Jeremaia 8:6 - Intas Etipup

⁶ Kis ahgei ainyak um atahaijeg, ja eris eti tas atoh ara: is eti adumoij an liinmopon tah natimi va nedo has o un, um ika, Ek mun ago inhe ainyak? era adumoij pan nai efalaig ura ara asega, et idivaig et athut pan hors u nedoa.

Jeremaia 8:6 Iomraidhean Croise

Nitaasviitai u Job 10:2

Ekpu ika ainyak ehele Atua, Namu jim atijai nedo has irak aiek, jam asuptecnaig ehelek nitai inig na imiisjis ehelek vaig aiek.

Nitaasviitai u Job 34:31

Et eti upene vaig tah par ika ehele Atua, Eh mun acaiji nyak, jam eti va nedo has unyak;

Nitaasviitai u Job 34:32

esege imi nyak aiek nitai inig ek eti ecetai ainyak; el ek mun ago nedo has ainyak, ekpu eti lep ago ainyak.

Saam 14:2

Is amen a Ihova an nohatag, um eas sepam, par alum atimi um ato; kit is ago nedo arapakau tah et ethi, um ahilek Atua, ka oʼo.

Aiseya 30:18

Va nitai inigki etpu aitgaig a Ihova, mika yi aiheuc vai caua, etpu lep atidai aien, mika yi imialep caua: et Atua asjaaicnaig atoh a Ihova: era mun ahesmoij ara sji igki asega era aitgaig yin ara.

Aiseya 57:17

Ek edemda ainyak va nedo has o un, inmerit has o un marom, ekpu lep auud yin ainyak, ekpu adenaig nyak ainyak, ekpu lep edemda ainyak; vaig inig nikavaig, is imiisjis aien um idumdumoij pam u nedo o inliinmopon.

Aiseya 59:16

Is almoi aien mika, is eti eteuc tah natimi, is imiali aien mika is eti eteuc tah natimi asan nigpa: va nitai inigki is imiatamaig ilpu atimi o un an nikman aien; is lep atau imi yin nedo atoh o un.

Jeremaia 23:25

Ek mun ahgei intas inig ainyak eris asaig a ilpu profeta iji ig era asuptecnaig intas ahcil ara an nidak, um ika, Ek mun umjeg ahnag ainyak, ek mun idim umjeg ahnag ainyak.

Jeremaia 3:5

Etpu idim eti edemda aien irai iji mesese; etpu idim eti atavaitap aien irai iji opan asega; na mun idim asan tas has aiek um lep ago nedo has, na lep emda aiek um imiisjis.

Jeremaia 5:1

AKUMU athut jipe aijaua irai iji efalaig Jerusalem, um aespan, um ato, um ahilek irai iji uarin lah; kit aki ecet tah natimi aijaua, kit et eteuc tah natimi et ago nedo atoh aien, ka tah natimi et ahilek intas inveijec aien; ekpu atapnes neruvaig an maliyum ainyak.

Esikiel 18:28

Vaig inig nikavaig, el et aktaktai aieu, um adumoij au nedo imipalea asega o un et mun ago aien, etpu idim umoh aieu, inyi eti mas aien.

Esikiel 22:30

Kis lep ahilek natimi is ethi ira ra ainyak, mika yi uctaig athatahau aien, um aiji au nuarin alcapdicraig an nuhup unyak vai inpece, mika ki jim auahas ainyak: ja kis eti ecet tah ainyak.

Taniel 9:11

Maiya, era mun atladwi intas alep unyum a nup Isreel asega, um imipalea intas unyum, era mun eti merit ara par atahaijeg intas unyum; va nitai inigki er asaig vai cama intas ahlaijaig, im lep intas aktit eris aged an tas alep u Moses naheca u Atua, vaig inig nikavaig, ecra mun ago nedo has vai Atua aijama.

Maika 7:2

Era mun atiih natimi ago nedo upene an pece: et eti eteuc tah natimi et atoh nedo o un: era atpaijinaig atimi ara asega mika eri atgei ra ara; era ahau jipe ilpu etwara ara asega, mika eri anai ra an nopoig ura.

Sefanaia 3:7

Kis ika ainyak, Akumu idim imtitaig nyak aijaua, um leh upene intas esege imi caua, par eti auahas nuarin inig eka amen iran aijaua, et idivaig intas iyehki kis upyi asig yi aktit vai caua ainyak: ja eris auroauro ara um atidai an nuhialeg, um ika yi has niji auritai asega eris ago ara.

Haceai 1:5

Va nitai inigki et ika a Ihova esjilid acen; Akumu aktaktai nedo unyimia aijaua.

Haceai 1:7

Et ika a Ihova esjilid acen, Akumu aktaktai nedo unyimia aijaua.

Malakai 3:16

An nopan iyehki eris tas jipe ara sji igki eris imtitaig Ihova ara: is atgeig pam intikgan a Ihova, um atahaijeg ra, eris lep aged nitaasviitai is ethi an nuhup o un par imiehva itai vaig, vai ra sji igki eris imtitaig Ihova ara, um aktaktai nidan.

2 Pitrus 3:9

Et eti esjaigse intas upyi asaig o un a Natimarid, et idivaig nika u nahaiji atimi et mun esjaigse aien; ja et eropse inliinmopon aien vai caija, et eti merit aien mika eri emesmas tah, ja et merit aien mika yi adumoij pam inliinmopoi atimi asega.

Nitai ehvaig 9:20

Eris eti adumoij anliinmopura va nauritai irai ikmara natimi iji ehki, eris eti atgei ra nitai has erahki, mika eri jim alaigaheni ara vai ilpu atmas, im niji atmassimai colt, im silver, im bras, im hat, im nauicai; et ehka vai ra nalum itai vaig, um ahgei itai vaig, um atgavaig: