Jeremaia 8:12 - Intas Etipup

¹² Eris wat ago nedo inig ara eris amcel vaig, eris ehcamai ara, ka oʼo? Oʼo, eris idim eti ehcamai ara, is eti imtimlai nesganimtara ara: va nitai inigki erupu eropropse ara ehele ilpu atimi iji ig era mun eropropse ara: et ika a Ihova, eku wit ateghe ra ainyak erupu epihtau ara.

Jeremaia 8:12 Iomraidhean Croise

Jenesis 19:34

Is wat lahlah an tak apnyin, is ika a inmeto ehele inharei, Ek mun idim amen ainyak ehele etmaijau an nepig iyehki: tu lep aluman waina akaijau an nepig inigki; namu apan aiek, um amen ehelen, mika tu asvalav vai etmaijau akaijau.

Saam 52:1

AK natimi emda, na a uri aiek par imiacitak nedo has? et ago nedo aiheuc a Atua emda acen irai iji adiat.

Saam 52:7

Almoi natimi inig et esjum aien par leh ira Atua nemda o un; ja et ika aien yi asgeig an naga o un et alupas, um ika et emda aien an nedo auatatimi o un.

Aiseya 24:2

Im lep inig, erupu idivaig tup atimi a ilpu atimi ahlap ura; erupu idivaig ilpu aheca ura a ilpu atimi alupas; erupu idivaig ilpu atahig ura a ilpu takata esga atimi; erupu idivaig ilpu atimi auarimtai itai a ilpu atimi ahtai itai; erupu idivaig ilpu atimi lucsei itai a ilpu atimi atcijaig itai; erupu idivaig ilpu atimi alupai nimtan vai mune a ilpu atimi leh nimtan vai mune.

Aiseya 3:9

Et asuptecnaig nedo ura nesganimtara ara; era asuptecnaig nedo has ura ara et idivaig nup u Sotom, era eti adahpoi ara. Kaiheuc vai nesgara! era mun ago nitai has vai ra ara.

Jeremaia 10:15

Et takitai nitai iji igki, nauritai u ilpu atimi ahnag: etpu tiih an nopan aru ira ra.

Jeremaia 14:15

Va nitai inigki et ika a Ihova vai ilpu profeta iji ig era asuptecnaig intas ara an nidak, ja kis eti abrai ra ainyak, ja era ika ara, Inyi eti eteuc nedoa, im numlaig has an pece inigki; Ekpu idim auahas ilpu profeta iji igki ainyak an nedoa im numlaig has.

Jeremaia 23:12

Et ika a Ihova, Va nitai inigki etpu idivaig niji uarin umlas an napat nefalaig inig eri atga iran ara: uhpu ahau pan ra, erupu eropropse iran ara: ekpu idim imiapam nohocred ira ra ainyak, nopan aru nedo has ura marom.

Jeremaia 3:3

Va nitai inigki et mun eti ehe, et mun lep eti asuol incopda apitac; ja et eteuc; ehelum nesganimtai intakata ago ingeijid, na mun imiisjis aiek, et ehka vai euc mika an ehcamai aiek.

Jeremaia 44:10

Et mun eti upoupo inliinmopora ara um yetpam an nopan inig, era mun eti ecen vai nyak ara, um eti imiaiji intas alep unyak, im intas unyak iji ig kis ikni ainyak an nuhup unyimia, im lep an nuhup u ilpu retpomia.

Jeremaia 6:15

Eris wat ago nedo er amcel vaig ara eris ehcamai ara, ka oʼo? Oʼo, eris idim eti ehcamai ara, is eti imtimlai nesganimtara ara: va nitai inigki erupu eropropse ara ehele ilpu atimi iji ig era eropropse ara: et ika a Ihova, Eku wit ateghe ra ainyak erupu epihtau ara.

Jeremaia 6:21

Va nitai inigki et ika a Ihova, Ekpu idim ikni niji itai epihtau ainyak vai nup igcaki, erupu ehrepihtau iran a ilpu etmara im lep ilpu hal ura; erupu emesmas a ilpu atimi eblaamnem ma im ilpu apa ura.

Esikiel 23:18

Is asuptecnaig ingeijid o un aien: um atipagki niji itai iran: ja is par apitac um acen inliinmopok ainyak vai yin, et idivaig is acen inliinmopok ainyak vai etwan.

Hosia 5:9

Etpu umaruma inpece u nup Ifreem an nopan aru ira ra: ek mun idim asuptecnaig ainyak ehele niji ira nup Isreel itai iji ig etpu idim yetpam.

Sefanaia 3:5

Et amen ehele ra a Ihova inig et atoh nedo o un; et eti ago tah nedo acalacal aien: et ika aien yi ehcohos pam irai iji uhialeg nedo atoh o un, et eti atumop aien par auritai; ja era eti ato nehcamai ara sji ig et acalacal nedo ura.

Tyuteronome 32:35

Et amen ehelek neruva nedo has, ekpu aru ainyak; etu wit weiyilyik neduora, et ubutpotet nadiat an nohocred ura, et um auroauro nitai iji igki etpu yetpam ira ra.

Nupu Filipai 3:19

nimtan imi ra neigki, nauahas ra vaig, et atua ura nipjinetgara, era imyiacitak nedo ehcamai vaig ura ara, era lep aktaktai niji itai an nobohtan ara.)