96:10

Akumu asaig aijaua ehele nup urai iji elcau mika, et atimarid a Ihova: etpu lep amen aktit nobohtan um eti amaamai: etpu asuptecnaig nimtan imi nup urai iji pece aieu an nedo atoh o un.

Aiseya 34:1

AK nup urai iji elcau, akumu ubutpotet aijaua par ahgei itai; ak nup urai iji pece, akumu atahaijeg aijaua: etmu ahgei itai nobohtan, im niji itai asega amen iran; etmu ahgei itai nobohtan asega, im niji itai asega ahes iran.

Jeremaia 31:10

Akumu atahaijeg intas o Ihova aijaua, ak nup urai iji pece, um asuptecnaig ehele nup urai iji pece u unjap itac acen, um ika, Aien is imiterimterim nup Isreel aien etpu asjapicnai ra aien, um aminjinai ra, et idivaig et aminjinaig inpak irai siip o un a natimi asgi siip.

Jeremaia 50:2

Akumu asaig aijaua ehele nup urai iji pece, um asuptecnaig, um imiaridjai nitai ahlaig; akumu asuptecnaig aijaua, um jim ateri: um ika, Eh mun atoraliak inmaliyum Babelon, et mun ehcamai a Bel, eh mun auhoig yi agrei Merotak; era ehcamai a ilpu atmas ura, eh mun ahtagrei niji atmasimai ura.

Jeremaia 51:11

Akumu ago naunau niji idjai efana unyimia aijaua, um asjapicnaig niji itai ahtaipup: et mun ago emda inliinmopoi ilpu atimarid u nup u Mitya a Ihova: et mun anacanac aien irai nup u Babelon, par auahas ra; vaig inig nikavaig, neruvaig u Ihova nigki, neruvaig va neom ahlap o un.

Jeremaia 51:27

Akumu atijai nitai ahlaig an pece ura aijaua, um ahlai intoho vai nup urai iji pece, um ikni nup urai iji pece par aat ira ra, um ika eri asjapicnaig nup urai elcau Ararat, im Minai, im Askenas, par aat ira ra; akumu ati natimi alupas irai ilpu eucsupo aijaua par aat ira ra; um ika eri apam a ilpu atimi ateuc irai hors, et idivaig niji heled et eteuc nalau iran.

Jeremaia 6:4

Akumu ati nedoa vai yin aijaua; Ti atidai akaija, um aridjipan an nadiatadiat: kaiheuc vai, caija! injupki mun igki: et opra nalmui itai, et ubutpotet u injupura.

Esikiel 38:17

Et ika a Natimarid Ihova; Aiek aigki, kis tas vai euc ainyak itu acen irai ilpu aheca unyak, ilpu profeta i ji ig u nup Isreel, eris asuptecnaig intas ara irai adiat iji ehki, irai mesese itu acen marom, mika ki imiapam euc ainyak par aat ira ra.,

Esikiel 38:7

Namu apena aiek, namu amatata aiek, aiek marom, im ilpu atimi asega unyum era mun asjapicnaig ara ehelum, namu lep atimi aminjinai ra aiek.

Maika 3:5

Intas o Ihova nigki vai ilpu profeta iji ig era imiahnag ilpu atimi unyak ara, Era ahidan tas igpa ara ehele atimi iji ig era alaa ra nitai caig ara; ja era anvaijai atimi iji ig ara era eti alaa ra nitai hegaig ara.

Haceai 2:7

ekpu eucjeucjaig nup urai iji pece asega ainyak, ja etpu hame niji itai merit u nup urai pece asega; et ika a Ihova esjilid acen, Ekpu ika ainyak yi ohua natimi alupas unyak an neom inigki.

Sekaraia 14:2

Ekpu idim asjapicnaig nup urai iji pece asega ainyak par ati nedoa vai nup u Jerusalem; erupu atoraliak inmaliyum ara, um tup lucsei itai iraili eom, um auahas ilpu takata; erupu arop irai nahaiji atimi an maliyum ara um imiapan ra an taka pece, ja nahaiji atimi et eche erupu eti iknipagki ra an maliyum ara.

Sekaraia 14:3

Ja etpu ehcohos pan a Ihova, um ago nedoa vai nup urai pece iji ehki, et idivaig an nopan iyehki is wat ago nedoa iran aien.