Jeremaia 9:2 - Intas Etipup

² Ek merit alupas ainyak mika yi eteuc irak niim uricai an namasacen par atumop iran; mika ki udei ilpu atimi unyak ainyak, um apan au taka uarin! vaig inig nikavaig, era ilpu atimi ago ingeijid ara asega; um ilpu atimi efaifa.

Jeremaia 9:2 Iomraidhean Croise

Aiseya 59:3

Et has nikmamia va natgei atmas, im lep nupsikmamia va nedo has; eka mun asaig intas ahcil aijaua irai ipjieucsemia, eka mun asaig intas imipalea aijaua irai ohramia.

Jeremaia 12:1

AK Ihova, et atoh nedo unyum eku wit imiisjis ehelum ainyak: ja ekpu ahodaig euc ainyak va neruvaig unyum: Et echamecha mika era ikni itai a ilpu atimi auatatimi? et echamecha mika era amen upene a ilpu atimi asega era ago nedo efaifa esjilid ara?

Jeremaia 12:6

Et idim uco, era mun ago nedo efaifa vai euc a ilpu etwam, im ilpu atimi an nimnim u etmam; era mun idim apitac euc ara um ahlaig ijinies: namu jim imiisjis ninveijec intas ura, era wat tas upene ehelum ara.

Jeremaia 13:22

El et ika inliinmopom aiek, Et mun yetpam irak nitai iji igki van he? Eh mun atipagki inlepei unyum, im lep incedpun neduom va nedo has esjilid unyum.

Jeremaia 23:10

Et ohua ingeijid an pece; et taig inpece vai ilpu atimi asaig intas ahlaijaig; et mese nefelelicai upene an lelitai, et has nedo ura, et eti atoh nemda ura.

Jeremaia 4:22

Era idim ahnag a ilpu atimi unyak, era mun eti ato nyak ara; era idivaig ilpu halav et eti eteuc lelra, era eti aktaktai ara: era arapakau ara par ago nedo has, ja era eti ato ara par ago nedo upene.

Jeremaia 5:1

AKUMU athut jipe aijaua irai iji efalaig Jerusalem, um aespan, um ato, um ahilek irai iji uarin lah; kit aki ecet tah natimi aijaua, kit et eteuc tah natimi et ago nedo atoh aien, ka tah natimi et ahilek intas inveijec aien; ekpu atapnes neruvaig an maliyum ainyak.

Jeremaia 5:11

Et ika a Ihova, Era mun ago nedo efaifa esjilid vai nyak a nup Isreel im nup u Juta.

Jeremaia 5:2

El era idim ika ara, Et idim umoh a Ihova; ja era mun asig yi aktit intas efaifa ara.

Hosia 4:2

Et eti eteuc nedo et eche ehele ra, nikavaig, era asan tas inig ache ara et itap, um asan tas ahcil, um atgei atimi, um ehnegitai, um ago ingeijid, era lep ago nedo ipjin ara, um atgei jipe ra.

Hosia 5:7

Era mun ago nedo efaifa ara ehele Ihova: era mun idim apos ilpu halav vai tak atimi ara: ja uhpu auahas ra im lep ahaiji itai ura an nopan inig, an mohoc inyi ethi ache.

Hosia 6:7

Ja era idivaig natimi iji ig era imipalea intas etipup ara: eris ahcil vai nyak ara an nuarin iyehki.

Hosia 7:4

Era ago ingeijid ara asega; era idivaig stov ara, et ika a natimi ahen nareto yi ehri; inyi eti lep ago upene incap aien, eh wat aplamud ehni flaur, um yetpan au nopan iyehki etpu aridjai asega.

Maika 6:12

Era idim ehcerucai alupas atimi a ilpu atimi ikni itai iran, era lep asan tas ahcil a ilpu atimi amen iran, et efaifa intas inig et ahes an nipjineucsera.

Sefanaia 3:4

Era atimi asaig intas alupas a ilpu profeta ura, era lep asan tas ahcil ara: era auahas niji uarin itap a ilpu atimi ahlap ura, era imipalea intas alep ara.

Malakai 2:11

Era mun ago nedo efaifa a nup u Juta, era mun ago nedo amcel vaig a nup Isreel im lep nup u Jerusalem, era mun auahas nitai inig is itap ura vai Ihova a nup u Juta, nitai inig marom is merit vaig aien, era mun lucsei ilpu halav atahig u ilpu atimi apat ara mika eri ehnaa ura.

Malakai 2:14

Ja eka ika aijaua, Et a uri aien? Vaig inig nikavaig, et atimi asuptecnaig a Ihova vai euc im lep vai ehgam as leh yin aiek an takuras unyum, na mun efaifa vai yin aiek: ja et atimi atau iram aien, im lep ehgam as asig yi aktit intas unyum vai yin aiek.

Jakobus 4:4

Ak ilpu atamaig im ilpu takata ago ingaijid, eka idim ato aijaua, nikavaig, nedemda vai Atua neigki, naiyu u inliinmopja va nobohtan; aien et ika aien yi aiyu inliinmopon va nobohtan, et atimi tak atimi vai Atua aien.

Ilpu Atimi Tas Alep 2:10

Eris lep asjapicnaig ehele ilpu retpora ilpu atimi asega an nopan iyehki, ja eris lep apitac um asjeupigmoig ra a ilpu atimi is eche, eris eti ato Ihova ara, im lep niji auritai o un is ago aien vai nup Isreel.