Joel 2:16 - Intas Etipup

¹⁶ akumu asjapicnaig atimi aijaua, um ago itap atimi eri asjapicnaig ara, asjapicnaig ilpu fatimi, asjapicnaig ilpu halav, im lep ra era ided ara: etmu ahes an nuarin neom o un a natimi tup paam leh ehgan, um lep ahes an nilpun neom o un a intakata tup paam amen ehele natamnyu un.

Joel 2:16 Iomraidhean Croise

2 Niji Tas Eled 20:13

Eris aiji a nup u Juta asega an nuhup u Ihova, im ilpu hadi ura, im ilpu ehnaa ura, im ilpu hal ura.

2 Niji Tas Eled 29:5

um ika ehele ra, Akumu atahaijeg nyak aijaua, ak ilpu mapoi Livai, akumu ago upene caua aijaua, um ago upene neom u Ihova Atua u ilpu retpomia, um iknipagki niji itai has an nuarin itap.

2 Niji Tas Eled 30:17

Eris ahinag natimi an nasjapicnaig iyehki eris eti ago upene ra: va nitai inigki eris atgei nahtaregdei atimi a ilpu mapoi Livai vai ra asega eris eti ago upene ra ara, va etpu upene vai Ihova niji itai ahlap ura.

2 Niji Tas Eled 30:19

eris yecrei inliinmopora ara par ahilek Atua, Ihova Atua u ilpu retpora, jam eti ago upene ra ara, is idivaig nedo an nuarin itap.

2 Niji Tas Eled 35:6

Akumu lep atgei niji itai ahlap va nahtaregdei atimi aijaua, um ago upene caua, um yecrei ilpu etwamia, mika eri ago et idivaig intas o Ihova is aged a Moses.

Nitaasviitai u Job 1:5

Is wat ti pan itac nadiat iji ehki eris hag ara, is abrai hal a Job mika eri apan ehele ra, um ika eri apan ehelen ara; is ago upene ra aien; is atidai aien an nuhihialeg, um ahlap irai iji itai ahlap atnamud, is apapa pan ira ra asega; is idim ika a Job, Kit era mun ago nedo has a ilpu halav atamaig unyak, um anvaijai Atua an liinmopora. Is ago nedo inigki a Job irai iji opan asega.

Saam 19:5

et idivaig natimi inig, et mun tup pam leh ehgan aien, et ahes anliin nilpun neom o un aien; etpu imiacitak aien et idivaig natimi emda et athut emda aien.

Eksotus 19:10

Is ika a Ihova ehele Moses, Namu apan ehele atimi aiek, um ago itap ra inpig im imraig, erumu lep yiri apelumai ura ara,

Eksotus 19:15

Is lep ika aien ehele atimi, Akumu yecrei caua aijaua vaig vid: um jim amen ehele ehgamia.

Eksotus 19:22

Erumu lep ago adicinadicin ra a ilpu atimi ahlap era apan ubutpotet ehele Ihova ara, vai ki jim auahas ra ainyak Ihova.

Joel 1:14

Akumu ati nadiat atwakam aijaua, asaig nadiat asjapicnaig, akumu asjapicnaig ilpu fatimi aijaua, im natimi asega an pece, an nimnim u Ihova Atua unyimia, akumu ugyi emda Ihova aijaua.

Madius 21:16

um ika ehelen, Na atahaijeg aiek intas era asaig ara sji eigki, ka oʼo? Is um ika ehele ra a Iesu, Maiya; akis idim esvi intas ineig aijaua, ka oʼo, eris ika, “As ati nimyiahpas aiek an nipjineucse ilpu halav im ilpu hadi”?

Madius 9:15

Is um ika ehele ra a Iesu, Et ehka vai ilpu laig o natimi leh ehgan nohocred vaig, an namen u natimi leh ehgan ehele ra; ja etpu yetpam nadiat iji ehki, uhu wit atipagki natimi leh ehgan ehele ra, erupu atwakam ara an naopan iyehki.

1 Nupu Korindus 7:5

Akumu jim acaiji sjipe caua aijaua, ja el et tup ethi ache inliinmopomia, tup aijaua marom, ira adiat inyi eti elpat ache, mika aki tup amen aijaua va aki atwakam um alaigaheni; ja par lep ehramen, vai yi jim oop caua a Satana va nauatialidi unyimia.

Josua 7:13

Namu atidai aiek, um yecrei atimi, um ika, Akumu yecrei caua aijaua vaig imraig: et ika a Ihova Atua u nup Isreel, Et amen ehelemia niji itai itap, ak nup Isreel: inyi ehka vai caua natidai vaig an nuhup u ilpu atimi tak atimi iramia, um imihum pan an nopan iyehki akupu iknipagki niji itai itap ehelemia aijaua.

Josua 8:35

Is eti udei tah intas is ethi a Josua is asaig a Moses, ja is esvi asega aien an nuhup u nup. Isreel asega, im lep ilpu takata,, im ilpu halav, im nup urai taka pece eris ahced ra ara.

1 Samuel 16:5

Is ika aien, Nigpa marom nigki: ek ham ainyak mika ki ahlap vai Ihova: ago adicinadicin caua aijaua, um ahced nyak u nitai ahlap. Is ago adicinadicin Jese im ilpu halav atamaig o un aien, um imiacaij ra u nitai ahlap.