Jeremaia 8:2 - Intas Etipup

² uhpu imiterimterim niji eduora an nagesega, im lep an mohoc, im lep an niji moijeuv asega iji ig an nohatag, eris merit vaig ara, um aheca ura, um apitac ra, um ahilek ra, um lep alaigaheni vai ra: uhpu eti asjapicnaig niji eduora, um atelmoi; erupu idivaig nohok ara an narasin nobohtan.

Jeremaia 8:2 Iomraidhean Croise

2 Ilpu Atimarid 17:16

Eris udei intas alep asega u Ihova Atua ura ara, um ago atmasimai irai hat, inhakli kurimatau is ero, um ati intap is ethi, um ago nalaigaheni vai niji itai lah asega an nohatag, um aheca u Beal.

2 Ilpu Atimarid 21:3

Is lep ago niji tap aien is auahas a Hesekaia etman; um ago niji atau vai Beal, um ago natmasimai is idivaig is ago a Ehab natimarid u nup Isreel; um ago nalaigaheni vai niji itai lah an nohatag, um aheca ura.

2 Ilpu Atimarid 21:5

Is ago niji atau aien vai niji itai lah asega an nohatag iraili okoro is ero an neom u Ihova.

2 Ilpu Atimarid 23:5

Is iknipagki ilpu atimi ahlap va atmasimai aien, eris ikni ra a ilpu atimarid u nup u Juta par atnamud nitai auanipin upene irai iji uarin itap irai iji maliyum Juta, im lep irai iji uarin ubutpotet pan Jerusalem; im lep ra eris atnamud nitai auanipin upene vai Beal, im lep vai nagesega, im inmohoc, im niji moijeuv, im niji itai lah asega an nohatag.

Saam 53:5

Is esjilid acen nimtitaig ura eahki, is wat ti nitai imtitaig vaig: is idim imiterimterim niji eduei natimi iji igki a Atua, eris ati nedoa vai euc ara: na mun auoh ehcamai ra aiek, nikavaig, et mun esjum vai ra a Atua.

Saam 83:10

eris auahas ra Entor: eris idivaig nohok ara er aheh an nobohtan iran.

Saam 83:11

Namu ika aiek eri idivaig Oreb im lep Siib a ilpu atimi alupas ura: um lep idivaig Siba im Salmuna ilpu atimarid asega ura:

Natimi Efehtas 6:3

El et apos ilpu hal o un et wun huntret a natimi iyehki, um umoh, um itu iran; el et ahinag acen niji adiat iji ig et umoh iran aien, ja el et eti imiacitak inliiumopon aien va nitai upene; im lep, el eh eti atelmoi nohun; ek ika ainyak, et esjilid inhalav eris areuctikgan iran irai natimi iyehki.

Jeremaia 14:16

Uhpu erekhaig irai efalaig Jerusalem ilpu profeta iji ig era asuptecnaig intas ehele ra ara, va numlaig has im nedoa; etpu eti eteuc tah par atelmoi ra, ara marom, im ilpu ehgara, im ilpu halav atamaig ura, im ilpu halav atahig ura: vaig inig nikavaig, ekpu atladwi nedo has ura ira ra ainyak.

Jeremaia 16:11

Namu ika ehele ra aiek, Et ika a Ihova, Vaig inig nikavaig, eris udei nyak a ilpu retpomia im ilpu atmil unyimia, um apitac ilpu atmas irai iji pece, um aheca ura, um atpuse an nuhup ura, um udei nyak, um eti imiaiji intas alep unyak;

Jeremaia 16:4

erupu emesmas irai mas alupas ara; erupu eti imitaig ra natimi; um eti atelmoi ra; erupu idivaig nohok ara an nuarin nobohtan: uhpu auahas ra an nedoa, im lep an numlaig has; etpu itai caig nohura incai niji man an nauanohatag, im niji itai eklim edo irai pece.

Jeremaia 16:6

Erupu emesmas a ilpu atimi alupas im tup atimi an pece inigki: erupu eti atelmoi ra natimi, um eti imitaig ra, erupu eti attai ra natimi vai nohocred ura, um eti ucsei numri nidjinira vai ra:

Jeremaia 19:13

uhpu auahas nitap irai iji eom Jerusalem, im lep niji eom u ilpu atimarid an pece Juta, um idivaig inuarin u Tofet, im lep neom asega iji ig eris atnamud nitai auanipin upene an lolan neom iran ara va niji itai asega an nohatag, um atladwi niji itai ahlap er umnyi vai ilpu atmas irai taka pece.

Jeremaia 22:19

Uhpu atelmoi yin et idivaig er atelmoi togke, uhpu aihiai yin um ethaig pan itac yin irai eucse athatahau Jerusalem.

Jeremaia 25:33

An nadiat iyehki erupu amen nohui ilpu atimi iji ig etpu atgei ra a Ihova, erupu ahes an tid an nobohtan et ethi ara, um yetpan an tid an nobohtan et eche: erupu eti imitaig ra natimi, um eti asjapicnai ra, um eti atelmoi ra; erupu ohok ara an nobohtan.

Jeremaia 31:40

Etpu lep itap vai Ihova niskanse asega inig et amen iran nohui atimi emesmas, im nohpa, im lep niji ahapol asega um yetpan an wai yah Kitron, um lep yetpan an nesvi vai inmaliyum an neucse nathatahau inig era atga iran niji hors an ridjai o un; uhpu eti atecrei, um eti lep alcapdicraig, um yetpan irai iji mesese,

Jeremaia 36:30

Va nitai inigki et ika a Ihova vai Jehoiakim natimarid an pece Juta; Inyi eti eteuc tah natimi inig et ahes iran par atimarid um isjeupigmoig Tevit: uhpu lep ethaig pan itac nohun mas vai nihlup an nadiat, im lep vai nara an nepig.

Jeremaia 9:20

Ja akumu atahaijeg intas o Ihova aijaua, ak ilpu takata, akumu leh intas an nipjineucsen aijaua an tikgamia, um esege imi ilpu halav atahig unyimia mika eri taig tas ara, im lep ilpu apa unyimia, athi um athi ehni, mika eri ehtigtaig ara.

Jeremaia 9:21

Et mun aridjipam a Inmas irai mai iyum uja, et mun apam irai imnim atimi uja aien, mika yi atgei ilpu halav irai efalaig, im lep ilpu takuras irai iji uarin lah.

Jeremaia 9:22

Et ika a Ihova, Namu tas aiek, um ika, Etpu etjo se nohui ilpu atimi emesmas et idivaig nohok anliin pece, um idivaig nohud hwiit et ati pan itac a natimi ucsei hwiit, etpu eti lep asjapicnaig ra tah.

Esikiel 29:5

Ekpu ethaig pan euc ainyak an namasacen, aiek im niji mu asega irai iji ofowai unyum: napu eropse aiek an nuarin marara; uhpu eti lep asjapicnaig euc, um eti lep asgi: ek mun atcijai euc ainyak mika an itai caig aiek, incai niji itai eklim edo irai pece im niji inan era ae an nauanohatag.

Esikiel 39:5

Erupu atgei euc ara an nuarin lah an pece: ek mun idim asaig ainyak Ihova.

Esikiel 6:5

Ekpu ikni nohui ilpu atimi emesmas u nup Isreel ainyak an nuhup u niji atmasimai ura; ekpu imiterimterim niji eduomia ainyak um arehed irai iji atau unyimia.

Esikiel 8:16

Is lep imiapan nyak aien juju an nokoro an neom u Ihova, kis idim ecet atimi is idivaig twente faiv ainyak, an neucse neom itap u Ihova, an niblan naiyu im natau, eris atidjira an neom u Ihova ara, um easpan an ridjai o un; eris lep alaigaheni vai nagesega ara an ridjai o un.

Sefanaia 1:17

Ekpu atijai nohocred ira atimi ainyak, erupu idim atga ara um idivaig ilpu atimi et apat nesganimtara ara, vaig inig nikavaig, era mun ago nedo has ara vai Ihova: eri atladwi inja ira ra et idivaig inmah an nobohtan, etpu lep idivaig nohok nohura ara.

Sefanaia 1:5

im lep ra sji ig era alaigaheni ara vai niji itai an nohatag an nijintin eom ura; im lep ra sij ig era alaigaheni vai Ihova ara um asig yi aktit intas vai yin, um lep asig yi aktit intas vai Molok;

Niji auritai o ilpu Apostolo 7:42

Is atidjin ira ra a Atua, um ude ra, mika eri alaigaheni ara va niji itai an nohatag; is idivaig eris aged an nitasvitai u ilpu profeta, um ika, “Ak nupu Isreel, akis ahlap vai nyak aijaua irai iji kurimatau eris atgei, im niji itai ahlap, irai mesese is forte an namasacen, ka oʼo?

Tyuteronome 17:3

um apan um aheca u ilpu atmas u nup urai iji pece, um ago nalaigaheni vai ra, kit nagesega, ka inmohoc, ka inmoijeuv an nohatag, kis acaiji ainyak;

Tyuteronome 4:19

va aki jim easji pan an nohatag aijaua, um almoi nagesega, im inmohoc, im inmoijeuv, im niji itai asega an nohatag, um imiisjis, um atpuse, um ago nalaigaheni vai ra, is ikni a Ihova Atua unyimia va nup urai iji pece asega itlian nohatag.