Joel 1:2 - Intas Etipup

² Ak ilpu fatimi, akumu atahaijeg nitai inigki aijaua: ak nup urai pece asega, akumu atgeig pam intikgamia aijaua: is idim eti eteuc tah nitai et idivaig nitai inigki an nopan unyimia, im lep irai opan amen u ilpu atmil unyimia.

Joel 1:2 Iomraidhean Croise

Nitaasviitai u Job 12:12

Et amen narapakau ehele ilpu efatimi; era lep ato itai ara et ahinag nadiat ira ra.

Nitaasviitai u Job 15:10

Era amen ehelumtaij a ilpu atimi ahleuco, im lep ilpu efatimi; eris uhup irai etmam ara.

Nitaasviitai u Job 21:7

Era umumoh a ilpu atimi auatatimi vaig inhe? era efatimi ara, um ikni itai.

Nitaasviitai u Job 8:8

Ja namu ahilek emda itai aiek ehele ilpu tu, um ahilek nato itai ehele ilpu retpora;

Saam 49:1

AKUMU atahaijeg intas inigki aijaua, ak nup urai iji pece asega: akumu atgeig pam intikgamia aijaua, ak nup uran nobohtan asega;

Aiseya 34:1

AK nup urai iji elcau, akumu ubutpotet aijaua par ahgei itai; ak nup urai iji pece, akumu atahaijeg aijaua: etmu ahgei itai nobohtan, im niji itai asega amen iran; etmu ahgei itai nobohtan asega, im niji itai asega ahes iran.

Aiseya 7:17

Etpu imiapam nadiat iji ig ehelum a Ihova, im lep ehele ilpu atimi unyum, im lep ehele ilpu atimi ehpan iram, is eti yetpam an nopan iyehki eris atcijaig nup u Juta a nup Ifreem um imihum pam an nopan inig; nikavaig, va napam u natimarid an pece Asiria.

Jeremaia 30:7

Awe! et esjilid nopan iyehki, et eti eteuc tah et idivaig: nopan ohocred u ilpu mapoi Jekob iyehki; ja uhpu imiatamai ra vaig.

Jeremaia 5:21

Akumu atahaijeg intas inigki aijaua, ak ilpu atimi auatatimi, et ti lelmia aijaua; et eteuc nesganimtamia, ja eka eti alum itai aijaua; et eteuc intikgamia, ja eka eti atahaijeg itai aijaua:

Taniel 12:1

AN nopan iyehki etpu atidai a Maikel, natimi alupas esjilid et atidai aien va atimi an pece unyum: etpu yetpam tah nopan ohocred et ethi, is eti uce tah nopan ohocred, ahes an nopan natupun ira atimi um yetpam an nopan inig: ja an nopan iyehki eri imiatamaig nup uran pece unyum, ra sji igki asega marom uhpu aged nidara an nitaasviitai u Atua.

Hosia 4:1

AK nup Isreel, akumu atahaijeg intas o Ihova aijaua: et idim edemda a Ihova vai nup uran pece inigki, vaig inig nikavaig, et eti eteuc nedo inveijec an pece inigki, ka nedo aiheuc, ka nato itai vai Atua.

Hosia 5:1

AK ilpu atimi ahlap, akumu atahaijeg nitai inigki aijaua; ak nup Isreel, akumu atahaijeg aijaua; ak ilpu atimi amen au nimnim u natimarid, akumu atgeig pam intikgamia aijaua; uhpu idim aru iramia, akis itai apro itai an nedoon Mispa aijaua, im nopoig inig er elgelgei an nedoon Tebor.

Joel 1:14

Akumu ati nadiat atwakam aijaua, asaig nadiat asjapicnaig, akumu asjapicnaig ilpu fatimi aijaua, im natimi asega an pece, an nimnim u Ihova Atua unyimia, akumu ugyi emda Ihova aijaua.

Joel 2:2

Et adiat u napat im inmehcim nadiat inigki, et idim adiat u napat im inmehcim nadiat inigki: era apam natimi et ahinag acen um emda; et idivaig inlah an nuhialeg et athut tarere irai edoon: eris eti uce hal itu acen, eri eti lep eteuc hal et idivaig irai iji mesese asega.

Emos 3:1

AK nup Isreel, akumu atahaijeg intas inigki aijaua et asaig a Ihova vai caua, maiya, vai nup uran nelcau asega kis imiaridji pam ra ainyak ahes an pece Ijipt, um ika,

Emos 4:1

AKUMU atahaijeg intas inigki aijaua, ak ilpu atimi alupas, eka idivaig niji kurimatau atahig an pece Besan aijaua, eka amen an nedoon Sameria aijaua, eka ehcerucai ilpu ihki atimi aijaua, um auahas ra sji igki et ti nitai ura, eka ika aijaua ehele natimarid unyimia, Leh pam waina aiek, mika ti umnyi akaija.

Emos 5:1

AK nup Isreel, akumu atahaijeg intas inigki aijaua ekpu asuptecnaig vai caua ainyak, intaigtaig vai caua marom.

Maika 1:2

Akumu atahaijeg aijaua, ak nup urai iji pece asega; namu atgeig pam intikgam aiek, ak nobohtan, im niji itai asega amen iran: etmu asuptecnaig nedo unyimia a Ihova Natimarid, Natimarid marom an neom itap o un.

Maika 3:1

KIS ika ainyak, Akumu atahaijeg aijaua, ak ilpu atimi alupas u ilpu mapoi Jekob, im lep caua ilpu atimi tas alep vai nup Isreel; Eris idim ika aki ato nedo atoh aijaua.

Maika 3:9

Akumu atahaijeg intas inigki aijaua, ak ilpu atimi alupas u ilpu mapoi Jekob, im lep caua ilpu atimi tas alep vai nup Isreel, eka amcel van tas atoh aijaua, um imiacal nedo atoh asega.

Madius 13:9

Aien et eteuc intikgan aien par ahgei itai, etmu atahaijeg aien.

Madius 24:21

inyi eteuc nohocred esjilid an naopan iyehki, is eti eteuc nohocred et idivaig itu acen um imyihum pam naopan ineig, inyi ti lep eteuc nohocred inyi idivaig iyehki an tak aopan.

Nitai ehvaig 2:7

Aien et eteuc intikgan aien, etmu atahaijeg aien intas iji eigki et asaig a Nesgan Upene ehele ekalasia: Aien et esjilid aien, ekpu alaan ainyak, mika yi caig aien nohoan cai ineig er umumoh vaig, juju a paratais u Atua.