Joel 1:15 - Intas Etipup

¹⁵ Kaiheuc vai caija vai nadiat iyehki! et idim ubutpotet nadiat u Ihova, etpu yetpam et idivaig tah nitai auahas atimi et ahes ehele Atua emda acen.

Joel 1:15 Iomraidhean Croise

Saam 37:13

Etpu imilaav ra a Natimarid; vaig inig nikavaig, et ato aien mika, etpu yetpam nadiat ura.

Jeremaia 30:7

Awe! et esjilid nopan iyehki, et eti eteuc tah et idivaig: nopan ohocred u ilpu mapoi Jekob iyehki; ja uhpu imiatamai ra vaig.

Jeremaia 46:10

Nadiat u Natimarid nigki, nadiat u neruvaig nigki, et ahes ehele Ihova esjilid acen, mika yi leh neruvaig aien ehele ilpu atimi tak atimi iran: uhpu auahas ra an nedoa, uhpu atladwi alupas inja ira ra: vaig inig nikavaig, et eteuc nitai ahlap vai Ihova Natimarid esjilid acen an pece inig et ahes narutu iran u nofowai Yufretes.

Esikiel 30:3

Vaig inig nikavaig, et ubutpotet nadiat iyehki, et ubutpotet nadiat u Ihova marom, etpu apat nadiat iyehki; etpu opan u ilpu atimi apat.

Joel 2:11

Etpu asaig intas o un a Ihova ehele inpak an nedoa o un: et idim alupas acen nuarin amen iran u ilpu eucsupo o un: et idim emda aien et ehneijid intas o un: et idim alupas nadiat u Ihova, er lep imtitaig alupas vaig; et emda a di nanaijiraig vaig?

Joel 2:31

Etpu apat nagesega, um idivaig inja inmohoc, ja etpu yetpam nadiat esjilid u Ihova, nadiat eri imtitaig vaig iyehki.

Joel 3:14

Erupu ahinag acen natimi, erupu idim ahinag acen natimi an niskanse inig er aru ira atimi iran: et mun ubutpotet pam nadiat u Ihova an niskanse inig er ara ira atimi iran.

Obataia 1:15

Et idim ubutpotet nadiat u Ihova vai nup urai iji pece asega eri ago iramia et idivaig nedo unyimia akis ago aijaua: etpu adumoij pam iramia nedo inig akis ago aijaua.

Sefanaia 1:7

Namu jim tas aiek an nuhup u Ihova Natimarid: et idim ubutpotet pam nadiat u Ihova: et mun idim ati nitai ahlap a Ihova, et mun ago upene ra sji igki aien et imiacaij ra aien.

Jakobus 5:9

Akumu jim ulikulik jipe vai caua aijaua, ak ilpu etoak, va uhpu eti asaig nimtan imi caua: et idim aiji an neucse neom a Natimi asaig nimtan.

Nitai ehvaig 6:17

et mun yetpam nadiat alupas u intavaitap o un; inyi emda a di naijivaig an nuhup o un?