Joel 2:1 - Intas Etipup

¹ AKUMU ahlai intoho aijaua an nedoon Saion, etmu acreh an nedoon itap unyak; erumu eucjeucjeucaij a nup urai pece asega: et idim apam nadiat u Ihova, et idim ubutpotet.

Joel 2:1 Iomraidhean Croise

1 Iji Tas Eled 15:28

Eris imiapam nelcau is amen iran intas alep u Ihova a nup Isreel asega, um ahlaig ijinies, um ahlai ipat, im intoho, um atcei simbal is ijinies nohran, im saltere, im harp.

Saam 119:120

Et eucjeucjeucaij nohuk ainyak va nimtitai euc unyak; ek lep etehto ainyak va nedo aru ira atimi unyum.

Saam 87:1

ET eteuc intinai neom ahlap o un irai lola edoon itap.

Eksotus 10:14

Eris apaahni niji heled an pece Ijipt asega, um arop irai iji uari pece asega Ijipt: eris ahinag acen ara; eris eti eteuc niji heled is idivaig, inyi eti lep eteuc inyi idivaig an taka opan.

Aiseya 13:6

Akumu aunyauwaig aijaua; et idim ubupotet u nadiat u Ihova; etpu ham um idivaig nauahas itai vaig et ahes irai Atua emda acen.

Aiseya 13:9

Almoi, et ham nadiat u Ihova, er imtitaig vaig va nedemda im intavaitap ehri o un, mika etpu ahwai lelcai inpece: etpu lep auahas ehni ilpu atimi auatatimi iran aien.

Aiseya 2:12

Et mun idim ati nadiat et ethi a Ihova esjilid acen va atimi asega; iji ig et ijinies inliinmopora, im lep va atimi asega iji ig eris imiaridjai ra; uhpu lep imiasuol ra:

Aiseya 66:2

Et ika a Ihova, Kis ago nitai iji igki asega ainyak an nikmak, ja is par eteuc: ekpu lep aespan natimi inig ainyak, nikavaig, aien et ohocred um upoupo inliinmopon aien, et lep eucjeucjeucaij aien van tas unyak.

Aiseya 66:5

Akumu atahaijeg intas o Ihova aijaua eka eucjeucjeucaij van tas o un aijaua; Era ika a ilpu etwamia iji ig era edemda vai caua ara, um ahlo pan itac caua va nidak, Uhpu imiahpas Ihova, ecrupu lep almoi nimiacitak unyimia aijama; ja erupu lep ehcamai ara.

Jeremaia 16:10

Etpu idim uco, nau wit asaig intas iji igki asega aiek ehele nup igcaki, erupu lep ika ehelum ara, Et mun asuptecnaig nohocred alupas asega inigki vai cama a Ihova van he? ka nedo acalacal unyima inhe? ka nedo has inig inhe ecra mun ago aijama vai Ihova Atua uja?

Jeremaia 16:7

erupu eti alaa ra nitai caig natimi au nehtigtaig ura vai ra, um ago eropse inliinmopora vai ilpu atimi emesmas ira ra: erupu eti lumara nitai umnyi natimi mika eri umwig vai ilpu etmara im ilpu risra, mika yi eropse inliinmopora ara.

Jeremaia 4:5

Akumu asan tas aijaua an pece Juta, um asuptecnaig an maliyum Jerusalem; um ika, Akumu ahlai intoho an pece aijaua: ahlaig ijinies irai iji uarin asega, um ika, Akumu asjapicnaig aijaua, intumu apan akaija irai maliyum iji ig et arehed iran nathatahau.

Jeremaia 5:22

et ika a Ihova, Eka imtitaig nyak aijaua,ka oʼo? akupu eucjeucjeucaij aijaua an nuhup unyak, ka oʼo? ainyak aigki, kis ati nauanavig ainyak mika yi atapnes injap an tas alep unyak irai iji mesese, et ehka par ahtaregdei: et agrei niji epeau, ja era auatialidi; et auoc injap, ja et ehka par ahtaregdei.

Esikiel 12:23

Va nitai inigki namu ika ehele ra aiek, Et ika a Natimarid Ihova; Ekpu ika ainyak inyi idim tiih intas ecsipece naico, erupu eti lep asaig intas ecsipece naico ara an pece Isreel; ja namu ika ehele ra aiek, Et ubutpotet niji adiat, uhpu ehneijid niji ahuumtidec asega.

Esikiel 21:12

Namu ahlaig aiek, um aunyauwaig, ak inhal u natimi: etpu yetpam nauitoga ehele ilpu atimi unyak, etpu yetpam ehele ilpu atimi alupas asega an pece Isreel: eh mun atcijai ra mika eri emesmas pan irai ilpu atimi unyak: va nitai inigki namu ahpun neduom aiek va nohocred unyum.

Esikiel 30:3

Vaig inig nikavaig, et ubutpotet nadiat iyehki, et ubutpotet nadiat u Ihova marom, etpu apat nadiat iyehki; etpu opan u ilpu atimi apat.

Esikiel 33:3

el et ecetai nedoa aien napam vaig an pece ura, um ahlin toho, um ahugni nup uran pece o un;

Esikiel 33:6

Ja el et ecetai nedoa napam vaig a natimi inig et ias va nedoa aien, jam eti ahlin toho, um eti ahugni atimi; el et apam nedoa, um atgei tah natimi ira ra, eh mun atgei natimi iyehki an nedo has o un; ja ekpu atijai inmas o un ainyak irai natimi iyehki et ias va nedoa aien.

Esikiel 7:10

Akumu almoi nadiat aijaua, et idim yetpam: et ehcohos pam nuhialeg: era mun emda a ilpu atimi aru ira atimi, et mun esjilid nijinies u inliinmopora.

Esikiel 7:12

Et mun yetpam nopan iyehki, et ubutpotet nadiat iyehki: etmu jim imiacitak a natimi auarimtai itai, etmu lep jim taigtaig a natimi ahtai itai: et idim yetpam nedemda ira aga asega ura.

Taniel 6:26

Ek asaig intas alep ainyak, mika eri eucjeucjeucaij, um imtitaig,annuhup u Atua u Taniel a nup urai iji uari pece an nelcau unyak: et idim Atua umoh aien, um amen aktit irai iji mesese; eri eti auahas nelcau o un, etpu lep atimarid aien irai iji mesese.

Taniel 9:16

Ak Natimarid, ek ugyi euc ainyak va nedo atoh asega unyum, namu adenaig nedemda unyum aiek im intavaitap unyum van maliyum unyum Jerusalem, nedoon itap unyum: era imiafakahcil Jerusalem im lep ilpu atimi unyum ara asega era arehed irama ara, va nedo has unyima, im nedo imipalea u ilpu retpoma.

Taniel 9:20

Kis wat tas ainyak, um alaigaheni, um asuptecnaig nedo has unyak im lep nedo has u nup uran pece unyak nup Isreel, um asaig intas ugyi itai an nalaigaheni unyak an nuhup u Ihova Atua unyak vai nedoon itap u Atua unyak;

Hosia 5:8

Akumu ahlai nipat u kurimatau aijaua an maliyum Cibea, im lep intoho an maliyum Rema: akumu aunyauwaig aijaua an maliyum Bedeven, ak nup u Benjamin, et apitac iramia aien.

Hosia 8:1

AKUMU ahlai intoho aijaua: etpu apam aien et idivaig inmeijcop alupas, um aat ira atimi u Ihova; era mun idim imipalea intas etipup unyak ara, um atladwi intas alep unyak.

Joel 1:15

Kaiheuc vai caija vai nadiat iyehki! et idim ubutpotet nadiat u Ihova, etpu yetpam et idivaig tah nitai auahas atimi et ahes ehele Atua emda acen.

Joel 2:11

Etpu asaig intas o un a Ihova ehele inpak an nedoa o un: et idim alupas acen nuarin amen iran u ilpu eucsupo o un: et idim emda aien et ehneijid intas o un: et idim alupas nadiat u Ihova, er lep imtitaig alupas vaig; et emda a di nanaijiraig vaig?

Joel 2:15

Akumu ahlai intoho an nedoon Saion aijaua, um ati nadiat atwakam, um asa nadiat asjapicnaig iran:

Joel 2:31

Etpu apat nagesega, um idivaig inja inmohoc, ja etpu yetpam nadiat esjilid u Ihova, nadiat eri imtitaig vaig iyehki.

Joel 3:14

Erupu ahinag acen natimi, erupu idim ahinag acen natimi an niskanse inig er aru ira atimi iran: et mun ubutpotet pam nadiat u Ihova an niskanse inig er ara ira atimi iran.

Joel 3:17

Akupu lep ato aijaua mika, ek Atua unyimia ainyak Ihova, ek amen ainyak Saion, nedoon itap unyak: ja etpu itap Jerusalem; erupu eti lep aat iran a nup urai taka pece irai iji mesese.

Emos 3:6

El eh ahlai intoho an tah maliyum, erupu idim imtitaig natimi; el et eteuc nohocred an tah maliyum, et mun idim ati a Ihova.

Emos 5:18

Kaiheuc vai caua eka merit aijaua vai nadiat u Ihova! etpu idivan he ehelemia nadiat u Ihova? etpu apat nadiat, iyehki, etpu eti lah.

Emos 8:2

Is um ika aien, Ak Emos, nai ecetai inhe aiek? Kis ika ainyak, Incat ohwai itai meto. Is lep ika ehelek a Ihova, Et mun yetpam nehni vaig u ilpu atimi unyak nup Isreel; inki eti lep itai vai ra ainyak.

Obataia 1:15

Et idim ubutpotet nadiat u Ihova vai nup urai iji pece asega eri ago iramia et idivaig nedo unyimia akis ago aijaua: etpu adumoij pam iramia nedo inig akis ago aijaua.

Sefanaia 1:14

Et ubutpotet pam nadiat alupas u Ihova, et idim ubutpotet, um auroauro alupas par yetpam, inmotjan nadiat u Ihova marom: erupu ehtigtaig alupas nan a ilpu atimi emda.

Sefanaia 1:16

etpu adiat va nahlai intoho im naunyauwaig an nedoa, eri aat irai maliyum et amen nathatahau iran, im lep irai iyum ijinies um emda.

Sefanaia 1:7

Namu jim tas aiek an nuhup u Ihova Natimarid: et idim ubutpotet pam nadiat u Ihova: et mun idim ati nitai ahlap a Ihova, et mun ago upene ra sji igki aien et imiacaij ra aien.

Sefanaia 3:11

An nopan iyehki akupu eti ehcamai aijaua va niji edo asega unyimia, eka mun imipalea nyak vaig aijaua: an nopan iyehki ekpu idim iknipagki ra sji igki iramia ainyak era imiacitak nedo ijinies ura ara, akupu eti lep ago nedo ijinies aijaua an nedoon itap unyak.

Sekaraia 14:1

ETPU idim yetpam nopan u Ihova, eri ahaig naga unyimia an niblan maliyum unyimia.

Sekaraia 8:3

Et ika a Ihova; Ek mun adumoij pam ehele nup u Saion ainyak, ekpu amen ehele nup u Jerusalem ainyak; eri anvi Jerusalem par ika, Inmaliyum u ilpu atimi inveijec; eri lep anvi nedoon u Ihova esjilid acen par ika, Nedoon u ilpu atimi upene.

Malakai 4:1

ET ika a Ihova esjilid acen; Etpu idim yetpam nopan iyehki, etpu ere et idivaig nehpan uum; erupu idivaig inceen korn a ilpu atimi asega et ijinies inliinmopora, im lep ra asega era ago nedo has ara: uhpu atnamud ra an nopan iyehki etpu yetpam, inyi eti eled vai ra tah neucvara ka tah inrara.

Numera 10:2

Uhmu ago intoho inyi ero irai silver; uhmu ago an nuarin yi ethi ache: va apu ahlaig va atimi iran aiek, um imiatga atimi iran.

Numera 10:3

Uhu wit ahlai, erumu asjapicnaig pam ehelum natimi asega an neucse neom er asjapicnaig o un.

1 Nupu Korindus 14:8

El et eti acreh nohran toho, etpu yecrei yin a di va nedoa?

Nupu Filipai 2:12

Va nitai ineig, ak ilpu etoak, akis idim imyiaiji intas o Atua aijaua irai iji adiat, eti an namen unyak ehelemia ache, jam esjilid an naopan ineig an namen unyak irai taka uarin, etmu idim ucco, akumu ahilek nitai imyiatamaig caua aijaua, anliinmopomia imtitaig um ehioehio;

1 Nupu Desalonaika 5:2

Eka idim ato upene aijaua mika, etpu yetpam nadiat u Natimarid et idiva natimi ehneg itai an nepeig.

Jakobus 5:8

Akumu lep ago nedo eti auatitiemda aijaua; etmu emda inliinmopomia aijaua: et idim ubutpotet napam u Natimarid.

1 Pitrus 4:7

JA et ubutpotet nehni u itai asega: va nitai ineigki akumu aktaktai upene aijaua, um aminjina nedo unyimia, um alaigaheni.

Nitai ehvaig 6:17

et mun yetpam nadiat alupas u intavaitap o un; inyi emda a di naijivaig an nuhup o un?