Joel 2:2 - Intas Etipup

² Et adiat u napat im inmehcim nadiat inigki, et idim adiat u napat im inmehcim nadiat inigki: era apam natimi et ahinag acen um emda; et idivaig inlah an nuhialeg et athut tarere irai edoon: eris eti uce hal itu acen, eri eti lep eteuc hal et idivaig irai iji mesese asega.

Joel 2:2 Iomraidhean Croise

Saam 10:6

Era aktaktai an liinmopora ara, um ika, Intupu eti amaamai akaija: inyi eti yetpam iraija tah nohocred nai iji mesese.

Saam 97:2

Et arehed iran inmehcim im napat: et amen aktit dorona o un an nedo atoh im neruvaig atoh.

Eksotus 10:14

Eris apaahni niji heled an pece Ijipt asega, um arop irai iji uari pece asega Ijipt: eris ahinag acen ara; eris eti eteuc niji heled is idivaig, inyi eti lep eteuc inyi idivaig an taka opan.

Eksotus 10:6

erupu ohua ara irai iji eom unyum, im niji eom u ilpu aheca asega unyum, im niji eom u nup Ijipt asega; eris eti ecetai nitai inigki a ilpu atmil unyimia, ira ilpu retpomia, an namen ura an nobohtan um imihum pam an nopan inig. Is ahidai yin aien um ahes ehele Fero, um alau ijo.

Eksotus 20:21

Eris aiji itac acen natimi, ja is apan a Moses ubutpotet pan u napat epig iyehki is amen iran a Atua.

Aiseya 5:30

Au nadiat iyehki etpu idivaig inmotjan jap inmotjara vai ra: el et easpan inpece tah, etpu ecetai napat aien; et eteuc nohocred im inlah, et lep apat irai epig iran.

Aiseya 8:22

Erupu lep ias se an nobohtan ara; ja etpu eteuc nohocred im napat, et arupoig nesganimtara vai nerikinman ira ra; uhpu ahlo pan ra an napat.

Jeremaia 13:16

Akumu imiahpas Ihova Atua unyimia aijaua, etu wit eti fi ika aien yi apat, im lep aku wit eti fi epihtau aijaua irai iji edoon apat, im lep aku wit aitgaig inlah aijaua, kit etpu ika aien yi almun mas, um lep ika yi alupas inmehcim.

Jeremaia 13:6

Is idim uco, is wat ti pan itac nadiat is ahinag, is ika ehelek a Ihova, Namu atidai aiek, um apan u nofowai Yufretes, um imiapam nitai ahid iyehki, kis asaig ehelum ainyak mika an adenaig eahki.

Niji tas taigtai 1:12

Et takitai, ka oʼo, imi caua asega eka atga pan itac cama aijaua! almoi, um aktaktai, el et eteuc tah nohocred et idivaig nohocred unyima, eris ago vai cama, et mun auoh ohocred cama iran a Ihova an nadiat u intavaitap alupas o un.

Esikiel 32:7

Eku wit ahlapsei euc ainyak, ekpu adahpoi nohatag ainyak, um ika yi apat niji moijeuv iran; ekpu adahpoi nagesega an napat ainyak, etpu eti alahala vai inmohoc.

Esikiel 34:12

Et idim ahilek emda inpak irai siip o un a natimi asgi siip, an nadiat inig et amen ehele inpak irai siip o un aien eris terimterim; et idim uco, ekpu ahilek siip unyak ainyak, um imiatamai ra irai iji uarin asega iji ig eris imiterimterim ra an nadiat inig et aimoc um apat.

Esikiel 38:9

Napu aridjipam aiek, napu apam aiek et idivaig nehio, napu idivaig napat aiek par ataluopni inpece, aiek marom im ilpu eucsupo asega unyum, erupu ahced euc natimi inyi ahinag.

Taniel 12:1

AN nopan iyehki etpu atidai a Maikel, natimi alupas esjilid et atidai aien va atimi an pece unyum: etpu yetpam tah nopan ohocred et ethi, is eti uce tah nopan ohocred, ahes an nopan natupun ira atimi um yetpam an nopan inig: ja an nopan iyehki eri imiatamaig nup uran pece unyum, ra sji igki asega marom uhpu aged nidara an nitaasviitai u Atua.

Taniel 9:12

Et mun ehneijid niji tas o un aien, is asaig vai cama aien, im lep vai ilpu atimi tas alep unyima eris aminjinaig cama ara, mika et mun imiapam ehelema nohocred alupas aien: eris idim eti ago irai nup uran tah anuarin an nobohtan asega is idivaig eris ago irai nup u Jerusalem.

Joel 1:6

Era mun aridjipam an pece unyak a nup uran pece et ethi, era emda ara, et ehka nesvi ra vaig, et idivaig neiji laion neijira, et eteuc ehele ra nuctai laion alupas.

Joel 2:25

Ekpu aru iramia ainyak vai inmesese iji ehki, eris hegai itai iran niji pak irai heled era ahad an nobohtan ara, im niji pak irai heled era eluon itai ara, im niji pak irai heled era auahas itai ara, im niji pak irai heled era asjages ara, inpak an nedoa unyak et alupas nigki, kis abrai ra ehelemia ainyak.

Joel 2:31

Etpu apat nagesega, um idivaig inja inmohoc, ja etpu yetpam nadiat esjilid u Ihova, nadiat eri imtitaig vaig iyehki.

Joel 2:5

Erupu eliaujai irai au ara et idivaig inmotjai jariot, et idivaig inmotjan nalaume u incap et wat atnamud inceei korn, era idivaig ilpu atimi emda er esyei ra va nedoa.

Joel 3:4

Ak nup u Tairus, im nup u Saiton, im nup urai iji uarin pece asega Filistia, akupu ago inhe aijaua vai nyak? akupu imiapam neruvaig imtak aijaua ka oʼo? el eka ago neruvaig imtak aijaua, ekpu auroauro ainyak, eti itu iyehki, um imiadumoij neruvaig unyimia irai idjinimia.

Emos 4:13

Et idim ham aien is ago niji edoon aien, is lep ago nimtinjap aien, et, lep asuptecnaig naktaktai u atimi aien ehele ra, aien et ika aien yi apat an nuhialeg, um atga irai uarin ijinies an nobohtan, er anvi nidan par ika Ihova, Atua esjilid acen.

Sefanaia 1:7

Namu jim tas aiek an nuhup u Ihova Natimarid: et idim ubutpotet pam nadiat u Ihova: et mun idim ati nitai ahlap a Ihova, et mun ago upene ra sji igki aien et imiacaij ra aien.

Sekaraia 14:6

An nopan iyehki inyi ti inlah an nohatag, jam apat asega.

Madius 24:21

inyi eteuc nohocred esjilid an naopan iyehki, is eti eteuc nohocred et idivaig itu acen um imyihum pam naopan ineig, inyi ti lep eteuc nohocred inyi idivaig iyehki an tak aopan.

Markus 13:19

Ira adiat iji ehki etpu eteuc nohocred, inyi esjilid irai ohocred asega an naopan iyehki is wat ago niji itai asega a Atua um uhum pam an naopan ineig, inyi ti lep eteuc nohocred inyi idivaig.

Tyuteronome 32:7

Akumu aktaktai niji adiat itu acen aijaua, um imiehva niji mesese ira atimi itu acen: ahodai ilpu etmamia aijaua, erupu asuptecnaig ehelemia ara; um lep ahodai ilpu fatimi unyimia, erupu yeipal iramia ara.

Ilpu Hibru 12:18

Eka mun eti ahtag pam aijaua an lolan nedoon ineig er ubli, um ahli, um eti ahtag pam an nepeig, im naupat, im neihio,

Juta 1:13

im nepeau agrei an jop, er asuptecnaig nitai ehcamai vaig ura; im moijeuv et eti amen aktit, erupu amen ara an mehcim esjilid irai iji mesese.

Nitai ehvaig 9:2

Is asalgei intapanes an nehpanitai aien er eti ecetin nehni o un; is ahlahos nadaran cop an nehpanitai, is idivaig nadarai suata; is aupat nagesega, um acnapnes nauanohatag, va nadaran cop an nehpanitai.