Jeremaia 8:7 - Intas Etipup

⁷ Maiya, et ato nopan o un inman an nohatag; et aminjinaig nopan napam o un inhop-paig im nohopcap im nije; ja era eti ato neruvaig atoh u Ihova a ilpu atimi unyak.

Jeremaia 8:7 Iomraidhean Croise

Nohranitai U Solomon 2:12

et ehcohos pam intisiai itai an nobohtan; et yetpam nopan inig er ahgei nohrai man; er atahaijeg nohrai nucip an pece uja;

Aiseya 1:3

Et ato natimi ohuun yin a kurimatau; et ato a togke nelcau inig u natimi ohuun yin er ati nitai caig incan: ja era eti ato nyak a nup Isreel, era eti aktaktai, vai nyak a ilpu atimi unyak.

Aiseya 27:11

Et wat imlai niji ran, uhpu asvipagki: erupu apam a ilpu takata, um adgan cap iran: era idim atimi eti eteuc lelra: va nitai inigki inyi eti aiheuc vai ra aien is ago ra aien, inyi eti imiatamaig ra aien is atupun ra aien.

Aiseya 5:12

Et eteuc irai hag alupas ura a harp, im vaiol, im nelcau er auud, im inhutlavlav, im kava: ja era eti imiehva nauritai inig et ago a Ihova, um eti aktaktai neruvaig an nikman.

Jeremaia 4:22

Era idim ahnag a ilpu atimi unyak, era mun eti ato nyak ara; era idivaig ilpu halav et eti eteuc lelra, era eti aktaktai ara: era arapakau ara par ago nedo has, ja era eti ato ara par ago nedo upene.

Jeremaia 5:6

Va nitai inigki etpu atgei ra laion ahes an nesei, etpu atoraliak itai ura a kuri aleg an namasacen, etpu imiiris niji maliyum ura a lepart: uhpu ces yi oplecoplec ra asega erupu apan itac ara: vaig inig nikavaig, et ahinag nedo imipalea ura, et lep esjilid nedo has ura.

Habakuk 1:4

Va nitai inigki er auoh takitai intas alep, er lep eti asuptecnaig nimtan inveijec: era idim ago nedo efaifa vai ilpu atimi upene a ilpu atimi auatatimi; va nitai inigki er asaig intas alep et acalacal.

Sekaraia 5:9

Kis yasjipan ainyak, um almoi, ja par ecet intakata is ero erus yetpam arau, is amen irai ehparau nimtinjap; is idim eteuc nehparau um idivaig ehpai inman alupas: erus um alcacseijai ifa iyehki arau an niblan nobohtan im nohatag.