Jeremaia 8:4 - Intas Etipup

⁴ Im lep inig, namu ika aiek ehele ra, Et ika a Ihova, Ara era eropropse ara, erupu idim lep atidai ara; aien et adumoij pan aien, etpu idim lep adumoij pam aien.

Jeremaia 8:4 Iomraidhean Croise

1 Ilpu Atimarid 8:38

etu wit ago nalaigaheni um ugyi itai tah natimi, ka nup Isreel asega unyum, um ato nauatatimi u inliinmopora, um adaigjai nikmara u neom inigki:

Niji tas Arapakau 24:16

el et eceseven eropse a natimi upene, etpu lep atidai aien: ja etpu ataluopni natimi auatatimi niji itai has.

Aiseya 44:22

Ek mun ohpodohpod nedo has unyimia ainyak, et idivaig napat, im lep niji auatatimi unyimia, et idivaig inmoso: akumu adumoij pam ehelek aijaua; ek mun idim imiatamaig caua ainyak.

Aiseya 55:7

erumu udei nedo ura a ilpu atimi ago nedo has, erumu udei aktaktai ura a ilpu atimi auatatimi: erumu lep adumoij pam ehele Ihova ara, etpu idim eti eris ira ra aien; um lep adumoij pam ehele Atua uja, etpu idim ohpodohpod nedo has asega u a aien.

Jeremaia 23:14

Et idim uco, ek mun lep ahnoi nedo has esjilid ainyak irai ilpu profeta Jerusalem: era ago ingeijid ara, um asan tas ahcil: era ago emda nikmai ilpu atimi auatatimi ara; va nitai inigki et eti atcijaig nedo has o un tah natimi: era idivaig nup u Solom vai nyak ara asega, era idivaig nup u Comora a ilpu atimi amen an maliyum inigki.

Jeremaia 3:1

ERA ika ara, El et abraig pagki ehgan tah natimi, el et lep udei jin aien, um apan um amen ehele intak atamaig um ehgan, etpu lep adumoij pan a natimi uhup um leh yin ehgan, ka oʼo? Oʼo; el eh ago nedo inigki, uhpu auahas alupas inpece iyehki; na mun idim ago ingeijid aiek ehele ilpu atamaig et ahinag; ja et ika a Ihova, Namu adumoij pam ehelek aiek.

Jeremaia 3:22

Akumu adumoij pam ehelek aijaua, ak ilpu atimi imipalea, ekpu ika ainyak aki eti lep imipalea aijaua. Namu alum cama aiek, ecra mun ham ehelum aijama; na idim Ihova Atua unyima aiek.

Jeremaia 36:3

Kit erupu atahaijeg nohocred asega inig a nup u Juta et ika ainyak ki ati imi ra; mika eri adumoij pam ara um udei efalaig has ura, athi um athi ehni; mika ki ohpodohpod nedo acalacal ura ainyak im lep nedo has ura.

Jeremaia 4:1

ET ika a Ihova, El eka merit aijaua par adumoij pam, ak nup Isreel, akumu adumoij pam ehelek aijaua: im lep inig, el eka iknipagki niji itai er amcel vaig unyimia aijaua an nuhup unyak, akupu eti apan aijaua an taka uarin.

Esikiel 18:23

Et ika a Natimarid Ihova; Et idim eti upene irak mika yi mas a natimi auatatimi; ja et idim upene irak mika yi adumoij an nedo has o un, um umoh.

Hosia 14:1

AK nup Isreel, akumu adumoij pam aijaua ehele Ihova Atua unyimia; eka mun idim eropropse aijaua va nedo has unyimia.

Hosia 6:1

AKUMU apam aijaua, ti adumoij pan akaija ehele Ihova: et mun idim ces yi oplecoplec caija aieu, etpu lep ago cehcehe caija aien; et mun auud caija aien, etpu lep arore mocop iraija aien.

Hosia 7:10

Et idim asuptecnai itai an nuhup ura nedo ijinies u nup Isreel, et mun eteuc nitai iji igki asega, ja era eti adumoij ehele Ihova Atua ura ara, era lep eti ahilek yin ara.

Emos 5:2

Et mun eropse a natahig an pece Isreel; inyi eti lep atidai aien: et asjeuc aien an pece o un; et ti tah par imiatidai yin.

Maika 7:8

Ak natimi edemda vai nyak, namu jim asaig intas imiacitak vai nyak aiek: el ek eropse ainyak, ekpu lep atidai ainyak; el ek amen an napat ainyak, etpu eteuc inlah vai nyak a Ihova.