Jeremaia 8:11 - Intas Etipup

¹¹ Era mun auahotai has an mocop irai inhalav atahig u ilpu atimi unyak ara, era ika ara, Et igpa, et igpa; et wat eti eteuc nigpa.

Jeremaia 8:11 Iomraidhean Croise

1 Ilpu Atimarid 22:13

Is tas ehele Maikeya a natimi iyehki eris abraig pan yin ehelen, um ika, Era idim asan tas upene ehele natimarid a ilpu profeta, et ethi ache intas ura: etmu lep idivaig intas o un tah ira ra intas unyum, um asan tas upene.

1 Ilpu Atimarid 22:6

Is asjapicnaig ilpu profeta a natimarid u nup Isreel, natimi is for huntret, um ika ehele ra, Ekpu apan Remod-cileat ainyak um ati nedoa, ka ekpu tup amen ainyak? Eris ika ara, Apan aiek; etpu atcijaig imi natimarid a Ihova.

Jeremaia 14:13

Kis um ika ainyak, Awe! ak Ihova Natimarid, era idim ika ehele ra a ilpu profeta. Akupu eti almoi nedoa aijaua, etpu eti yetpam ehelemia numlaig has; ja ekpu alupai caua nigpa inveijec ainyak an nuarin inigki.

Jeremaia 23:17

Era asaig ara um eti atumop ehele ra sji igki era imipalea intas unyak ara, um ika, Et mun ika a Ihova, Akupu amen igpa aijaua; era lep ika ara ehele ilpu atimi iji ig era apitac an liinmopora imipalea ara, athi um athi ehni, Etpu eti yetpam iramia tah nohocred.

Jeremaia 6:14

Era mun auahotai has an mocop irai inhalav atahig u ilpu atimi unyak ara; era ika ara, Et igpa, et igpa; et wat eti eteuc nigpa.

Jeremaia 8:15

Intis ahilek nigpa akaija, jam eti leh tah nitai upene; im lep nopan cehcehe, ja is yetpam nohocred!

Niji tas taigtai 2:14

Era mun almoi intakitai vai caua a ilpu profeta unyimia im niji itai maumau: era mun eti asuptecnaig nedo has unyimia ara, mika eri jim imiapan caua an taka pece; ja era mun ahgei niji tas ahcil vai caua ara im niji tas imiahnag caua.

Esikiel 13:22

Vaig inig nikavaig, eka mun asan tas ahcil aijaua, um ika yi ohocred inliimopoi ilpu atimi upene iji ig, ek mun eti ika ainyak yi ohocred inliinmopora; eka mun ago emda nikmai ilpu atimi auatatimi aijaua, mika eri jim adumoij pam va nedo has ura ara, mika ki imiatamai ra ainyak:

Maika 2:11

El et imiisjis intakitai tah natimi um asan tas ahcil par imiahnag atimi vaig, um ika, Ekpu ahidan tas ehelemia ainyak vai waina im kava; etpu ahidan tas aien ehele atimi iji igki.

1 Nupu Desalonaika 5:3

Eru wit ika ara, Et eigpa um upene; etpu auroauro um yetpam ira ra nitai auahas ra, et idiva, nohocred u intakata opouc; eri eti aha vaig ara.