Joel 1:10 - Intas Etipup

¹⁰ Et mun has inpece, et taigtaig nobohtan; et idim tiih hwiit: et ame nide vaine, et mun tiih narakei oliv.

Joel 1:10 Iomraidhean Croise

Jenesis 4:12

nau wit ahapol an nobohtan aiek, inyi eti ededel upene itai vai, euc; napu atimi amen ehcid aiek um ilikin natimi an nobohtan.

Aiseya 15:6

Et ame niji wai an Nimrim: et imlai nefelelicai, et mun tiih nomotmot, et eti edel tah nitai.

Aiseya 24:11

Er ugyi waina irai efalaig; et apat nimiacitak asega, et idim tiih incediaig an pece.

Aiseya 24:7

Et taigtaig nide vaine mat, et imlai vaine, era ededaijai ra ara asega et imiacitak inliinmopora.

Jeremaia 12:11

Era mun ika ara yi umaruma, et taigtaig vai nyak inpece umaruma; et idim umaruma inpece asega, ja et eti aktaktai inliinmopon tah.

Jeremaia 12:4

Etpu taig inpece um yetpan an nohopan, um lep imlai nefelelicai irai iji uari pece asega, va nedo has u ilpu atimi amen iran? eh mun auahas niji itai eklim edo irai pece, im lep niji man; vaig inig nikavaig, eris ika ara, Etpu eti ecetai inmas uja aien.

Jeremaia 48:33

Uhpu atipagki nimiacitak im incediaig irai iji uari pece upene, an pece Moab marom; ek mun ika ainyak inyi eti eteuc nide vaine irai itai ahtaijiraig nohwai vaine iran: erupu eti auwihise nohwai vaine natimi um aunyauwaig; etpu takitai naunyauwaig ura.

Hosia 4:3

Va nitai inigki etpu taigtaig inpece inigki, erupu auatialidi natimi asega era amen iran ara, im lep niji itai eklim edo irai pece, im lep niji man an nauanohatag: maiya, eri lep ti niji mu an jap.

Hosia 9:2

Erupu eti hag nitai caig ara um eti umnyi waina, etpu ti waina mat ehele ra.

Joel 1:12

Ak ilpu atimi aminjinaig vaine, akumu aunyauwaig aijaua, et mun mese niji vaine, et mun imlai niji ateg; et mun idim mese niji ipjid, im niji eaig, im niji pain apel, im lep niji cai asega anliin teucjip: et mun tiih nimiacitak u atimi asega.

Joel 1:5

Akumu aiji lahlah aijaua, ak ilpu atimi ahnag vai kava itoga, um taigtaig; akumu aunyauwaig aijaua, ak ilpu atimi asega eka umnyi waina aijaua; vaig inig nikavaig, aki eti lep umnyi waina adale aijaua.

Joel 2:19

Im lep inig, etpu tas pam a Ihova um ika ehele ilpu atimi o un, Ekpu idim alupai caua hwiit ainyak, im nide vaine, im narakei oliv, akupu geije iran aijaua: inki eti lep udei caua ainyak mika aki ehcamai aijaua ehele nup mai iji pece:

Levitikus 26:20

etpu takitai nemda im nauritai unyimia: etpu lep eti ohwai itai inpece unyimia; etpu lep eti oho niji cai an pece unyimia.

Habakuk 3:17

El et eti elum niji ateg, um eti oho niji vaine; el et eti elwa nasau irai oliv, el et eti eteuc tah nitai caig uma atimi; el eh ti inpak irai siip irai okoro ura, um ti tah kurimatau irai eom ura:

Haceai 1:11

Im lep inig, ek mun ika ainyak yi alupas nagesega an pece, im lep irai iji au, im lep irai korn, im lep irai nide vaine, im lep irai narakei oliv, im lep irai iji itai et ededel an nobohtan, im lep ira atimi, im lep irai iji itai eklim edo irai pece, im lep irai auritai asega u ikmamia.

Malakai 2:3

Ekpu idim acaiji nupsi hwiit unyimia ainyak, um auhaig nohok irai esgaiimtamia, nohok u niji itai ahlap irai asjapicnaig unyimia marom; eri lep iknipagki caua um tup ethi ache pan an nitai naico.