Jeremaia 8:8 - Intas Etipup

⁸ Eka evika aijaua, Ecra arapakau aijama, et eteuc ehelemia intas alep o Ihova? et idim inveijec nitai inig is asan tas alep o un aien, ja et idivaig takitai; et idim takitai intas aged u ilpu atimi asuptecnaig intas alep.

Jeremaia 8:8 Iomraidhean Croise

Nitaasviitai u Job 11:12

Era ika a ilpu atimi efaifa, era arapakau ara; ja era idivaig ilpu hal u togke aleg natimi an napos ra vaig.

Nitaasviitai u Job 12:20

Et atipagki intas o ilpu atimi asan tas inveijec aien; um atipagki lelei ilpu atimi ato itai.

Saam 147:19

Et ehvaig intas o un aien ehele ilpu mapoi Jekob, im lep intas alep o un im nedo atoh o un ehele nup Isreel.

Niji tas Arapakau 17:6

Et idivaig korona u ilpu retpora a ilpu mapora; era lep imiacitak a ilpu mapora vai ilpu retpora.

Aiseya 43:27

Is ago nedo has a etpomia uhup, eris lep imipalea intas alep unyak a ilpu atimi alupas unyimia.

Jeremaia 18:18

Eris ika ara, Intumu apan akaija, um anacanac an tas vai Jeremaia; inyi idim eti ti intas alep ehele ilpu atimi ahlap, im nato itai ehele ilpu atimi arapakau, im intas ehele ilpu profeta. Intumu apan akaija, um auud yi aijiraig intas o un, intumu jim atahaijeg tah intas o un akaija.

Jeremaia 19:7

Ekpu auahas intas anacanac u nup u Juta im nup u Jerusalem ainyak an nuarin inigki; ekpu ika ainyak eri atgei ra an nedoa a ilpu atimi tak atimi ira ra, im ilpu atimi iji ig era ika ara eri atgei ra: ekpu atcijaig nohura emesmas ainyak, mika yi itai caig incai niji man an nauanohatag, im niji itai eklim edo irai pece aleg.

Jeremaia 2:8

Eris eti ika a ilpu atimi ahlap, Ihova yek eda? eris eti ato nyak a ilpu atimi asuptecnaig intas alep unyak: eris lep imipalea intas unyak a ilpu atimi alupas u ilpu atimi unyak, eris ika a ilpu profeta is ahu intas ira ra a Beal, eris lep ahau pan itai ara is takitai.

Jeremaia 4:22

Era idim ahnag a ilpu atimi unyak, era mun eti ato nyak ara; era idivaig ilpu halav et eti eteuc lelra, era eti aktaktai ara: era arapakau ara par ago nedo has, ja era eti ato ara par ago nedo upene.

Jeremaia 48:14

Eka evika aijaua, Ecra emda aijama um atimi eucsupo vai nedoa?

Hosia 8:12

Kis aged imi ra ainyak niji itai esjilid an tas alep unyak, ja eris ika ara et idivaig intakitai nitai iji ehki.

Madius 15:6

um eti eccen vai etman ka risin, inyi ti mas aien. Eka imyipalea intas alep o Atua aijaua an tas alep unyimia.

Joanes 9:41

Is um ika ehele ra a Iesu, El et aupat nesganimtamia aijaua, el et ti nedo has unyimia: ja eka ika aijaua, Ecra alum itai aijama; va nedo ineigki, et amen iramia nedo has unyimia.

Nupu Roma 1:22

eris ika ara eris arapakau, ja eris idim ahnag ara,