Joel 3:5 - Intas Etipup

⁵ Va nedo unyimia, nikavaig, eka mun iknipagki silver unyak aijaua im colt unyak; eka mun lep imiapan irai eom itap unyimia niji itai unyak et upene ek lep merit vaig ainyak:

Joel 3:5 Iomraidhean Croise

2 Ilpu Atimarid 12:18

Ja is lucsei niji itai itap asega a Jehoas natimarid u nup u Juta is imiitap a Jehosafat, im Jehoram, im Ahasaia, ilpu retpon, ilpu atimarid u nup u Juta, im lep niji itai itap o un, im colt asega eris ecetai an nuarin ikni itai anliin neom u Ihova, im lep anliin neom u natimarid, um imiapan ehele Haseel natimarid u nup u Siria: is udei Jerusalem aien, um atga o un.

2 Ilpu Atimarid 16:8

Is lucsei silver im colt a Ehas eris ecetai anliin neom u Ihova, im lep irai iji uarin ikni itai anliin neom u natimarid, um tup ahtai imi natimarid an pece Asiria.

2 Ilpu Atimarid 24:13

Is lep lucsei pan inpadiaig asega anliin neom u Ihova, im inpadiaig asega anliin neom u natimarid, um ahtaldei jipe nipjiitai colt asega is ago a Solomon natimarid u nup Isreel an neom ahlap u Ihova, et idivaig is asaig a Ihova.

Aiseya 11:11

An nopan iyehki etpu aketo a Natimarid um adaigjai nikman, mika yi imiadumoij pam nahri ilpu atimi o un, eri eti emesmas irai Asiria, im lep irai Ijipt, im lep irai Pedros, im lep irai Kus, im lep irai Ilam, im lep irai Sainar, im lep irai Hemad, im lep irai iji pece u unjap.

Jeremaia 23:7

Et ika a Ihova, Va nitai inigki etpu idim yetpam nopan iyehki, eru wit eti lep ika ara, Et idim umoh a Ihova inig is lucsei ilpu mapoi Isreel an pece Ijipt aien um imiapam ra igcaki;

Jeremaia 50:28

Naunyauwaig u ilpu atimi udei inpece Babelon um ahapan nigki, par asuptecnaig ehele nup u Saion neruvaig u Ihova Atua uja, neruvaig va neom ahlap o un.

Jeremaia 51:11

Akumu ago naunau niji idjai efana unyimia aijaua, um asjapicnaig niji itai ahtaipup: et mun ago emda inliinmopoi ilpu atimarid u nup u Mitya a Ihova: et mun anacanac aien irai nup u Babelon, par auahas ra; vaig inig nikavaig, neruvaig u Ihova nigki, neruvaig va neom ahlap o un.

Esikiel 37:12

Va nitai inigki namu asuptecnaig intas aiek, um ika ehele ra, Et ika a Natimarid Ihova; Akumu ato aijaua, ak ilpu atimi unyak, mika ekpu asalgei ehpaiitai unyimia ainyak, um iknipagki caua irai ehpaiitai unyimia, akupu anusjai aijaua, ekpu lep imiapam caua ainyak an pece Isreel.

Taniel 11:38

Ja etpu ateri Atua emda acen aien an nitai ateuc o un, um imiahpas tah natmas inyi ethi eris eti ato yin a ilpu retpon, um ati imi yin colt, im silver, im inhat esjilid, im niji itai upene.

Obataia 1:17

Ja erupu amen an nedoon Saion ara sji igki erupu aha ara, erupu lep itap ara; erupu lep ohuun niji uari pece ura a ilpu mapoi Jekob.