Joel 2:21 - Intas Etipup

²¹ Ak inpece Juta, namu jim imtitaig aiek; namu imiacitak aiek um cediaig: etpu idim ago niji itai alupas a Ihova.

Joel 2:21 Iomraidhean Croise

Jenesis 15:1

IS ti pan itac nitai iji igki ja is ehcohos pan a Ihova ehele Ebram an nahuumtidec vaig o un, um ika, Ak Ebram, namu jim imtitaig aiek: ekpu imiatamaig euc ainyak, um aru alupas imi euc.

Saam 71:19

Ak Atua, et ijinies acen nedo atoh unyum va atimi, na mun ago niji itai ehka aien: ak Atua, et idivai euc a di!

Saam 98:8

Etmu imiacitak niji ofowai: etmu lep ehras cediag niji edoon,

Aiseya 35:1

ETPU imiacitak ra intupauun im inuarin umaruma; etpu lep imiacitak namasacen, um elwa et idivaig intisiancai.

Aiseya 41:10

Akumu jim imtitaig aijaua, ek idim amen ehelemia ainyak: akumu jim etehto aijaua, ek idim Atua unyimia ainyak: kis ahidaig emda caua ainyak; maiya, kis atau imi caua ainyak; maiya, kis asjiraig caua ainyak an matak inveijec.

Aiseya 44:23

Namu acesaces nohranitai aiek, ak nohatag; et mun idim ago nitai inigki a Ihova: akumu ahlaig ijinies aijaua, ak niji uarin sepagko an nobohtan: akumu atupun aijaua um acesaces nohranitai, ak niji au, im nesei, im niji cai asega iran: vaig inig nikavaig, et mun imiatamaig ilpu mapoi Jekob a Ihova, etpu leh nimiahpas aien irai nup Isreel.

Aiseya 54:4

Namu jim imtitajg aiek; napu idim eti ehcamai aiek: um jim etehto aiek; uhpu idim eti auoh ehcamai euc: napu ahnag an nehcamai u nopan natahig unyum aiek, napu eti lep aketo aiek um imiehva intas imiafakahcil iyehki van tup amen unyum.

Aiseya 55:12

Akupu atga unyimia aijaua um imiacitak, uhpu atau iramia an nigpa: erupu ahlaig ijinies niji au im niji edoon um ati an nuhup unyimia, erupu ohpopoi nikmara niji cai asega irai lelitai.

Jeremaia 33:3

Namu ahlaig vai nyak aiek, ekpu ho ainyak, um asuptecnaig ehelum niji itai alupas im niji itai esjilid iji ig, na mun eti ato aiek.

Hosia 2:21

Et ika a Ihova, An nopan iyehki ekpu atahaijeg ainyak, ekpu atahaijeg va nohatag ainyak, etpu atahaijeg nohatag va nobohtan;

Joel 2:20

ja ekpu imiaha an nuarin itac acen vai caua inpak an nedoa iyehki eris ahes an pece inig et ahes narutu iran ara; ekpu ahau ra ainyak um yetpan an pece et ti inwai iran et lep ahyuahyu: erupu yaspan an jap an ridjai o un ara, um atidjira u unjap an nete o un, etpu aridjai nauanipin has ira ra, etpu has nimtinjap vai ra, vaig inig nikavaig, eris ika ara is alupas nitai iji igki eris ago ara.

Joel 2:26

Akupu idim hag aijaua, um geije, um imiahpas nidai Ihova Atua unyimia, is ago itai imiali iramia aien: eri eti lep ehcamai a ilpu atimi unyak irai iji mesese.

Sekaraia 8:15

et idim uco, et ika a Ihova esjilid acen, Ek mun lep aktaktai ainyak an nopan inig par ago nedo upene vai nup u Jerusalem im lep vai nup u Juta: akumu jim imtitaig aijaua.

Tyuteronome 4:32

Akumu ahodaig aijaua va nedo eris ago itu acen, um atupun an nopan iyehki is ati natimi an nobohtan a Atua um imihum pam an nopan inig, um lep ahodaig an nahaijin nohatag um yetpan an nahaijin, kit is eteuc tah nitai et idivaig nitai esjilid inigki, ka eris atahaijeg vaig.

1 Samuel 12:16

Va nitai inigki akumu aiji aijaua, um almoi nitai alupas inigki, etpu ago a Ihova an nuhup u nesganimtamia.

1 Samuel 12:24

akumu imiimtacimtac Ihova ache aijaua, um aheca o un, um ago nedo inveijec an liinmopomia asega: akumu idim aktaktai niji itai alupas iji ig is ago vai caua aien.