Joel 3:12 - Intas Etipup

¹² Erumu atidai a nup urai iji pece, um aridjipam an niskanse u Jehosofat: ekpu idim ateuc ainyak um asjaaicnaig irai nup urai iji pece asega marehed mihtag.

Joel 3:12 Iomraidhean Croise

2 Niji Tas Eled 20:26

Eris lep asjapicnaig an niskanse Beraka ara an nadiat ford; eris naaurinig vai Ihova eahki ara: va nitai inigki eris anvi nidan nuarin iyehki par ika niskanse Beraka (Naaurinig), um imihum pam an nopan inig.

Saam 7:6

Ak Ihova, namu atidai aiek an nedemda unyum, um ahlaahos jai vai intavaitap o ilpu atimi tak atimi irak: um aiji lahlah vai nyak, um ago neruvaig iyehki ira ra as asaig aiek.

Saam 96:13

an nuhup u Ihova: et idim ham aien, et ham aien um asuptecnaig nimtan imi nup uran nobohtan: etpu asuptecnaig nimtan imi nup urai iji pece aien an nedo atoh o un, um lep asuptecnaig nimtan imi nup urai iji elcau an nedo inveijec o un.

Saam 98:9

an nuhup u Ihova; et idim ham aien par tas alep vai nup uran nobohtan: etpu tas alep aien vai nup uran nobohtan an nedo atoh o un, im lep vai nup urai iji pece an nedo inveijec o un.

Aiseya 2:4

Etpu imiee sjipe intas an niblai nup urai elcau aien: etpu lep acaiji nup urai pece inyi ahinag aien: erupu lep lucsei auitoga ura ara um ago irak hat iran, im nij va atimi ura um ago itai u ilpu atimi ahapol iran: eri eti lep imiaridjai nij va atimi a nup uran nelcau et ethi vai nup uran nelcau et eche, eri eti lep esege imi ra ara irai iji mesese par ago nedoa.

Aiseya 22:1

INTAS vai nup uran niskanse ahuumtidec iran nigki. Eka a uri aijaua, mika eka mun aridjipan irai lola eom aijaua asega?

Aiseya 3:13

Et atidai a Ihova mika yi imiisjis va atimi aieu, et lep aiji aien mika yi almaijidjid nup uran pece o un aien.

Esikiel 30:3

Vaig inig nikavaig, et ubutpotet nadiat iyehki, et ubutpotet nadiat u Ihova marom, etpu apat nadiat iyehki; etpu opan u ilpu atimi apat.

Esikiel 39:11

An nopan iyehki ekpu alupai Coc ainyak nuarin nobohtan eahki va netheso an pece Isreel, nikavaig, niskanse u ilpu atimi atga irai efalaig au nahaijin jap an ridjai o un: uhpu atapnes ilpu atimi atga irai efalaig: erupu atelmoi Coc eahki ara im niji ira atimi asega o un: erupu anvi nidan ara par ika, Niskanse u niji ira atimi asega u Coc.

Joel 3:14

Erupu ahinag acen natimi, erupu idim ahinag acen natimi an niskanse inig er aru ira atimi iran: et mun ubutpotet pam nadiat u Ihova an niskanse inig er ara ira atimi iran.

Joel 3:2

ekpu lep asjapicnaig nup urai iji pece asega ainyak, ekpu imiasuol ra ainyak an niskanse u Jehosafat, ekpu aru ira ra ainyak eahki vai ilpu atimi unyak im nup Isreel ek ohuun ra ainyak, eris imiterimterim ira ra ara ehele nup urai iji pece, um ahaig sjipe inpece unyak.

Maika 4:3

Etpu tas alep aien ehele nup urai pece inyi ahinag, um aru irai nup urai pece era emda ara um amen itac acen; va nitai inigki erupu atcei auitoga ura ara um ago irak acujitai iran, im lep niji mopul ura um ago naife ahped vaine iran: eri eti lep ati nedoa a nup uran pece et ethi vai nup uran pece et eche, eri eti lep esege nedo an nedoa ara.

Sekaraia 14:4

An nopan iyehki etpu aiji aien ijinies an nedoon Olivet, et eteuc an nahaijin Jerusalem an ridjai o un, eri ahwai nedoon Olivet juju nahaijin an ridjai o un im lep nahaijin an nete o un, etpu eteuc niskanse alupas; etpu apan alaig an pece inig et ahes narutu iran nahaijin nedoon, um apan alaig an pece inig et ahes nuritoga iran nahaijin.

Nitai ehvaig 19:11

Kis ecetai nohatag ainyak is asalgei, um alum hors ahi is ethi; aien is ateuc iran aien, eris anvi nidan par ika Natimi inivaijec, um upene nasgeig iran vaig; et aru nedo o atimi aien, um ati nedoa, an nedo atoh o un: