Joel 1:12 - Intas Etipup

¹² Ak ilpu atimi aminjinaig vaine, akumu aunyauwaig aijaua, et mun mese niji vaine, et mun imlai niji ateg; et mun idim mese niji ipjid, im niji eaig, im niji pain apel, im lep niji cai asega anliin teucjip: et mun tiih nimiacitak u atimi asega.

Joel 1:12 Iomraidhean Croise

Saam 4:7

As ati nimiacitak an liinmopok aiek, is esjilid iran ura, is wat alupas korn im nide vaine ura.

Saam 92:12

Erupu umumoh upene a ilpu atimi upene et idivaig neaig: erupu ededel ara et idivaig neijiv Lebanon.

Nohranitai U Solomon 2:3

Et esjilid nipjid aiyu irai iji cai an nesei; et idim uco, et esjilid a natumnyu unyak irai ilpu atamaig. Kis ateucse ithan naiyu iran ainyak, um imiacitak alupas; is adale nohwan an nipjineucsek.

Nohranitai U Solomon 4:13

Et okoro pumcranet niji ahtai cai unyum, et adale nohwan; im saipres, im spaiknart,

Aiseya 16:10

Er atipagki nimiacitak im incediaig vaig umamia et upene;: eri eti acesaces nohranitai irai okoro vaine, um eti aunyauwaig: erupu eti auwihise nohwai vaine irai itai ahtaijiraig ura a ilpu atimi ahtaijiraig; ek mun acaiji nedo imiacitak ura ainyak.

Aiseya 24:11

Er ugyi waina irai efalaig; et apat nimiacitak asega, et idim tiih incediaig an pece.

Aiseya 24:7

Et taigtaig nide vaine mat, et imlai vaine, era ededaijai ra ara asega et imiacitak inliinmopora.

Aiseya 9:3

As mun ika aiek eri ahinag nup urai pece, as mun ika aiek yi alupas nimiacitak ura: era imiacitak ara au nuhup unyum et idivaig nimiacitak an nopan asjapicnai ohwai itai, im nimiacitak u atimi era ahaig naga ara eris atoraliak an nedoa.

Jeremaia 48:3

Uhpu ahgei naunyauwaig u nup u Horoneem, uhpu atoraliak itai ura, uhpu auahas alupas ra.

Jeremaia 48:33

Uhpu atipagki nimiacitak im incediaig irai iji uari pece upene, an pece Moab marom; ek mun ika ainyak inyi eti eteuc nide vaine irai itai ahtaijiraig nohwai vaine iran: erupu eti auwihise nohwai vaine natimi um aunyauwaig; etpu takitai naunyauwaig ura.

Joel 1:10

Et mun has inpece, et taigtaig nobohtan; et idim tiih hwiit: et ame nide vaine, et mun tiih narakei oliv.

Joel 1:16

Et mun idim atiih nitai hegaig an nuhup uja, et mun tiih incediaig im nimiacitak an nimnim u Atua uja.

Jona 4:7

Is wat lahlah an tak apnyin, is ati nages a Atua, is ages nerero ja is par imlai.

Haceai 2:19

Et idim eti amen nupsi itai an neom ikni upsi itai iran; et eti fi oho vaine, im nateg, im pumcranet, im oliv: ekpu atupun ainyak an nadiat inigki um asan tas acis yi alwai caua.

Malakai 3:11

Et ika a Ihova esjilid acen; Ekpu acaiji nitai iji ig ainyak et hegai itai vai caua, uhpu eti auahas nohwai itai umamia; etpu aho upene vaine irai ahapol unyimia.

Numera 13:23

Eris apan ara an niskanse Eskol, um acaldei inrai vaine is ethi is amen iran nigan, erus aijiro iran natimi is ero an nauincai; eris lep apos nohwai pomcranet ara, im nohwai ateg.