Jeremaia 8:3 - Intas Etipup

³ Et ika a Ihova esjilid acen, Etpu esjilid inmerit vai inmas irai inmerit vai nitai umoh iran u nahri ilpu atimi iji ig era amen ara ehele nup uran pece has inigki; era amen ara irai iji uarin asega iji ig ek mun ahau pan ra iran ainyak.

Jeremaia 8:3 Iomraidhean Croise

1 Ilpu Atimarid 19:4

Ja is atga aien an namasacen an nadiat is ethi, um apan, um ateucse itlian cai juniper is ethi: is ugyi Atua aien mika yi mas aien; um ika, Et upene; ak Ihova, namu asaig inmas unyak aiek; ek eti esjilid ainyak irai ilpu retpok.

Jeremaia 23:3

Ekpu lep asjapicnaig nahri pak irai siip unyak ainyak irai iji pece asega iji ig kis mun ahau pan ra iran ainyak, ekpu lep imiadumoij pam ra ainyak irai irahed ura; erupu ahad ara um ahinag.

Jeremaia 23:8

ja erupu ika ara, Et idim umoh a Ihova inig is lucsei ilpu mapoi 9 Isreel aien an pece inig et ahes narutu iran um imiaridjipam ra igcaki, im lep irai iji pece asega kis ahau pan ra iran ainyak; is atau imi ra aieu mika eri amen an pece ura ara.

Jeremaia 29:14

Et ika a Ihova, Akupu ecet nyak aijaua: ekpu lep imiadumoij pam caua ainyak, ekpu lep asjapicnaig caua ainyak irai nup urai iji elcau asega, im lep irai iji uarin asega iji ig ek mun ahau pan caua iran ainyak; et lep ika a Ihova, Ekpu lep imiapam caua ainyak an nuarin inig kis ika ainyak eri arore caua iran um imiapan caua an taka pece.

Jeremaia 29:28

Vaig inig nikavaig, et mun abraig pam tah Babelon ehelema aien, um ika, Etpu opra namen an taka pece unyimia: akumu uctai iyum aijaua, um amen iran; um lep ahwaig umamia, um hegaig nohwai itai iran.

Jeremaia 40:12

eris ahes irai uari pece iji ig eris ahau pan ra iran a nup u Juta asega, um adumoij pam an pece Juta, ehele Cetalaia Mispa, um asjapicnaig nohwai vaine im nohwai ateg is alupas acen.

Jeremaia 44:2

Et ika a Ihova esjilid acen, Atua u nup Isreel; Eka mun almoi nohocred asega inig aijaua, ek mun imiapam ainyak vai nup u Jerusalem, im lep vai nup urai maliyum asega an pece Juta; et idim ahyuahyu inmaliyum iji igki an nadiat inigki, et eti amen tah natimi iran,

Jeremaia 44:6

Va nitai inigki eris atladwi intavaitap unyak im nedemda unyak, is lep ere um aat irai maliyum an pece Juta im lep irai efalaig Jerusalem; eh mun auahas, et lep ahyuahyu, et idivaig an nopan inig.

Jeremaia 6:9

Et ika a Ihova esjilid acen, Erupu arahon ehni nahri nup Isreel ara et idivaig vaine: etmu adumoij pan nikmam aiek irai cat, et idivaigʼ et imiadumoij nikman irai cat a natimi asjapicnaig nohwai vaine.

Taniel 9:7

Ak Natimarid, et amen ehelum nedo atoh, ja et amen ehelema nehcamai, et idivaig an nopan inig; ehele nup u Juta marom, im nup u Jerusalem, im nup Isreel asega, era ubutpotet ara, im lep itac acen, irai iji pece asega as imiapan ra iran aiek, va nedo has ura eris ago vai euc ara.

Levitikus 26:33

Ekpu imiterimterim caua ainyak ehele nup urai iji pece apat, um ahau caua an nedoa: etpu umaruma inpece unyimia, um ahyuahyu niji maliyum unyimia.

Emos 3:1

AK nup Isreel, akumu atahaijeg intas inigki aijaua et asaig a Ihova vai caua, maiya, vai nup uran nelcau asega kis imiaridji pam ra ainyak ahes an pece Ijipt, um ika,

Jona 4:3

Im lep inig, ak Ihova, ek ugyi euc ainyak, mika an asan mas unyak aiek; et upene vai nyak inmas vaig, jam eti upene numoh vaig.

Maika 2:3

Va nitai inigki et ika a Ihova; Ek idim aktaktai itai has ainyak va atimi iji igki, aki eti emda aijaua par imiaha auiwamia vaig; aki lep eti atga aijaua an nedo ijinies u inliinmopomia: etpu idim opan has iyehki.

Tyuteronome 30:1

ETU wit yetpam iramia nitai iji igki asega, niji itai upene im niji itai has, ek mun ati an nuhup unyimia ainyak, aku wit lep aktaktai vaig aijaua irai iji pece asega, is ahlo pan caua iran a Ihova Atua unyimia,

Tyuteronome 30:4

El eris ahlo pan tah caua an tid an nobohtan, etpu asjapicnaig caua eahki a Ihova Atua unyimia, um imiapam caua:

Nitai ehvaig 6:16

um ika ehele lola edoon im nij, Eropse irama, um adenai cama va nesganimtan et ateuc aien a dorona, im lep vai intavaitap u Lam:

Nitai ehvaig 9:6

An naopan iyehki erupu ahilek inmas atimi, jam eti ecetai; erupu merit ara inmasvaig, ja inyi aha vai ra inmas.