Joel 2:12 - Intas Etipup

¹² Va nitai inigki, et ika a Ihova, akumu adumoij pam ehelek aijaua an liinmopomia asega; akumu lep atwakam aijaua, um taigtaig, um ehtigtaig:

Joel 2:12 Iomraidhean Croise

2 Samuel 24:10

Is esvi atimi a Tevit, ja is acaiji yin inliinmopon. Is um ika a Tevit ehele Ihova, Ek mun ago nedo has esjilid ainyak an nedo inig ek mun ago ainyak: ja ek ugyi euc ainyak, ak Ihova, mika an jim aru nedo has u naheca unyum inigki; ek mun idim ago nedo maumau alupas ainyak.

2 Niji Tas Eled 30:6

Eris imiapan nitaasviitai u natimarid im ilpu atimi alupas o un a ilpu aheca o un an pece Isreel asega, im lep an pece Juta, is idivaig intas alep u natimarid, um ika, Ak nup Isreel, akumu adumoij pam aijaua ehele Ihova Atua u Ebraham, im Aisak, im Isreel, etpu lep adumoij pam aien ehele ilpu ahre caua, akis aha aijaua vai ilpu atimarid an pece Asiria, um umumoh.

2 Niji Tas Eled 6:27

namu atahaijeg aiek an nohatag, um jim imiehva nedo has u ilpu aheca unyum, im lep nup Isreel, um esege imi ra nefalaig upene inig eris idim ika eri atga iran ara; um ika yi ehe an pece unyum, as alupai ilpu atimi unyum aiek mika eri ohuun ara.

Ester 4:16

Namu apan aiek um ehras asjapicnaig nup u Juta asega era amen Susan ara, um atwakam vai nyak, um jim hag um jim umwig ira adiat inyi eseij, an nadiat im lep an nepig: ekpu lep atwakam ainyak im ilpu atahig unyak; ja ekpu apan ainyak anliin neom ehele natimarid, et idim itap: el ek mas ainyak, ekpu mas ainyak.

Eksotus 33:5

Is idim ika a Ihova ehele Moses, Namu tas ehele nup Isreel aiek, um ika, Eka atimi ipjin inliinmopomia aijaua: ekpu auroauro ainyak um apan an niblamia, um auahas caua: va nitai inigki akumu iknipagki niji itai yecrei caua aijaua, mika ki ato ainyak nitai inigki ekpu ago iramia ainyak.

Aiseya 22:12

An nopan iyehki is ahlaig a Natimarid Ihova esjilid acen mika aki ehtigtaig aijaua, um aunyauwaig, um ucsei idjinimia, um aso caua ira apelumai uucai:

Aiseya 58:4

Akumu ato aijaua mika, eka atwakam aijaua mika aki ehtauo um imiisjisitai, um atcei atimi irai ikmamia auatatimi: akumu jim atwakam aijaua an nadiat inigki, mika eri atahaijeg nohramia ijinies an nohatag.

Jeremaia 3:22

Akumu adumoij pam ehelek aijaua, ak ilpu atimi imipalea, ekpu ika ainyak aki eti lep imipalea aijaua. Namu alum cama aiek, ecra mun ham ehelum aijama; na idim Ihova Atua unyima aiek.

Jeremaia 36:7

Kit erupu atpuse ara an nuhup u Ihova um alaigaheni vai yin, um lep adumoij pam um udei efalaig has ura, athi um athi ehni: et idim alupas nedemda im intavaitap is asuptecnaig a Ihova vai nup igcaki.

Jeremaia 4:1

ET ika a Ihova, El eka merit aijaua par adumoij pam, ak nup Isreel, akumu adumoij pam ehelek aijaua: im lep inig, el eka iknipagki niji itai er amcel vaig unyimia aijaua an nuhup unyak, akupu eti apan aijaua an taka uarin.

Jeremaia 4:2

Akumu lep asig yi aktit intas aijaua, um ika, Et umoh a Ihova, an tas inveijec, im lep an nedo atoh, im lep an nedo upene; erupu lep asan tas acis yi alwai ra iran a nup urai iji pece, erupu lep imiahpas ra iran ara.

Esikiel 33:11

Namu ika ehele ra aiek, Et ika a Natimarid Ihova; Ek umoh ainyak, et idim uco, et eti upene irak mika eri emesmes a ilpu atimi auatatimi; ja mika eri adumoij an nedo ura a ilpu atimi auatatimi iji ehki, um umumoh: akumu adumoij aijaua, akumu adumoij aijaua va nedo has unyimia; eka a uri aijaua um merit mika aki emesmas aijaua, ak nup Isreel?

Taniel 9:3

Kis yaspan ainyak ehele Natimarid Atua unyak, par ahilek itai um ugyi an nalaigaheni unyak, kis lep atwakam ainyak, um ahid apelumai uucai, um aspi nyak an nohpa.

Hosia 12:6

Va nitai inigki akumu adumoij pam aijaua ehele Atua unyimia: aminjinaig nedo aiheuc im nedo atoh, um jim atumop par aitgai Atua unyimia.

Hosia 12:7

Era idivaig nup u Kenan ara, et amen irai ikmara niji itai asjaaicnaig ahcil: era merit va nedo efaifa ara.

Hosia 14:1

AK nup Isreel, akumu adumoij pam aijaua ehele Ihova Atua unyimia; eka mun idim eropropse aijaua va nedo has unyimia.

Hosia 6:1

AKUMU apam aijaua, ti adumoij pan akaija ehele Ihova: et mun idim ces yi oplecoplec caija aieu, etpu lep ago cehcehe caija aien; et mun auud caija aien, etpu lep arore mocop iraija aien.

Joel 1:13

Ak ilpu atimi ahlap, akumu ahid apelumai uucai aijaua, um taigtaig: ak ilpu aheca amen u natau, akumu aunyauwaig aijaua: ak ilpu aheca u Atua unyak, akumu apam aijaua, um asjeuc ira apelumai uucai an nepig asega: et eti lep eteuc an neom u Atua unyimia nitai ahlap eh caig im lep nitai ahlap er unmyi.

Sekaraia 7:3

um lep tas ehele ilpu atimi ahlap anliin neom u Ihova esjilid acen, im lep ehele ilpu profeta, um ika, Ecrupu ehtigtaig aijama an mohoc fiftd, um echim amen, et idivaig ecris ago aijama irai mesese iji igki is ahinag, ka oʼo?

Sekaraia 7:5

Namu tas aiek ehele atimi asega an pece, im ilpu atimi ahlap, um ika, Akis wat atwakam aijaua um ehtigtaig, au mohoc fiftd im lep an mohoc sevend, irai mesese iji ehki is sevente, akis eti atwakam vai nyak aijaua;

Malakai 1:9

Im lep inig, et ehka vai caua par ugyi itai an nuhup u Atua, mika yi aiheuc vai caija aien: et ika a Ihova esjilid acen, Et mun ahes ehelemia nedo inigki; etpu eti upene inliinmopon aien vai caua.

Niji auritai o ilpu Apostolo 26:20

jam upyi hup um asuptecnaig ehele ra Tamaskus, im lep Jerusalem, im lep irai iji uari pece Jutaia, im lep ehele nup urai taka pece, mika eri adumoij anliinmopura ara, um ahidaig pan ra ehele Atua, um ago nauritai iji eigki et upene va nadumoijvaig ura ara.

Ilpu Atimi Tas Alep 2:4

Is wat asan tas iji igki ehele nup Isreel asega a nagelo o Ihova iyehki, eris ehtigtaig alupas natimi.

Ilpu Atimi Tas Alep 20:26

Eris aridjipan a nup Isreel asega, natimi asega marom, um yetpan an neom u Atua, um ehtigtaig, um ateuc eahki an nuhup u Ihova, um atwakam an nadiat iyehki um yetpan an jupura, um ahlap irai iji itai ahlap atnamud im niji itai ahlap va nigpa an nuhup u Ihova.

1 Samuel 7:3

Is tas a Samuel ehele nup Isreel asega, um ika, El eka adumoij pan ehele Ihova aijaua an liinmopomia asega, akumu iknipagki ilpu atmas irai taka pece ehelemia aijaua, im lep niji atmasimai, um ago upene inliinmopomia vai Ihova, um aheca o un ache: etpu imiatamaig caua aien vai nikmai nup u Filistia.

1 Samuel 7:6

Eris ehrasjapicnaig ara an maliyum Mispi um etoh wai, um atladwi an nuhup u Ihova, um atwakam an nadiat iyehki, um ika eahki, Inta mun ago nedo has vai Ihova akaija. Is tas alep ehele nup Isreel a Samuel an maliyum Mispi.