Joel 3:1 - Intas Etipup

¹ IM lep inig, irai adiat iji ehki, im lep an nopan iyehki, eku wit imiadumoij pam nup u Juta im nup u Jerusalem ainyak eris lucsei pan ra an taka pece,

Joel 3:1 Iomraidhean Croise

Saam 14:7

Ek merit alupas ainyak mika yi ahes Saion tah um imiatamaig nup Isreel; etu wit imiadumoij ilpu atimi o un a Ihova eris lucsei pan ra, erumu imiacitak a ilpu mapoi Jekob, erumu lep cediaig a nup Isreel.

Saam 85:1

AK Ihova, is upene inliinmopom aiek vai nup uran pece unyum: as lep imiadumoij pam ilpu mapoi Jekob aiek eris lucsei pan ra.

Niji tas Arapakau 1:23

Adumoij pam aijaua an nacaiji caua unyak: ekpu idim atladwi Nesgak ainyak iramia; ekpu asuptecnaig intas unyak ainyak ehelemia.

Aiseya 44:3

Ekpu atladwi inwai ainyak irai ilpu atimi ahvig wai, im niji wai yah an nobohtan mesei: ekpu atladwi Nesgak ainyak irai ilpu hal unyimia, im intas acis ji alwai ra irai ilpu mapomia:

Jeremaia 16:15

ja, Et umoh a Ihova inig is lucsei nup Isreel aien an pece inig et ahes narutu iran, im lep irai iji pece asega iji ig is ahau pan ra iran aien: ekpu lep lucsei ra ainyak um imiaridji pam ra igcaki an pece inig kis alupai ilpu retpora ainyak.

Jeremaia 29:14

Et ika a Ihova, Akupu ecet nyak aijaua: ekpu lep imiadumoij pam caua ainyak, ekpu lep asjapicnaig caua ainyak irai nup urai iji elcau asega, im lep irai iji uarin asega iji ig ek mun ahau pan caua iran ainyak; et lep ika a Ihova, Ekpu lep imiapam caua ainyak an nuarin inig kis ika ainyak eri arore caua iran um imiapan caua an taka pece.

Jeremaia 30:18

Et ika a Ihova, Akumu ato aijaua mika, ekpu imiadumoij pam niji eom atga iji ig u Jekob ainyak, eris imiapan an taka pece, ekpu lep aiheuc vai niji imnim iran o un ainyak; uhpu uctaig inmaliyum an niji edoon o un, erupu amen natimi an nimnim atimi alupas et idivaig an nopan iyehki.

Jeremaia 30:3

Et ika a Ihova, Etpu idim yetpam nopan iyehki ekpu imiadumoij pam ilpu atimi unyak ainyak nup Isreel im nup u Juta iji ig eris arore ra um imiapan ra irai taka pece: et lep ika a Ihova, ekpu imiadumoij pani ra ainyak an pece inig kis alupai ilpu retpora ainyak, erupu idim ohuun ara.

Esikiel 16:53

Ekpu lucsei ra an taka pece ainyak, um imiadumoij pam ra, nikavaig, Sotom im ilpu halav atahig o un; ekpu lucsei ra an taka pece ainyak um imiadumoij pam ra, nikavaig, Sameria im ilpu halav atahig o un; ekpu lep lucsei euc im ilpu halav atahig unyum ainyak um imiadumoij pam caua ehele ra:

Esikiel 39:25

Va nitai inigki et ika a Natimarid Ihova; An nopan inig ekpu imiadumoij ilpu ohna u ilpu mapoi Jekob ainyak, um aiheuc vai nup Isreel asega, um aktaktai alupas va nidak inig et upene.

Taniel 12:1

AN nopan iyehki etpu atidai a Maikel, natimi alupas esjilid et atidai aien va atimi an pece unyum: etpu yetpam tah nopan ohocred et ethi, is eti uce tah nopan ohocred, ahes an nopan natupun ira atimi um yetpam an nopan inig: ja an nopan iyehki eri imiatamaig nup uran pece unyum, ra sji igki asega marom uhpu aged nidara an nitaasviitai u Atua.

Joel 2:29

Im lep inig, ekpu lep atladwi Nesgak ainyak irai ilpu aheca atamaig im lep ilpu aheca atahig irai adiat iji ehki.

Emos 9:14

Ekpu lep imiadumoij pam nup Isreel unyak ainyak eris lucsei pan ra, erupu lep imiatidai niji maliyum ahyuahyu ara, um amen iran; erupu lep ahwaig ahapol vaine ara, um umnyi nide vaine; erupu lep ago ahapol irai iji itai ara, um caig ohwan.

Numera 11:29

Ja is ika ehelen a Moses, Jim auatitai vai rau vai nyak; ek merit ainyak mika eri ilpu profeta u Ihova natimi asega, um lep alupai ra Nesgan Upene a Ihova!

Numera 12:6

Is ika aien, Arumu atahaijeg intas unyak aijaurau: El et amen ehelemia tah naprofeta, ekpu ehcohos pan ehelen ainyak Ihova an nahuumtidec, um tas ehelen an numjeg ahnag o un.

Tyuteronome 30:3

etpu lep imiapam ra sji ehki eris lucsei ra an nedoa a Ihova, um aiheuc vai caua, um lep asjapicnaig caua irai iji pece asega is imiterimterim caua iran a Ihova Atua unyimia.