Jeremaia 9:3 - Intas Etipup

³ Et imrig intas an nipjineucsera ara, era atcijaig ara et idivaig nefana; era eti emda ara vai intas inveijec an nobohtan; et ika a Ihova, Et auatai elvalupas nedo has ura, era eti ato nyak ara.

Jeremaia 9:3 Iomraidhean Croise

Jenesis 39:16

Is ati napelumai o un aien, um aitgaig napam u natimi alupas o un.

Niji tas Arapakau 12:5

Et atoh niji aktaktai u ilpu atimi upene: ja et efaifa niji tas jipe u ilpu atimi auatatimi.

Aiseya 1:3

Et ato natimi ohuun yin a kurimatau; et ato a togke nelcau inig u natimi ohuun yin er ati nitai caig incan: ja era eti ato nyak a nup Isreel, era eti aktaktai, vai nyak a ilpu atimi unyak.

Aiseya 3:5

Erupu ehcerucai ra jipe natimi asega: etpu ago nedo imipalea a nadualep vai natimi alupas o un, um uce natimi ihkin natimi vai natimarid o un.

Aiseya 6:5

Kis ika ainyak, Kaiheuc vai nyak! ekpu mas ainyak; vaig inig nikavaig, ek atimi et has nipjineucsek ainyak, et lep amen ainyak ehele atimi et has nipjineucsera: ek mun idim ecet Natimarid Ihova esjilid acen ainyak.

Aiseya 9:18

Et cas nedo has ura et idivaig incap: et atnamud niji cai upunupun im nadoni, ja par apitac um ahlo niji cai an nesei, era lep aridjai ara um idivaig nadpoig u nadran cap.

Jeremaia 12:6

Et idim uco, era mun ago nedo efaifa vai euc a ilpu etwam, im ilpu atimi an nimnim u etmam; era mun idim apitac euc ara um ahlaig ijinies: namu jim imiisjis ninveijec intas ura, era wat tas upene ehelum ara.

Jeremaia 22:16

Is aru atoh aien vai ilpu ihki atimi im lep tup atimi; et ika a Ihova, Is idim ato nyak aien, um amen upene.

Jeremaia 31:34

Et ika a Ihova, Erupu eti lep esege imi ilpu atimi eblaamnem ura, im lep ilpu etwara natimi asega, athi um athi ehni, um ika, Namu ato Ihova aiek: vaig inig nikavaig, erupu ato nyak ara asega ahes irai ilpu atimi alupas ira ra um yetpan irai tup atimi ira ra: ekpu ohpodohpod nedo acalacal ura ainyak, um eti lep imiehva nedo has ura.

Jeremaia 4:22

Era idim ahnag a ilpu atimi unyak, era mun eti ato nyak ara; era idivaig ilpu halav et eti eteuc lelra, era eti aktaktai ara: era arapakau ara par ago nedo has, ja era eti ato ara par ago nedo upene.

Jeremaia 5:4

Kis ika ainyak, Era idim tup atimi ara sji igki; et ti lelra ara: vaig inig nikavaig, era eti ato nedo o Ihova ara, im nedo atoh o Atua ura.

Jeremaia 5:5

Ekpu apan ehele ilpu atimi alupas ainyak, um tas ehele ra; vaig inig nikavaig, era mun ato nedo o Ihova ara, im nedo atoh o Atua ura: ja era mun ehrahtasvi ehni nitai ahelwei ura ara sji igki, um asjamud niji itai arore ra.

Jeremaia 6:28

Era idim ilpu atimi imipalea ara asega: era atga sjipe ara um hos tas: era efaifa ara um idivaig bras im aiurn; era idim eheshas ara asega.

Jeremaia 7:26

ja eris eti atahaijeg intas unyak ara, um eti atgeig pam intikgara, eris idim ago ipjin nauinwara ara: is esjilid nedo has ura irai nedo has u ilpu retpora.

Jeremaia 9:5

Erupu ago nedo efaifa vai ilpu apa ura ara asega, athi um athi ehni, um eti asan tas inveijec: et umjijeuc nipjineucsera ara par asan tas ahcil, nauritai ura nigki par ago nedo has.

Jeremaia 9:8

Et efana eh mas vaig nipjineucsera; et asaig intas efaifa: et asaig intas igpa ehele napa o un tah an nipjineucsen, ja et imiiris yiu an liinmopon aien.

Esikiel 8:13

Is lep ika ehelek aien, Namu lep aketo aiek um ahidai euc, napu lep ecetai niji itai er amcel vaig aiek, jam esjiiid irai ra sji igki era ago ara.

Taniel 11:27

Eraupu aktaktai ahwat atimarid eraigki par auahas rau jipe, eraupu asan tas ahcil arau u nitai hag et ethi ache; ja inyi eti upene: etpu idim yetpam nehni vaig an nopan eris asaig.

Levitikus 19:11

Akumu jim ehnegitai aijaua, um jim ago nedo efaifa, um jim asan tas ahcil jipe ehelemia;

Markus 8:38

Aien et imyiehcamai nyak aien im lep intas unyak an nuhup o ilpu atimi auatatimi, im ilpu atimi ago nedo has an naopan ineig; etpu lep imyiehcamai yin a Inhal o natimi, et wit yetpam aien an natimi alupas o Etman, im ilpu agelo upene ehelen.

Joanes 17:3

Nitai umoh iran ineig inyi ti lep ti ineigki, mika eri ato euc ara, nikavaig, na Atua inivaijec ache aiek, im Iesu Kristo, as abraig yin aiek.

Niji auritai o ilpu Apostolo 24:9

Eris ehrasaig a nupu Jutaia, um ika, is idim ucco nitai iji eigki.

Nupu Roma 1:16

Ek idim eti imyiehcamai intas-upene o Kristo ainyak, nemda o Atua ineigki par imyiatamaig ra sji eigki asega era imyiisjis ninivaijec ara; nupu Jutaia uhup, im lep nupu Crisi.

Nupu Roma 1:28

Eris esjum ara natovaig Atua anliinmopura, va nitai ineigki is atceijai ra a Atua mika eri imyiaaij inliinmopura ahnag ara, um ago nitai iji eigki eris ika eri idim eti ago;

Nupu Roma 3:13

“et li ehpanitai inhujgopul ura; et efaifa intas ura;” “et amen nitai acen irai imyiv ithan narasin nipjineucsera:”

1 Nupu Korindus 15:34

Akumu aiji lahlah aijaua, um ago nedo atoh, um jim ago nedo has; era eti ato Atua nahaijimia: ek asan tas ineigki ainyak, mika aki ehcamai aijaua.

Nupu Filipai 1:28

um jim imtitai ilpu atimi tak atimi iramia: et itai asjaaicnaig imi ra neigki nauahas ra vaig, ja et itai asjaaicnaig imi caua neigki nimyiatamaig caua vaig, nitai ineigki et idim ahes ehele Atua.

2 Timodeus 3:13

Ja etpu esjilid acen nedo has u ilpu atimi auatatimi, im ilpu atimi imyiahnag atimi, erupu imyiahnag atimi ara, ja uhpu lep imyiahnag ra.

Juta 1:3

Ak ilpu etoak upene, kis wat auritai emda ainyak nagedvaig imi caua va nitai umoh iran ineig imi atimi asega, is idim ika irak ki aged intas imi caua, um ated caua, mika aki imyiisjis emda aijaua vai intas inivaijec, ineig, eris ehcethi ache alupai ilpu atimi upene.

Nitai ehvaig 12:11

eris esjilid iran ara an ja irai Lam, im intas an nasuptecnaig ura; eris eti imyicoho ra ara, jam emesmas:

Ilpu Atimi Tas Alep 14:17

Is lep taig aien an nuhup o un an nopan asjapicnaig asega, um yetpan an nadiat sevend: ja an nadiat sevend is asuptecnaig aien ehelen, vaig inig nikavaig, is imiisjis alupas ehelen a ehgan: is lep asuptecnaig nesgantas iran aien ehele ilpu atimi ehpan iran.

Ilpu Atimi Tas Alep 2:10

Eris lep asjapicnaig ehele ilpu retpora ilpu atimi asega an nopan iyehki, ja eris lep apitac um asjeupigmoig ra a ilpu atimi is eche, eris eti ato Ihova ara, im lep niji auritai o un is ago aien vai nup Isreel.

1 Samuel 2:12

Erus atimi auatatimi ahwat halav atamaig u Ilai; erus eti ato Ihova arau.