Joel 2:7 - Intas Etipup

⁷ Erupu athut ara et idivaig ilpu atimi emda; erupu aridjai irai athatahau ara et idivaig ilpu eucsupo; erupu ati naunakwai ira ra ara, etpu idim apapa natga ura.

Joel 2:7 Iomraidhean Croise

2 Samuel 1:23

Ak Saal im Jonadan, arus wat umumoh aijaurau, is aiyu jipe inliinmopomirau aijaurau vai caurau um tup ethi ache: arus wat emesmas aijaurau, eris eti atiakoai caurau: is esjilid nathut urau irai nae u meijcop; erus esjilid irai laion arau va nemda urau.

2 Samuel 5:8

Is ika a Tevit an nadiat iyehki, Aien et aridjai an neucsen wai aien, um auud nup u Jibus, im ilpu atimi isvehteuc neduora, im ilpu atimi apat nesganimtara, et amcel vai ra inliinmopoi Tevit, etpu atimi alupas u ilpu eucsupo aien. Va nedo ura, nikavaig, eris ika a ilpu atimi apat nesganimtara, im ilpu atimi isvehteuc neduora, Inyi eti apam an nimnim inigki aien.

1 Iji Tas Eled 12:36

Im ilpu mapoi Eser, eris forte dausant (40,000) ara, eris apan u nedoa ara um ato itai vaig.

Nitaasviitai u Job 16:14

Et auahas nyak aien irai iji obotpot ohocred; et telohteloh pam irak et idivaig natimi actalactal.

Saam 19:5

et idivaig natimi inig, et mun tup pam leh ehgan aien, et ahes anliin nilpun neom o un aien; etpu imiacitak aien et idivaig natimi emda et athut emda aien.

Niji tas Arapakau 30:27

et eti eteuc tah natimarid irai heled, ja era atga pan ara um eklim auanakoai;

Jeremaia 5:10

Akumu aridjipan aijaua irai athatahau o un, um alcapdicraig; jam jim auahas ehni: akumu iknipagki niji eom emda o un aijaua, et idim eti ohuun ra a Ihova.

Joel 2:8

Erupu eti ahtahlo jipe ra ara; erupu atga athiathi ara irai efalaig ura: el era eropjai ara irai auitoga, el era eti leh inmocop ara.

Joel 2:9

Erupu athut jipe ara an maliyum; erupu athut an nathatahau ara; erupu aridjai irai eom ara; erupu amiliak pan anliin irai mai eom ara et idivaig natimi ehnegitai.