Joel 3:8 - Intas Etipup

⁸ ekpu ahtai ilpu halav atamaig unyimia ainyak im ilpu halav atahig unyimia ehele nup u Juta, eri ahtai ra ara ehele nup u Siba, natimi an pece itac acen: et mun idim asaig intas inigki a Ihova.

Joel 3:8 Iomraidhean Croise

Nitaasviitai u Job 1:15

ja eris aat ira ra a nup u Siba, um atoraliak ra; eris lep atgei ilpu takuras unyum ara ira auitoga ura; ek mun aha ainyak ache par asuptecnaig ehelum.

Saam 72:10

Erupu imiapan imi yin niji itai tup ahtai a ilpu atimarid Tarsis, im lep nup urai iji pece u unjap: erupu lep ikni niji itai tup ahtai imi yin a ilpu atimarid Siba im lep ilpu atimi alupas Idiopia.

Aiseya 60:14

An nopan iyehki erupu apam ehelum a ilpu atimi ehcerucai euc, um ecen vai euc; erupu atpuse um yetpan u nugnyin neduom a ilpu atimi asega era mun amcel vai euc ara; erupu lep anvi nidam ara par ika, Inmaliyum u Ihova, Saion, Inmaliyum u Atua Upene u nup Isreel.

Jeremaia 30:16

Ja uhpu auahas ra sji ig era auahas euc ara; uhpu imiapan an taka pece ilpu atimi tak atimi iram asega, inyi eti amen tah; uhpu atoraliak itai u ra sji ig era atoraliak itai unyum ara, uhpu ehcerucai ra sji ig asega era ehcerucai euc ara.

Jeremaia 6:20

Eka a uri aijaua par imiapam ehelek nitai auanipin upene inig et ahes Siba, im lep incai auanipin upene inig et ahes an pece itac acen? ek eti merit ainyak va niji itai ahlap er atnamud unyimia, ek eti imiacitak ainyak niji itai ahlap unyimia.

Esikiel 23:42

Eris ahgei ehelen nohrai atimi is ahinag eris eklim amen ara: eris lep ahced tup atimi iji ehki a nup u Sabia eris ahes an namasacen ara, eris lep ikni niji ethado irai ikmara ara, um adgan niji cat adgaig esjilid irai idjinira, athi um athi ehni.

Esikiel 38:13

Erupu ika ehelum a nup u Siba, im nup u Titan, im ilpu atimi auarimtai itai Tarsis im ilpu atimi alupas ura asega, Na idim apam aiek par tup lucsei itai, ka oʼo? na idim asjapicnaig ilpu atimi unyum aiek par imiapan itai eris atoraliak, um imiapan silver im colt, um atoraliak niji itai eklim edo irai pece im inpadiaig, um atoraliak niji itai et ahinag, ka oʼo?

Tyuteronome 32:30

Inyi eti emda natimi inyi ethi nahau vaig atimi inyi wun dausant u nup Isreel, im natimi inyi ero nahlo vaig atimi inyi ten dausant ira ra, el et eti ahtai ra a Inhehteuc ura, um eti atapnes ra a Ihova.

Ilpu Atimi Tas Alep 2:14

Is edemda alupas vai nup Isreel a Ihova, is atcijai ra aien irai ikmai ilpu atimi atoraliak itai, eris atoraliak itai ura ara, is lep ahtai ra aien irai ikmai ilpu atimi tak atimi ira ra marehed mihtag, va nitai inigki is ehka vai ra par lep aiji an nuhup u ilpu atimi tak atimi ira ra.

Ilpu Atimi Tas Alep 4:2

Is atcijai ra a Ihova an nikmai Jebin natimarid u nup u Kenan, is atimarid aien an maliyum Hesor; is atimi alupas u ilpu eucsupo o un a Sisera, is amen aien Harosed-coem.

Ilpu Atimi Tas Alep 4:9

Is ika a Tebora, Ekpu idim atau iram ainyak: ja eri eti imiahpas euc va nedoa inig napu ati aiek; vaig inig nikavaig, etpu atcijaig Sisera an nikmai intakata a Ihova. Is atidai a Tebora, um ahced Berak um yetpan Kites.