Jeremaia 8:16 - Intas Etipup

¹⁶ Eris ahgei nohran gidgei hors o un an maliyum Tan: eris wat ahgei ilmu niji hors emda o un, eris eucjeucjeucaij a nup uran pece asega; era mun idim ham ara, um auahas inpece, im niji itai asega amen iran; im lep inmaliyum, im ilpu atimi asega eris amen iran ara.

Jeremaia 8:16 Iomraidhean Croise

Nitaasviitai u Job 39:20

Na emda aiek, ka oʼo, par ika yi aliaujai aien et idivaig inheled? et esjilid acen nehlei gidjin o un, er imtitaig alupas vaig.

Saam 24:1

ET ohuun nobohtan a Ihova, im niji itai asega iran; im lep niji pece asega, im natimi amen iran.

Jeremaia 10:25

Namu atladwi nedemda unyum aiek irai nup urai elcau iji ig era eti ato euc ara, im lep irai nup urai pece iji ig era eti ahlaig va nidam ara: vaig inig nikavaig, era mun caig ilpu mapoi Jekob ara, um atleg ra, um auahas ra, um ika yi umaruma niji uarin amen iran ura.

Jeremaia 3:24

Et, mun auahas nauritai u ilpu atmil unyima im ilpu retpoma a natmas inig er amcel vaig, ahes an nopan iyehki um uhum pam an nopan inig; nikavaig, siip ura im kurimatau ura, im ilpu halav atamaig ura im ilpu halav atahig ura.

Jeremaia 30:16

Ja uhpu auahas ra sji ig era auahas euc ara; uhpu imiapan an taka pece ilpu atimi tak atimi iram asega, inyi eti amen tah; uhpu atoraliak itai u ra sji ig era atoraliak itai unyum ara, uhpu ehcerucai ra sji ig asega era ehcerucai euc ara.

Jeremaia 30:5

Et idim ika a Ihova; Inta mun ahgei nohrai ilpu atimi eucjeucjeucaij akaija, era imtitaig ara, et ti nigpa vai ra.

Jeremaia 4:24

Kis almoi niji edoon ainyak, ja eris idim amaamai; is lep asjusjaig niji au asega va nomoi.

Jeremaia 4:7

Et mun ahes anliin tucjip laion um ehcohos pam, et atga an nefalaig a natimi auahas nup urai iji pece; et mun ahes an nuarin o un aien, mika yi auahas inpece unyimia; uhpu alcapdicraig niji maliyum unyimia, mika yi jim amen iran tah natimi.

Jeremaia 47:3

Etu wit athut hors emda o un um alupas inmotjan neduon, etu wit athut jariot et ahinag o un, um alupas inmotjan niji itai arehed iran, erupu eti ahidai ra a ilpu etmara par almoi ilpu hal ura va nauatialidi u nikmara ehro;

Jeremaia 5:17

Erupu auahas niji ohwai itai unyimia im niji itai hegaig unyimia ara; erupu auahas ilpu halav atamaig unyimia im ilpu halav atahig unyimia ara; erupu auahas siip unyimia im kurimatau unyimia ara: erupu auahas vaine unyimia im nateg unyimia ara: erupu ati nedoa ara, um atoraliak itai irai maliyum emda iji ig unyimia akis asgeig iran aijaua.

Jeremaia 50:42

Erupu apos nefana im inmopul ara: era edemda ara, erupu eti aiheuc vaig tah ara: etpu acreh nohrara um idivaig injap; erupu ateuc irai hors ara, erupu esiai ra ara et idivaig natimi iji ig eris esyei ra va nedoa; uhpu aat iramia, ak nup u Babelon.

Jeremaia 51:29

Etpu amaamai inpece um omoi: uhpu ehneijid intas anacanac asega u Ihova vai nup u Babelon, mika yi umaruma inpece Babelon, etpu lep eti amen iran tah natimi.

Jeremaia 6:23

Erupu apos nefana im inmopul ara; et ipjin nedo ura, erupu eti aiheuc vaig tah ara; et acreh nohrara um idivaig nipji kumnyan has; era ateuc irai hors ara, era esyei ra ara et idivaig ilpu atimi ati nedoa, erupu yiat iramia ara, ak nup u Saion.

Nehum 3:2

et eteuc inmotjan nitai aredei hois, im inmotjan niji itai arehed jipe, im inmotjan niji hors era athut jipe, im lep inmotjan niji jariot era eliaujai jipe.

Habakuk 3:10

Eris ecet euc niji lola au um amaamai: is ahgarero nobohtan van wai: is auoc injap, um adaigjai nikman.

1 Nupu Korindus 10:26

“et idim ohuun nobohtan a Ihova, im niji itai asega amen iran.”

1 Nupu Korindus 10:28

Ja el et ika ehelemia tah natimi, Et itai ahlap ineigki er ahlap iran vai ilpu atmas, jim hegaig aijaua vai natimi ineig is asuptecnaig ehelemia, im lep vai inliinmopon: “et idim ohuun nobohtan a Ihova, im niji itai asega amen iran:”

Ilpu Atimi Tas Alep 18:29

Eris actaig inmaliyum a ilpu mapoi Tan, um amen iran. Eris anvi nidai inmaliyum ura ara par ika Tan, nilpun nidai Tan mapora, eris apos yin imi Isreel: ja is upyi idai inmaliyum iyehki Lisem.

Ilpu Atimi Tas Alep 20:1

ERIS apan a nup Isreel asega et idivaig natimi et ethi, ahes an maliyum Tan um yetpan an maliyum Bier-siba, im lep nup uran pece Cileat, um asjapicnaig an nuhup u Ihova an maliyum Mispi.

Ilpu Atimi Tas Alep 5:22

Eris auahas nihinagai eduei hors ura, va nathut emda u ilpu eucsupo, eris athut emda ara an nahapan vaig ura.