Joel 3:2 - Intas Etipup

² ekpu lep asjapicnaig nup urai iji pece asega ainyak, ekpu imiasuol ra ainyak an niskanse u Jehosafat, ekpu aru ira ra ainyak eahki vai ilpu atimi unyak im nup Isreel ek ohuun ra ainyak, eris imiterimterim ira ra ara ehele nup urai iji pece, um ahaig sjipe inpece unyak.

Joel 3:2 Iomraidhean Croise

2 Niji Tas Eled 20:26

Eris lep asjapicnaig an niskanse Beraka ara an nadiat ford; eris naaurinig vai Ihova eahki ara: va nitai inigki eris anvi nidan nuarin iyehki par ika niskanse Beraka (Naaurinig), um imihum pam an nopan inig.

Aiseya 66:16

Etpu ara a Ihova ira atimi asega an cap im lep an nauitoga o un: etpu atgei atimi et ahinag acen a Ihova.

Aiseya 66:18

Im lep inig, ek ato nedo ura im naktaktai ura ainyak: et mun yetpam nopan inig par asjapicnaig nup urai iji pece asega, im lep ilpu atimi iji ig et acheiachei jipe intas ura; erupu ham ara, um almoi natimi alupas unyak.

Jeremaia 12:14

Et ika a Ihova vai ilpu atimi eblaamnem asega unyak, ilpu atimi auatatimi iji ig marom era auahas inpece inig ara kis ika ainyak eri ohuun a ilpu atimi unyak nup Isreel; Ekpu idim iknipagki ra ainyak an pece ura, ekpu lep iknipagki nup u Juta ehele ra ainyak.

Jeremaia 25:31

Et ika a Ihova, Erupu ehtauo ara um yetpan an tid an nobohtan; et idim imiisjis ehele nup urai iji pece a Ihova, etpu ahilek nedo o atimi asega aien; etpu atcijaig ilpu atimi auatatimi aien va nedoa.

Jeremaia 49:1

INTAS vai nup Amon nigki; et ika a Ihova, Era eti eteuc a ilpu halav atamaig u nup Isreel, ka oʼo? era eti eteuc a ilpu atimi asjeupigmoig ra, ka oʼo? et a uri a Milkom par ohuun inpece Cat, im ilpu atimi o un par amen irai iji maliyum iran?

Jeremaia 50:17

Era idivaig siip ahnag a nup Isreel; et mun ahau ra niji laion; is uhup a natimarid an pece Asiria um auahas ra; ja et par apitac a Nebukatnesar natimarid an pece Babelon um aces yi aldei niji eduora.

Esikiel 25:8

Et ika a Natimarid Ihova; Vaig inig nikavaig, era ika a nup u Moab im lep nup u Sier, Era idivaig nup urai pece asega a nup u Juta;

Esikiel 34:6

Eris ahnag jipe inpak irai siip unyak irai iji au asega, im lep irai iji lola edoon ijinies asega: maiya, eris terimterim inpak irai siip unyak irai iji uarin asega an nobohtan, is lep eti eteuc tah par ahodai ra, um ahilek emda ra.

Esikiel 35:10

Vaig inig nikavaig, eka mun ika aijaua, Etpu uja nelcau eraigko et ero, im inpece eraigko et ero; intupu ohuun akaija: ja is amen eahki a Ihova:

Esikiel 36:1

IM lep inig, ak inhal u natimi, namu asuptecnaig intas aiek ehele niji au an pece Isreel, um ika, Ak niji au an pece Isreel, akumu atahaijeg intas o Ihova aijaua:

Esikiel 36:5

va nitai inigki et ika a Natimarid Ihova; Kis edemda ainyak um idivaig natimi oporei, kis wat asan tas ainyak vai ilpu ahri ilpu atimi apat, im lep vai nup Itom asega, era mun ati inpece unyak imi ra ara mika eri ohuun, is imiacitak inliinmopora ara asega vaig, eris lep amcel vaig ara, mika eri atoraliak niji itai upene iran.

Esikiel 38:22

Ekpu aru iran ainyak an nemehe has im nedoa; ekpu lep atladwi iran ainyak incopda alupas, im incopda hat, im incap, im nerekwas, im lep irai ilpu eucsupo o un, im lep irai nup urai pece et ahinag iji ig era ahced yin ara.

Esikiel 39:11

An nopan iyehki ekpu alupai Coc ainyak nuarin nobohtan eahki va netheso an pece Isreel, nikavaig, niskanse u ilpu atimi atga irai efalaig au nahaijin jap an ridjai o un: uhpu atapnes ilpu atimi atga irai efalaig: erupu atelmoi Coc eahki ara im niji ira atimi asega o un: erupu anvi nidan ara par ika, Niskanse u niji ira atimi asega u Coc.

Joel 3:12

Erumu atidai a nup urai iji pece, um aridjipam an niskanse u Jehosofat: ekpu idim ateuc ainyak um asjaaicnaig irai nup urai iji pece asega marehed mihtag.

Joel 3:14

Erupu ahinag acen natimi, erupu idim ahinag acen natimi an niskanse inig er aru ira atimi iran: et mun ubutpotet pam nadiat u Ihova an niskanse inig er ara ira atimi iran.

Emos 1:11

Et ika a Ihova; Inki eti atipagki ainyak nimtan nedo has et dri ka et for u nup Itom; va nedo ura, nikavaig, eris ahau ilpu etwara ara an nedoa, um eti lep aiheuc vai ra, eris ces yi oplecoplec itai ara, is eti tiih nedemda ura, eris aminjinaig intavaitap ura ara irai iji mesese:

Maika 4:12

Ja era eti ato naktaktai u Ihova ara, era lep eti ato nanaclelen o un ara: etpu idim asjapicnaig ra aien ct idivaig nijis irai hwiit an nuarin auud hwiit iran.

Sefanaia 3:8

Im lep inig, et ika a Ihova, Akumu aitgai nyak aijaua um yetpan an nopan iyehki, ekpu atidai ainyak par atoraliak naga ura an nedoa: ek mun idim ika ainyak ki asjapicnaig nup urai iji pece, um ika eri ahtag pam a nup urai iji elcau, mika ki atladwi ira ra nedemda unyak, nedemda alupas asega unyak marom; etpu idim auahas nup uran nobohtan asega incap u intavaitap unyak.

Nitai ehvaig 11:18

eris edemda nup urai iji pece, et mun yetpam intavaitap unyum, im nadiat u ilpu atimi emesmas, mika an almaijidjid nedo ura aiek, um aru nedo upene u ilpu profeta iji eig eris aheca unyum ara, im lep ilpu atimi upene, im lep ra era imtitaig nidam ara, tup atimi im ilpu atimi alupas; um auahas ra era auahas nobohtan ara.

Nitai ehvaig 16:14

ehtaij esga agelo has ahtaij, um ago niji itai asjaaicnaig, um apan ehele ilpu atimarid an nobohtan, im lep ilpu atimarid irai iji pece asega, um asjapicnai ra u nedoa an nadiat esjilid iyehki u Atua emda acen.

Nitai ehvaig 16:16

Is asjapicnai ra aien an nuarin is ethi, nidan Hibru Armacetton.

Nitai ehvaig 16:6

eris atladwi inja irai ilpu atimi upene ara im ilpu profeta, as lep aluma ra inja aiek; neruvaig atoh imi ra.

Nitai ehvaig 20:8

etpu atga sjipe aien par imyiahnag nup urai iji pece era amen an nobohtan asega ara, nupu Coc im nupu Mecoc, um asjapicnai ra par ago nedoa: era ahinag ara, um idivaig nauanahvig.