Jeremaia 9:1 - Intas Etipup

¹ EK merit alupas ainyak mika yi idivaig inwai yah nidjinik, um idivaig nimtanwai nidiimtak, mika ki taig ainyak irai iji adiat im niji epig, vai ilpu atimi eris atgei u inhalav atahig u nup urau pece unyak!

Jeremaia 9:1 Iomraidhean Croise

Saam 119:136

Et yah nidiimtak et idivaig nofowai, va nedo ura, nikavaig, era eti imiaiji intas alep unyum ara.

Saam 42:3

Is itai caig incak nidiimtak ira adiat im nepig, eris wat ika ehelek ara irai iji adiat, Atua unyum yek eda?

Saam 55:7

Ekpu idim apan itac acen ainyak, um amen an namasacen. Sila.

Aiseya 16:9

Va nitai inigki ekpu taig ainyak vai nohwai vaine irai Sibma, etpu idivaig intaigtaig u nup u Jeser intaig unyak: ekpu; ohai caua irai idiimtak ainyak, ak nup u Hesbon, im lep caua, ak nup Eliali: et mun idim yetpan naunyauwaig irai ohwai itai unyimia im lep an nasjapicnaig, nasau irai itai unyimia.

Aiseya 22:4

Va nitai inigki kis ika ainyak, Akumu easpan an taka uarin vai nyak aijaua; ekpu taig alupas ainyak, akumu jim ika aijaua ti eropse inliinmopok ainyak, vaig inig nikavaig, er auahas nup uran pece unyak.

Jeremaia 13:17

Ja el eka eti atahaijeg aijaua, etpu taigtaig inliinmopok ainyak irai uarin adenaig vai nijinies u inliinmopomia; ekpu taig alupas ainyak, etpu yah nidinimtak, vaig inig nikavaig, eh mun imiapan an taka pece ilpu atimi u Ihova.

Jeremaia 14:17

Va nitai inigki namu asaig intas inigki ehele ra aiek, nikavaig, Etmu yah nidinimtak ainyak an nepig im lep an nadiat, um eti atumop: vaig inig nikavaig, eh mun auahas alupas inhalav atahig u ilpu atimi unyak, et emda alupas inmocop iran.

Jeremaia 3:10

Ja et ika a Ihova, Eris wat ago nitai iji igki asega et mun eti adumoij pam ehelek a etwan efaifa Juta au liinmopon asega, ja et ahcil vai nyak aien.

Jeremaia 4:19

Et ohocred inliinmopok, et emda inliinmopok! et ehioehio inliinmopok; et taig inliinmopok; et ehka vai nyak par eucsup, vaig inig nikavaig, as mun atahaijeg aiek, ak nesgak, nohran toho, um lep naunyauwaig u ilpu atimi ati nedoa.

Jeremaia 5:7

Et ehka vai nyak par ohpodohpod nedo has unyimia va nitai inigki; era mun udei nyak a ilpu hal unyimia, um asig yi aktit intas vai ra sji igki era eti atua ara: kis wat alaa ra upene nitai caig ainyak, eris ago ingeijid ara, um asjapicnaig irai eom u ilpu takata has, eris ahinag ara.

Jeremaia 6:26

Ak ilpu atimi unyak, akumu aso caua aijaua ira apelumai uucai, ereuc an nohpa: akumu ehtigtaig aijaua, et idivaig intaig vai inhalav cap o un tah, inyi alupas acen nehtigtaig: erupu auroauro a ilpu atimi auahas itai um yetpam iraija.

Jeremaia 8:18

Ek wat ika ainyak inki atipagki nohocred unyak ainyak, et auatialidi inliinmopok ainyak.

Jeremaia 9:18

erumu auroauro ara, um taig tas vai caija, mika yi yah nidinimtaija, im lep mika yi idivaig inwai nesganimtaija akaija.

Niji tas taigtai 2:11

Et apat nesganimtama aijama, vai nidiimtama, et ehioehio inliinmopoma aijama, et emda inhadima, mika er auahas nup uran pece itap inigki; era idim asjeuc a ilpu halav im ilpu hadi irai efalaig an maliyum um auatialidi.

Esikiel 22:12

Era amen ehelemia a ilpu atimi leh nimtan mika eri atgei atmas; eka mun ahtai mune unyimia aijaua mika yi alupas nimtan, um lucsei itai et alupas irai iji ehki akis upyi ahtai aijaua, eka mun atoraliak itai u ilpu apa unyimia aijaua; et lep ika a Natimarid Ihova, Eka mun ahnag irak aijaua.

Hosia 7:4

Era ago ingeijid ara asega; era idivaig stov ara, et ika a natimi ahen nareto yi ehri; inyi eti lep ago upene incap aien, eh wat aplamud ehni flaur, um yetpan au nopan iyehki etpu aridjai asega.