Joel 2:13 - Intas Etipup

¹³ akumu ahpati inliinmopomia aijaua, jam jim ahpati apelumai unyimia, um lep adumoij pam ehele Ihova Atua unyimia: et idim tup ispun aiheuc va atimi asega aien, et eti eriss ira ra aien, et eti fi auroauro aien um edemda, et esjilid nedo aiheuc o un, et adumoij an liinmopon aien va neruvaig nedo has.

Joel 2:13 Iomraidhean Croise

Jenesis 37:29

Is adumoij pan u nehpanitai a Ruben; ja is eti amen a Josef an nehpanitai; is ahpati napelumai o un aien.

Jenesis 37:34

Is ahpati napelumai o un a Jekob, um areraig napelumai uucai, um taigtaig vai inhal o un ira adiat is ahinag.

2 Samuel 1:11

Is um leh napelumai itac o un a Tevit, um ahpati; eris lep ago natimi asega eris amen ehelen:

1 Ilpu Atimarid 21:27

Is wat atahaijeg intas iji igki a Ehab, is ahpati napelumai iran aien, um aso yin an napelumai uucai, um atwakam, um asjeuc ira apelumai uucai, um ago nedo upoupo.

2 Ilpu Atimarid 22:11

Is wat atahaijeg intas a natimarid an nitaasviitai eris aged intas alep iran, is ahpati napelumai iran aien.

2 Ilpu Atimarid 22:19

va nitai inig, nikavaig,is updak inliinmopom aiek, as lep ago nedo upoupo aiek an nuhup u Ihova, as wat atahaijeg intas unyak aiek vai nuarin inig, im lep vai atimi iran, nikavaig, inyi amasacen im nuarin ahlaijaig, um ahpati napelumai iram, um taig an nuhup unyak; ek mun lep atahaijeg intas unyum ainyak, et ika a Ihova.

2 Ilpu Atimarid 5:7

Is esvi intas an nitaasviitai a natimarid u nup Isreel, ja par ahpati napelumai iran, um ika, Ek eti Atua ainyak, par atgei atmas um imiatumumoh atimi, et a uri a natimi inigki par abraig pam tah ehelek, mika ki ago cehcehe yin ainyak va naleprose iran? akaktai aijaua, um almoi, mika et ahilek nohuun ati nehtauo ehelek aien.

2 Ilpu Atimarid 6:30

Is wat atahaijeg intas o intakata a natimarid, is ahpati napelumai iran aien; is atga ijinies an nathatahau aien, ja eris almoi natimi mika, is aso nohun aien an napelumai uucai.

2 Niji Tas Eled 6:27

namu atahaijeg aiek an nohatag, um jim imiehva nedo has u ilpu aheca unyum, im lep nup Isreel, um esege imi ra nefalaig upene inig eris idim ika eri atga iran ara; um ika yi ehe an pece unyum, as alupai ilpu atimi unyum aiek mika eri ohuun ara.

Nihemaia 9:17

um eti imiaiji, eris lep eti aktaktai nedo imiali unyum ara as ago aiek ehele ra; ja eris imipalea ara, um ati natimi alupas imi ra an liinmopora ahnag mika eri adumoij ara u nauanaheca ura: ja na Atua iknipagki nedo has aiek, um aiheuc va atimi, um eti eriss ira ra, um eti fi atavaitap, um esjilid naiheuc unyum, um eti udei ra.

Nitaasviitai u Job 1:20

Is atidai a Job, um ahpati napelumai o un, um ucsei nidjinin, um eropse an nobohtan, um alaigaheni,

Saam 103:8

Et eti eriss irai ilpu atimi o un a Ihova, ja et aiheuc vai ra aien; et eti fi auroauro aien um atavaitap, ja et esjilid naiheuc o un.

Saam 106:45

is imiehva vai ra intas etipup o un aien, um ika, yi eche inliinmopon aien, et idivaig naiheuc esjilid o un.

Saam 34:18

Et amen ubutpotet ehele ra sji igki a Ihova, et ohocred inliinmopora ara va nedo has ura; etpu lep imiatamaig ra sji igki et upoupu inliinmopora ara.

Saam 51:17

Niji itai ahlap vai euc, ak Atua, sji igki, inliinmopoma ohocred va nedo has unyima: ak Atua, napu eti amcel aiek vai inliinmopoma ohocred va nedo has unyima im inliinmopoma upoupo.

Saam 86:15

Ak Natimarid, na Atua aiheuc va atimi aiek, um eti eriss ira ra, um eti auatiemda nedo unyum: et esjilid naiheuc unyum im nedo inveijec unyum.

Saam 86:5

Ak Natimarid, na idim upene aiek, um eti fi aru nedo has; et lep esjilid naiheuc unyum vai ra asega era ahlaig vai euc ara.

Aiseya 57:15

Et ika Aien et ijinies aien um esjilid, Aien aigki et amen nai iji mesese aien, Aien aigki et itap nidan aien; Ekpu amen ainyak an nuarin ijinies um itap, im lep ehele ilpu atimi iji ig et ohocred inliinmopora ara um upoupo, par ika yi eropse inliinmopoi ilpu atimi upoupo, um lep ika yi eropse inliinmopoi ilpu atimi ohocred.

Aiseya 58:5

Et idim eti uce natwakam inig ek merit vaig ainyak, et eche nopan era ago nedo upoupo iran natimi; et idim eti atwakam upene tah et wat atpuse nidjinin aien et idivaig nauwau, um ahled apelumai uucai im nohpa uri intinin; et idim eti upene irai Ihova nadiat inigki.

Aiseya 66:2

Et ika a Ihova, Kis ago nitai iji igki asega ainyak an nikmak, ja is par eteuc: ekpu lep aespan natimi inig ainyak, nikavaig, aien et ohocred um upoupo inliinmopon aien, et lep eucjeucjeucaij aien van tas unyak.

Jeremaia 36:7

Kit erupu atpuse ara an nuhup u Ihova um alaigaheni vai yin, um lep adumoij pam um udei efalaig has ura, athi um athi ehni: et idim alupas nedemda im intavaitap is asuptecnaig a Ihova vai nup igcaki.

Jeremaia 41:5

eris yetpan eahki hal atimi eris ahes irai Sikem ara, im lep Sailo, im lep Sameria, natimi is eete marom, eris mun ekpei ingeijira ara, um ahpati napelumai ura um attai ra; eris lep apos pan niji itai ahlap ara, im nitai auanipin upene, mika eri imiapan an nimnim u Ihova.

Jeremaia 42:10

El eka idim amen an pece inigki aijaua, ekpu uctaig caua ainyak, um eti alcapdicraig caua, ekpu ahwaig caua ainyak, um eti atecrei caua: vaig inig nikavaig, ek adumoij an liinmopok ainyak va nohocred inig ek mun ati vai caua ainyak.

Esikiel 9:4

is ika ehelen aien, Namu apan aiek um ahced efalaig an maliyum, Jerusalem marom, um ati nitai asjaaicnaig an nipjinimtai ilpu atimi iji ig era adijai ra ara um taigtaig va niji itai asega er amcel vaig er ago iran.

Hosia 14:1

AK nup Isreel, akumu adumoij pam aijaua ehele Ihova Atua unyimia; eka mun idim eropropse aijaua va nedo has unyimia.

Jona 3:9

Kit etpu ahidaig pam yin a Atua, um adumoij an liinmopon, um atipagki intavaitap esjilid o un, vai ti jim emesmas akaija.

Jona 4:2

Is um alaigaheni vai Ihova aien, um ika, Ak Ihova, kis wat amen an pece unyak ainyak, kis asaig intas inigki ainyak. Va imtai inigki kis ahapan Tarsis ainyak jin nopan iyehki: kis ato ainyak mika, na Atua aiheuc va atimi aiek, um eti eriss ira ra, um eti fi auroauro um edemda, et lep alupas naiheuc unyum, na adumoij an liinmopom aiek um eti aru nedo has.

Maika 7:18

Etidim ti tah Atua et idivaig euc aien, na iknipagki nedo has aiek, um eti aktaktai nedo imipalea irai ahri ilpu atimi unyum; na eti aminjinaig nedemda unyum aiek yi itu iram, vaig inig nikavaig, na imiacitak nedo aiheuc aiek.

Nehum 1:3

Et eti fi auroauro a Ihova um edemda, ja et alupas nemda o un, inyi idim eti atcijaig ilpu atimi ago nedo has aien: et atga a Ihova an narakiraki im lep an nehio, et idivaig nobohtan adpoig u eduon niji apat an nohatag.

Numera 14:18

Et ago nedo eti auatiemda a Ihova, et esjilid naiheuc o un va atimi, et eti imiehva nauatatimi im nedo imipalea ura aien irai iji mesese, ja etpu idim aru nedo has ura aien, um atijai nedo has u ilpu atmil ura irai ilpu hal ura um yetpan irai ilpu mapora ache.

Nupu Roma 2:4

Ka na esjum aiek va nedo aiheuc alupas o un, im nedo erop o un, im nedo eti auatiemda o un, um eti ato, nikavaig, et ahugni euc nedo aiheuc o Atua, mika an adumoij aiek anliinmopom?

Nupu Efesus 2:4

Ja et esjilid naiheuc o Atua, is idim aiyu alupas inliinmopon aien vai caija,

1 Timodeus 4:8

Et upene tintin ache nesege u nohuja: ja et upene nedo eccen vai Atua an niji itai asega, eris upyi asaig uhpu leh nitai umoh iran an naopan ineig, im lep an tak aopan.